Хабар берганимиздек, 1 июнь кунидан Лейкемия-оқ қон касаллиги билан оғриган болакайларга қон топшириш акцияси, хамда хайрия тадбирини бошлаймиз.

Хозирда 1 июн кунигача ўйлаб қўйилган "Фахрли донор" ёзуви туширилган браслетларни қон топширган ва хайрия қилганларга совға қилиш учун тайёрлаб улгуришни иложиси бўлмаяпти. Сабаби, Тошкентда бундай силиконлик  браслетлар ишлаб чиқарилмас экан... Хозир музокаралар ва  изланишлар олиб борилмоқда. Тайёр бўлгач, аввал топширганларга албатта етказилади.

Давомий қон топшириш акцияси ва лейкемия билан оғриган болакайларга ойлик хайрия тадбири режаси:

Хар ойнинг илк  жума куни, тадбир икки кўринишда бўлиб ўтади:

1. Қон топшириш акцияси:

-Ойнинг илк жума куни, эрта тонгдан қон топшириш шахобчасига, аввалдан тарғибот орқали йиғилганларни олиб бориб, қон топширтириш. Хар бир  қон топширган донорга "Фахрли донор” ёзуви туширилган браслет совға қилиш.

2. Хайрия-тадбири;

-Шу куниёқ, бир ой давомида тарғибот ишлари ва турли ташкилот ва муассасаларга, шунингдек интернетдаги турли социал тармоқлар орқали сотилган "Фахрли донор” браслетидан тушган пулларни йиғиб, қон топширишдан кейин, кундуз куни лейкемия билан оғриган болакайлар шифохонасига келиб, шифокорлар билан маслахатлашган холда, моддий тарафлама дориларни олишга қийналаётган беморларни ота-онасига пул хайриясини топширилади.

Йил давомида Тошкент шахри ва вилоятлар бўйлаб хонандалар билан хайрия гала-концертлари ўтказиб, ундан, ва у ерда сотилган браслетлардан тушган пуллар шифохонада дориларни сотиб олишга қийналган оилаларга тақдим этиш ишлари ўрганиб чиқилмоқда.

Мазкур қон топшириш акцияси ва хайрия тадбирини маълум муддатга эмас, давомий тарзда, хар ой ўтказиш режамизда.

Демак, 1 июн 2012 йил соат 10-00да,  қон топширишни истаганларни (паспорти билан!) Тошкент шахри, Ш.Руставели кўчаси 138 уй манзилида кутамиз.