14:53 Виртуал салла кийган чала муллалардан чарчади одамлар... | |
Сирияда бўлаётган воқеалар натижасида, интернетга қўйилган суратдан, бир қанча болакайларни ерда ўлиги тизилиб ётганини кўриб, халигача ўзимга келолмаяпман. Нақадар олам вахший? Шу қўлига қурол олиб урушаётганлар сони нари борса минглаб дейлик, аммо, планетамизда инсонлар қанча? Нахотки ёвузликни енггиш шу қадар қийин бўлса? Ўшаларни хам оиласи, болачалари бордир? Нимага курашяпсан фарқи йўқ, бор ана , очиқ майдонда кураш эркак бўлсанг, лекин болаларнинг хаёти эвазига эмас!!! Яшаш хуқуқидан , болаликдан махрум этишга хеч кимни хаққи йўқ!
Атрофда кунига минглаб болалар ўлиб кетяпти...улар нималарни кўрди? Яхшилик учун садақа, закот...детдомга югур... Болалар уйи давлат томонидан жуда яхши таъминланган, асосийси улар соғ омон! Улар хеч нарсага курашмаяпти, уларга мехр етишмайди холос, уни эса минг бориб қанча хайрия қилганингиз билан, хузурини хожатхона кўрадиган хайрияни натижаси улуғлигига шубхам бор...узр. шахсий фикрларим туғён урмоқда холос... Хеч кимни хозир танқид қилиб ёки хайрияларни таққосламоқчи эмасман, шунчаки мухимлари борлигига эътибор қаратяпман. Хамма хайрия ўз йўлига , лекин мухимига бугунги кунда эътибор жуда суст тушуняпсизми?! Мана бу қон топшираётган ёшларга фахрли инсон деб номлашимизни ўзи кам, улар росмана қахрамонлар!  Пул бериш ёки биронта мураккаб ишни уддалаш бошқа гап, лекин, ўзидан бир бўлакни ажратиб бериш бу қахрамонлик! Мана, деярли бир ярим йилдан бери, хар ойнинг илк жумаси қон топшираётган мана бу ёшларга бир қаранг! Уларнинг аксарияти бир эмас, бир неча маротаба қон топшираяпти! Аксариятини танимайману, бироқ, улар менга жудаям азиз, энг хурматли инсонларим! Уйга келгач, қон топширганларни суратларига, очиқ гап, узоқ термулиб тураман. Хурсанд бўламан, фахрланаман, шукр қиламан ва қаеридадир хайратланаман хам. Умуман бегона ва машхур бўлмаган оддий инсонларга кумирдек қарашни мана шу акцияда ўзимга кашф қилганман. Бу чин дилдан ёзаётган самимий сўзларим, шуларни расмига қарасам тўлқинланиб кетаман. Ахир улар ўзларидан бир бўлагини хадя қилишяпти. Бир бўлак хаётни ўлим учун курашаётган болакайларга совға қилишяпти!  Оқибатнинг энг чўққи нуқтаси "Фахрли инсон" лойихасида ўтмоқда. Ўз яқинига бир бурда нон беришга оғринаётганларни кўряпмиз... "Фахрли инсон" лойихасида эса нафақат оқибат ва мехр мавжудлиги, балки уни энг юқори чўққисини хам сезишлик бахтига эришиб келяпман. Бунга барча қон топшириб шу хайриямизда иштирок этаётганларга чин дилдан коттакон рахмат дейман!  Яхшилик бор, унга нафақат ишонаман, у борлигини хар ой аниқ илк жумасида сезиб кўраман! Хар ойнинг илк жумаси дунёда энг юқори туйғулар борлигидан репортаж қиламиз, унда иштирок этамиз ва исботлаймиз! Яхшиликни ривожлантиришда ўз хиссангизни қўшинг. Яхши жойларда, яхши тадбирларда улуғ ишларда фаол бўлинг! Хаммамиз ўлиб кетамиз, хеч ким абадий эмас, ўлимдан ва бир томчи қондан рангимиз оқарадиган бўлиб қўрқиб қолганмиз, йўқ, абадиймассиз! Нариги дунёга нима билан кетаман деб ўйлангчи... Рухиятингизи йиғаётган бойликлар билан кетасиз. Билиб билмай унга ғамлаган ахлатлар билан кетамиз... Махшар тараф учаётганимизда фахрли инсон номи қанотимиз бўлсин! 