Шу йили февраль ойида Лондондан туриб Ватандошимиз Камола "Фахрли инсон" доирасидаги "Хайрия эстафетаси"ни дунё бўйлаб ўтказишни бошлаб берганидан хабарингиз бор (манбаа)

Санкт-Петербургда Озод Тажиддинов тарафидан давомланган ушбу эстафетани эндиликда Пекиндан туриб Закирова Фарзона ва  Раимжонова Камолалар давом эттириб, ўша ердаги "Пекин Тил ва Маданият институти" талабаларини ушбу акцияга тарғиб этишди.

Натижада "Фахрли инсон" қатнашувчилари миллат доираси  Тунис, Македония, Малайзия, Корея, Монголия, Тожикистон  ва Қозоғистонликлар билан янада бойиди.

Улар орасида албатта ўз Ватандошларимиз хам бор. Ўзга мамлакатда бўлиб хам ўз юртига мехр-мурувватни чорлаётган шундай ёшларимиздан фахрлансак арзир!

Тобора географик чегараларни билмаётган "Фахрли инсон" хайрия лойихасининг  "Хайрия эстатетаси" яна қайси мамлакатдан туриб давомланишини кузатамиз!

Июль ойининг илк жумаси, 3-июль Рамазон ойида бўлгани  боис, кун давомида  икки турда: Қон топшириш ва моддий хайрия билан ўтадиган  "Фахрли инсон" лойихасини фақат моддий турини муваффаққиятли тарзда ўтказдик.  Шу кунги "Рамазон закоти" шиори остида ўтган хайрия тадбирга юқорида айтилган   Пекиндан "Хайрия эстафетаси"  жамғармаси хам келиб қўшилди. 

 Шоу-бизнес оламидан шу куни етакчи ва таниқли фотограф Мухиддин Али хам қатнашиб ўз хиссасини қўшди

Асрор ва Ахмаджон исми шу икки йигит эса бемор болакайларни барчасини шу куни  мевалар, печение ва "раскраска"лар билан таъминлашди. 

ХИСОБОТ: 

Болалар учун мевалар ва расскраскалар Асрор ва Ахмаджон

Моддий хайрия

1. Адиз Раджабов
2. Мухиддин Али (Фотограф)
3. Феруза Ўзбегим салони
4. Нодира Абдугафурова
5. Рахматуллаева Шохида
6. Дилноза Т
7. Туроб
8. Хуршида
9. Хилола
10. Жамшид Абдуллаев
11. Асрор
12. Гўзал
13. Шахло
14. Шерзод
15. Азиза
16. Камола
17. Шоира
18. Иброхим
19. Наргиза
20. Шахноза
21. Гўзал
22. Мухамедов Алишер
23. Махумедова Нозима
24. Шахноза
25. Адилова Илмира
26. Дилмурод
27. Лола Фан клуби
28. Гули
29. Фарида
30. Ихтиёр
31. Шавкат
32. Низомиддин
33. Барно
34. Дилдора
35. Наримон
36. Дилобар
37. Миржалил
38. Миржалол
39. Мадинабону
40. Сардор Корея
41. Жахонгир
42. Нилуфар
43. Шерзод

+

Пекин Тил ва Маданият институти талабалари:

1. Закирова Фарзона (Ўзбекистон)
2. Kaijian (Малайзия)
3. Jia En (Малайзия)
4. Назира (Тожикистон)
5. Гогова Кристина (Македония)
6. Pak Seonghun (Корея)
7. Oyuka (Монголия)
8. Азиз (Корея)
9. Nazerke (Қозоғистон)
10. Hend  (Тунис)
11. Қурбонов Яхёбек (Ўзбекистон)
12. Суқротбек (Ўзбекистон)
13. Раимжонова Камола (Ўзбекистон)

                                                          Умумий йиғилган сумма: 19.191.000 сўм

Йиғилган суммага доимгидек шу ерни ўзидаёқ дорилар сотиб олиниб, акциямизнинг ходимига айланиб бўлган актер Адиз Ражабов билан биргаликда  беморларни шахсан ўз  қўлига топширилди. 

Йиғилган пуллар албатта катталар бўлимига хам етиб, у ердагиларга хам дорилар сотиб олиб тарқатилди. 

Ахволи оғирларга палатасига кириб топширилди. 

ШУ ЎРИНДА: 

Пичоқ бориб суякка қадалгани учун мажбурман ёзишга...жудаям жонга тегди бору... Сўнгги пайтлар мазкур хайрия лойихаси борасида ижтимоий тармоқларда, хусусан инстаграм ва одноклассникида ўзи хам яхшиликка хисса қўшмай (қўша олмай балки) яна камига бошқаларни хам совутишга харакат қилаётган айрим чаламуллаларга савоб ишни яширинча қилишу ва беркитиш борасида яна ва яна, қайта ва қайта қайтараман:

1. "Фахрли инсон" тарғибот акциясини садақа билан адаштирмаслигингизни сўрардик. Савоб дегани бу фақат яширинча эхсон эмас, у эзгу ва яхшилик ишларни тарғиботи(!) орқали хам эришиладиган савобдир! (манба ) 
Хеч ким ўз-ўзидан қон топширсаммикан деб келиб қон бермайди, бунда тарғибот мухим!!! Хеч бир мамлакатни қон ишлаб чиқариш фабрикаси йўқ, бутун бошли Европа давлатларида хам қон топшириш фақат тарғибот билан амалга оширилади. 

