Эртага май ойининг илк жумаси 1-май куни "ФАХРЛИ ИНСОН" лойихаси давомланади!

Хайрия, савоб ва яхшилик чоррахасида учраштирадиган бу лойихада имкон қадар иштирокингиз мухим!

Ким қон топширсин, топшира олмаса қон топшира оладиган танишини олиб келсин, ким имкони бўлса моддий хайрия билан қимматбахо дорилар сотиб олиш учун хисса қўшсин ва бу хаммасига хам имкони йўқлар шунчаки келиб бизлар билан елкама-елка туриб хизматда бўлиш хам хисса қўшиб ёрдам бўлади.

Келаётган одамларни рўйхатлаш, кутиб олиш, кузатиш ва хоказоларга хам одамлар керак бўлади. Лойихамиз кун давомида икки турда ўтишини инобатга олса , кимлардир қон марказида ва кимлардир эса болалар шифохонасида ёрдам бериб туриши  керак бўлади.

Айтганча! Доллор ёқувчи  Анжану Тошкенлила !

Эсингиздами? Кутамиз а?)))

Сизларни қаторингизга мошина тепонғичлаям кирди))

Келмаганларга биздан видеожавоб бўлишини кутасизлар!) (Ўша гап-ўша гап: уялмай кевуринглар, аноним қолишингизга ваъда! Шунчаки келиб ўзимга айтсангиз кифоя, расмгаям олинмайди видеогаям, хайриянгизни ташлаб кетасиз тамом! Ёки истасангиз айбингизни қон билан ювиб дегандек))) қон топширсангиз хам бўлади. )

Хуллас, бекорчи , увол ва сарф-харажатни хуш кўрадиганларни ХАМ савобли ишда кутамиз!

ШУНИНГДЕК!!!

Хурматли ва қимматли санъат ахли! Хонандаю, актер, сухандону журналист  ва оператору режиссерлар!

Бу хайрия акцияси! ОЧИҚ!!! Хечким алохида таклиф этилмайди ва шу сатрларни ўқиб УҚИБ, савоб олдида (балки) ғурурини четга суриб келганга икки карра хурмат !

Бу Сайёдни шахсий тўйи ёки шахсий байрами эмас, бу бемор болакайлар учун хайрия тадбири, биз бир сабабчи хизматдагилар холос.  Бу тадбирга таклиф қилинаётгану аммо йиллаб  ўзини "овотган" машхурларга алохида тегишли бу сатрлар! Олмахонла зоопаркда бўлақосиииин

МАЪЛУМОТ: “ФАХРЛИ ИНСОН” хайрия тадбири лейкемия билан оғриган болакайларга, хар ойнинг илк жумасида, кун давомида икки турда ўтадиган хайрия лойихамиздир; 

- 14:00-17-00 Қон марказида бемор болакайларга зарур қон топшириш акцияси ўтказилади. 
Манзил: Тошкент шахри, Ш.Руставели кўчаси 138 уй манзилида кутамиз. Ориентир: Жанубий вокзал мостига етмасдан "ҚОН МАРКАЗИ". (+99894 6446711) 

- 17:00-19:00 Гематология институти қошидаги бемор болакайлар шифохонасида, кун давомида йиғилган ихтиёрий моддий хайрияга қимматбахо дориларни сотиб олиб, тарқатиш тадбири ўтказилади. 
Манзил: Тошкент шахри, Қатортол кўчаси 42а уй, ориентир: Қатортол "оптовик" олдидаги кичик чорраха олдидаги Халқ банки ёнидан кириб кетиладиган кўча. Гематология институти, Лейкоз билан оғриганлар шифохонаси. 

Хар бир қон топширган фахрли донорларимизга шу кунги мехмон артистларимиз “Фахрли инсон” браслетини тантанавор тарзда тақиб қўйишади. 
Хар бир ихтиёрий моддий хайрия қилган хомийларга хам браслетлар шу тартибда тақиб қўйилади. 

 

-Қон топшириш бўйича маълумотлар: 

1. Қон топширишингиздан аввал сизни вазнингиз, қон босимингиз, гемоглабинингиз , хуллас организмингиз қон топшира оладими йўқми, шу ернинг ўзидаёқ шифокорлар текшириб кўришади. Организмингиз қон топширишга лаёқатли топилгандан кейингина, қон топшириш хонасига ўтишдан аввал фанфорум аъзолари ширинликлар билан яхшилаб сизни мехмон қилгач, қон топширасиз. 

 

 

2. Қон топширгач қонингиз группасини ўша захотиёқ билиб, истасангиз паспортингизга у маълумотларни ёздириш хуқуқи берилади. Шунингдек қонингиз ташхис жавобларини хам маълумотнома тарзида олишингиз мумкин бўлади. 