6 декабрь, улуғ ишлар чоррахаси бўлган "Фахрли инсон"да кўришгунча Саййид ул айём муборак! Келаси муборак кунда муборак ишларда бўлиш насиб этсин! 1 ноябрь кунидаги "Фахрли инсон" лойихаси хисоботи: Қон топширганлар рўйхати: Салимов Камолиддин Жўраев Абдуллох Азаматов Бахтиёр Жамолов Фазлиддин Ренис Мешаян (шоир) Шарифхонов Ихтиёр Мансурова Ноиба Дўстмухамедова Мухаррам Эргашев Ботир Бекмурадов Шахбоз Маъруфхўжаев Бахромхўжа Сапаев Мадиёр Алимов Дилшод Хўжамуродова Чарос Салихов Р Умумий 15 киши қон топширди
Акциянинг "Ширин” хомийлари: Сайёд фанфорумидан Зиёда, Эзодил, Мадина, Шохида, Дилфуза, Мухаббат ва Искандаров Бекзод Болалар учун махсус совғалар, Раскраска ва ручкалар : Бекзод Искандаров ва Зиёда
Моддий хайрия: Шахноз (Шоира, хонанда ва бастакор) Миржалил ва Миржалол Жахонгир Низомиддин Мехрож Усмонова Озода Зиёда Диёра (У.Холиқов фан клубидан) Музаффар (У.Холиқов фан клубидан) Хожиакбар Азат Тажадинов (Бобо, Сайёд фанфорумидан) Аваз Дарк (Сайёд фанфорумидан) Гавхар Қаххорова Зухра (Сайёд фанфорумидан) Мухаббат(Сайёд фанфорумидан) Саъдуллаев Санжар Чарос (Сайёд фанфорумидан) Азиза (Беном фан клубидан) Шарифханов Ихтиёр Азаматов Бахтиёр Дилдора Бакиева Шахноза Нилуфар Хакимова Шахзода Хакимова Марғуба Хакимова Баратов Низомиддин Лазизахон Заитова Дилдора Москвадан "Фахрли инсон” браслетларини тайёрлатишда ёрдам берган ва уни Тошкентга етказишни бўйнига олган Сайёд фанфоруми аъзоси Мирумаров Қодиржонга алохида рахмат! +Райхон мурожаати билан Видео: Тасиксдан мобил турини кўчирмоқ 22мб 6-декабрь 2013 - Соат 14:00дан 17-00гача Қон марказида бемор болакайларга зарур қон топшириш акцияси ўтказилади. Манзил: Тошкент шахри, Ш.Руставели кўчаси 138 уй манзилида кутамиз. Ориентир: Жанубий вокзал мостига етмасдан "ҚОН МАРКАЗИ". - Соат 17:00дан 19:00гача Гематология институти қошидаги бемор болакайлар шифохонасида, кун давомида йиғилган ихтиёрий моддий хайрияга қимматбахо дориларни сотиб олиб, тарқатиш тадбири ўтказилади. Манзил: Тошкент шахри, Қатортол кўчаси 42а уй, ориентир: Қатортол "оптовик" олдидаги кичик чорраха олдидаги Халқ банки ёнидан кириб кетиладиган кўча. Гематология институти, Лейкоз билан оғриганлар шифохонаси. (Батафсил маълумот учун +99894 6446711)
| |
| Бўлим: Din | Кўрилган: 16499 | Чоп этди: Sayyod | Теглар: | |
Нравится
| Барча изохлар: 18 | ||||||||||||||||||
Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ! Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин! -Қолдирилаётган изох ўша мақоладан ташқаридаги мавзуда бўлса хам ўчирилиши мумкин. (батафсил манбаа)
Изохлар модератори NOZI, Шахло Қодирова ва Бекзод
UZFUNFACTORY & Sayyod media group © 2024
  
| ||||||||||||||||||
0