2. Хайр ишни асосийси бу НИЯТ ва НАТИЖА, натижага эришиш йўллари турфа ва бу холатда фақат ва фақат ТАРҒИБОТ ишлари билангина   эришиш мумкинлигини биламиз. Шу сабаб "Ўнг қўл бергани чап қўл билмасин"у, "Бергин унутгин", "Сувга от, балиққа бер" ва хоказо тушунчалари билан умуман адаштирмасликни ва катта хатолик билан ўзингизни хам, бошқа бировларни хам савобдан бебаҳра қолдирмаслигингизни сўрардик! Қон топшириш ва ўлим билан курашаётган болалик учун кўмак беришда юқорида айтганимдек фақатгина тарғибот мухим. Худбин бўлмайлик, савобни қилиб  уни яшириб бошқаларни ўзингизга эргаштиришдек  ва уларга хам шундай имкондек янада улуғ савобдан хам  мосуво бўлманглар! Асосийси ният! У тоза ва аввало Аллох олдида сахих бўлса миллион одамга кўринган ва сезилгани хаммаси бир пул!
 

 3. Қилган ишингни реклама қилаяпсан деб адашганлар унутмасинки: Бу эришилаётган натижаларни хаммасини замирида албатта РЕКЛАМА ва ТАРҒИБОТ турибди! Шу сайт орқали бу лойиха реклама қилингандан кейингина одамлар келиб қатнаша бошлади, кейин эса аста секинлик билан ижтимоий тармоқлар ва албатта бугунги кунга келиб кимлардир кимларга сабаб бўлиб бирга олиб келишяпти. Лекин барибир хамма хаммаси реклама ва тарғибот орқали бўляпти! Истайсизми йўқми натижага айнан реклама ва тарғибот билан эришилмоқда! Бошқа қандай қилиб одамларни йиғиб бориб қон топширтириб яна хайрия қилинглар деб, камига  буни хаммадан яшириш мумкин? Тадбирдан кейингги фото ва видеохисобот эса аввало ўша қон топширгану дориларга пул ташлаб кетаётганлар олдидаги бурчимиз-ХИСОБОТимиздир! Халқ олдидаги хисоботимиз хамдир! Бировни омонати олдидаги масъулият мажбурияти! 

Балки ёмон мақсад  ва ниятда ўшалар шундай изох қолдирмас хам, тарбиясида савоб ишни беркит деб айтилгани тўғри албатта, аммо инсонни ўзига онг ва фахм фаросат нима учун берилган? Бу тарғибот акциясику! Савоб қилиш фақат яшириш деган тартиб қоида йўқ! Исталган домлангиз ёки имомингизга шу лойихамиз доирасида бориб саволни беринг! Вахоланки асл ниятимиз олдида хаммасини гапиям бошқасиям бир тийин! 

Реклама ва тарғиботсиз? Қон топшириш учун одамларни шу сайт орқали йиғяптику, ё айрим бечора ота-оналар каби мажбурликдан мардикорларни пулга ёллаб келтириб қон топширтирайликми биз хам? Қаердан шунча пул олайлик? Шу пулниям қандай йиғайлик? Масжид олдида тиланчилик қилиб, йиққан пулларга дори сотиб олиб бориб яширинча тарқатайликми? Шуниси тўғрими унда?  Ким шундай қиларкин?

Ўзини реклама қилаётганлар билан бизни адаштирманг! Ўз ёнидан хайрияга харажат қилиб,  реклама учун бориб хўжакўрсинга хайрия қилиб яна журналистларни чақириб расмга олдириб ва буни оммавий ахборот воситаларида суратларда бемор болаларни қучоқлаб ишшайиб расмга тушиб ўзини ёритаётганлар билан бизни адаштирманг! На қон топширади ва на керакли дори сотиб олади, фақат бир тийнга қиммат ўйинчоғию беморларга мумкин бўлмаган ширинликларни кўрсатиб расмга тушиб ўзини реклама қилгани қолади.  Ана уларга савол беринг нима учун ўз ёнингдан (умуман кераксиз нарсалар билан) хайрия қилаётган бўлсанг буни оммага кўрсатяпсан деб. Уларда бундан не мақсад? Биздаку аниқ равшан-одамларни қон топширишга тарғиб қилиш ва одамлардан дориларга пул йиғиш. Хар ой одамлар сонини кўпайтириш ва хаммани тарғиб этиш.  

Ва бу борада ўша машхурларни хам таклиф   қилиб уларни мухлисларини хам жалб қилиш, одамларда акцияга шу тарафлама хам қизиқиш уйғотиш. Машхурларни қанчаси акциямизда  келиб қон топшириб моддий хайрия қилди. Буни хаммасини кўряпсизларку. Уларни ортидан фанклублари эргашиб қанчаси қон топширганини хам кўрдингизку. 

Илтимос, эътироз билдираётганда  фахм фаросатни ишлатиб, онгимизга хеч бўлмаса шу мавзуда мурожаат қилайлик!

 Эътиборингиз учун коттакон рахмат! 

Сардор.

Суратлар муаллифи Нодира Махмудова.

Шу кунги ташкилий гурух: Шахло Қодирова, Дилобар Сухбатова, Нодира Махмудова, Адиз Ражабов, Искандар Шукуров, sayyod.com/forum фанфорум аъзоларидан бир нечаси  ва камина.