Аввало, бу лойихада қатнашган хар бир иштирокчи фахрли ва қахрамон эканлигини эътироф этиш керак. Шунчаки, рағбатлантириш сифатида аълоларнинг фаолларини хам аниқлашни лозим топдик.

Бу йилдан "Фахрли инсон" лойихасида энг фаолларни тақдирлашни йўлга қўйдик. Сайтимиз жамоасидаги қизларимиз Шахло ва Дилобарлар хисоботларни кўтариб уларни аниқлаб беришди.

Аввал, 2012 йил 1-июндан  то 2014 йил 1-июнгача бўлган даврда энг кўп қон топширган фахрли қахрамонларимиз билан танишамиз:

"Фахрли инсон" лойихасининг энг жасоратли донори!  

1. Жўраев Сирожиддин  (Шохруххон фан клуби)                      - 7 мартта (шу куни 8-чи маротаба топширди) ғолиб!

2. Салимов Камолиддин   (Sayyod Фанфоруми)                         -  6 мартта (шу куни 7чи маротаба топширди)

3. Хайритдинов Элмурод  (Шерзодбек фан клуби)                    -  5 мартта

4. Маъруфхўджаев Бахромхўжа Sayyod Фанфоруми                -  5 мартта

5. Турсунов Аброр   (Sayyod Фанфоруми)                                  -  4 мартта

6. Алимов Дилшод   (Sayyod Фанфоруми )                                 -  4 мартта

4. Мамадалиева Эъзозахон  (Sayyod Фанфоруми)                     -  4 мартта

8. Мешаян Ренис                                                                            -  4 мартта

Бу номинациядаги ғолибга рамзий совға ва соғлиқ учун керакли камтар ва кичкинагина совғача картамизни хам хонанда Муниса Ризаева топширди. 

"Фахрли инсон" лойихасининг санъат оламидан энг фаол иштирокчиси

Санат оламидан хар ой илк жумаси ўтказиладиган бу тадбиримизда санъаткорлар қатнашишидан хабарингиз бор. Икки уч маротаба ўз ташаббуслари билан хам қайта иштирок этаётганлар хам йўқ эмас. Улардан албатта Каниза, Шахзода ва Райхонларни айтиш мумкин.

Аммо мунтазам равишда деярли хар ой  қимматбахо дориларни сотиб олиш учун хиссасини қўшиб турган ва ташкилий ишлардан то хизматчиларга дастурхон ёзишгача фидоий ишлари билан бир санъаткор ажралиб турганини хар ой ёзиб бориладиган хисоботдан хамма билади. 

"Фахрли инсон" хайрия лойихасининг санъат оламидан энг фаол ва жонкуяр иштирокчиси номинациясини топшириш маъсулияти Райхонга юкланди.

Райхон ғолиб номини айтишга  шошмай , интрига билан хаммадан сўради, сизнингча у ким деб.  

Нихоят Шахноз номи айтилганида буни Шахнозни ўзи хам кутмаганди.

Шахноз: -Бу мукофотни айнан Райхон қўлидан олганимга хурсандман.

Ана энди "Фахрли инсон" лойихасидаги фанклублардан энг фаоли.

Айтиб ўтиш керак, аслида энг фаол фанклуб ва энг кўп қон топширган фанклуб хам сайтимиз фанфорумидан бўлиб,  аммо улар ташкилотчилар хисобида бўлгани сабабли ўзимизни ўзимиз тақдирламай, бошқаларга имкон бердик.

"Энг фахрли фанклуб"

Шу куни иккинчи номинациядаги ғолибликни олиш бахти яна Сирожиддинга насиб қилди. Сабаби у бу номинацияла ғолиб ғолиб фанклубнинг рахбари. Шохруххон фанклуби "Фахрли инсон" хайрия лойихасининг энг фаол ва энг кўп қон топширган фанклуби эканлиги расман тасдиқланди!

Совғани Лола топширди. 

Сирожиддинга икки карра ғолиблик муборак!

Фаоллиги билан 2-ўринда Шерзодбек ва 3-ўринда Шахзода фанклублари эканлиги хисоботдан маълум бўлди. 

Ш-харфи лидерларнинг уччаласида хам)

Совға ва тақдирлашларни бошқа турлари хам бўлиб ўтди. 

Олдинги йил Гугуша фанклуби сайтимизга расмий совға бериб тақдирлаганди, бу йили эса Қўқонлик мухлис Иброхимжон Мамажонов шу лойихамиз ва сайт рахбарига аталган дил сўзларини шеър тарзида тақдим этди.

Қон топширганларга фахрли браслетларни Муниса Ризаева топширди. 

Райхон фанклуби болакайларни шарлар билан тақдирлашди))

Шу ўринда:

2012 йил июндан буён умумий 400 га яқин инсонлар  Фахрли инсон номига сазовор бўлишган.

2012 йилдан хозирга қадар бу лойихамизда қатнашган 40тага яқин фан-клуб бизга маълум.

Тадбирдан биргина  видео қолди. Тез орада уни хам тақдим этамиз!

Суратлар муаллифлари Азиз Жабборов, Исроил Иброхимов ва Баходир Матёқубов 

Аввало, бу лойихада қатнашган хар бир иштирокчи фахрли ва қахрамон эканлигини эътироф этиш керак. Шунчаки рағбатлантириш сифатида аълоларнинг фаолларини хам аниқлашни лозим топдик.