 

3. Қонингиз ва ёки организмингиз билан боғлиқ анализлар жавоби ва ёки касалликлар хеч кимга ОШКОР ЭТИЛМАЙДИ! Қон топшириб кетганингиздан кейингина, хамма қонлар тегишли стерилизациядан ўтиб, кейин бемор болакайларга қуйилади. 

Барча топширилган қонлар хужжатланиб расман бемор болакайлар номига ўтказилади.  



 

4. Қон хар бир донор(қон топширувчи)дан шифокорлар назорати остида деярли 400 граммча олинади. Бугунга келиб нечи юзта ёшларимиз қон топширди, хаммаси соғ-омон, бир мартта қон топширганлар яна икки уч маротаба келиб, қайта топширганлар хам бўлди. Лойиха бошидан бери 8-12 мартта топширганлар хам бор.

-Моддий хайрия бўйича маълумотлар: 

1. Исталган миқдорда моддий хайрия қилиб, аноним тарзда қолиш хуқуқингиз бор. Пулларни Шахло исмли фанфорум рахбари йиғади. 
 
2.Барча қилинган хайрия пуллари гувохлар олдида саналиб, ўша ерни ўзидаёқ шу пулга, шифокорлар томонидан берилган, қийналган оилалар рўйхатига асосан , дорилар сотиб олиб, хар бир бемор болакай ва унинг онаси қўлига шахсан топширилади! 

3 Моддий хайрия хақида батафсил мақола учун манба 
 

-Тадбирдаги иштирок бўйича маълумотлар: 
-Қон топшириш ва моддий хайрияга имкон бўлмай, бемор болакайларга ширинлик топшириш истагида бўлганлар: шифокорлар болакайларга , ширинликлардан фақат печение мумкинлигини маълум қилишади. 

-Қон топшириш ёки хайрия қилиш имконингиз бўлмаса, ва шу тадбирда қўлдан келганча хизматда бўлишни истаганлар учун хамиша хурсандмиз. Шу куни артистларни кутиб олиш, қон топшираётганларга ширинлик ва сув билан таъминлаш, тадбир ўтаётган жойни безаш каби хизматлар бўлади, бемалол келиб иштирок этишингиз мумкин. 

 

Ва энг асосийси тарғиботи акциясини садақа билан адаштирмаслигингизни сўрардик. Савоб дегани бу фақат яширинча эхсон эмас, у эзгу ва яхшилик ишларни тарғиботи орқали хам эришиладиган савобдир! (манба ) 
Хеч ким ўз-ўзидан қон топширсаммикан деб келиб қон бермайди, бунда тарғибот мухим. Хеч бир мамлакатни қон ишлаб чиқариш фабрикаси йўқ, бутун бошли Европа давлатларида хам қон топшириш фақат тарғибот билан амалга оширилади. 
Халқимиз ёмон туш кўришидин то иши юришмай қолганигача, мушкулидан озод бўлишга ё домлага чопадигани ва ёки шунчаки тиланчиларга садақа беришгача тушунишади. 
 
Қон топшириб, ўлим билан курашаётган болакайларни умрини узайтиришга ёки мутлақо тузалиб кетишигача умрини бироз узайтириб туришга хисса қўшишдек яна улуғ савоб иш бормикан? 
Республика бўйлаб турли вилоятлардан бемор фарзандини пойтахтда даволатаётган ва қимматбахо дориларга мухтож оилаларга ёрдам бериб, болакайларни тузалиб кетишларигача сабабчи бўлишдек савоб борми яна? 

Қимматбахо дорилар орқали мунтазам равишда даволанган болакайларни тузалиб кетишига шифокорлар 75 фоиз кафолат беришмоқда. 
Афсуски нафақат қимматбахо дориларга балки пойтахтда даволаниш даврида яшаш учун хам пул топа олмаётган қанчадан қанча оналар фарзандларини таваккал деб қайтариб олиб кетишаётгани ачинарли хол. 

Ушбу сатрларни ўқиётган хар бир ўқувчи, қандайдир хиссаси билан оғриқа тобе, игнага қарам болаликка ёрдам бера олади! Қайсидир болакайни яна бир кун яшашига, тузалишига бир қадам қолган ўша қадамини босдира олишига хисса қўша олади. 
 
Кимдир ўз хаётида бир бора улуғ ишга қўл уришига имкон. Кимларгадир жума кун улуғ ишлар билан ўтишига имкон. Кимлардир шу куни фахрли инсон! Шу сабабли эса... 
                                                                                                           кимларгадир яшамоқ учун имкон! 

Батафсил маълумотлар учун; +99894 695-21-21,  +99894 644-67-11