Шоу-бизнес ва жиноят олами Adolatsiz haqiqatlar
Шоу-бизнес ва жиноят олами

Ёқдими?

Бошқаларга хам кўрсатинг:

Санъат аҳли борки, оддий одамларга нисбатан бадастир яшайди. Айниқса, машҳур хонандалар, актёр ва бошловчиларнинг егани олдида, емагани ортида. Улар бой-бадавлат, тўкин-сочин истиқомат қиладилар. Бойликка эга бўлмаган кўпчилик одамлар эса бойлик эгаларини ёмон кўришади. Уларда ҳасад ўти ловуллаб ёнади, нафслари жилов топмай қолади. Натижада айримлар қотилликка қўл урадилар. Биз қуйида тилга олажак уч қотиллик айнан нафсга мутелик туфайли содир бўлган эди...

 

ЛАЙЛО АЛИЕВА

(1975 – 1998)

Ҳамкасблари ўз қотилига айланишини Лайло Алиева хаёлига ҳам келтирмаган, албатта.

 

Бугунги ёшлар Лайло Алиевани танимасликлари мумкин. Уларга Райҳону Шаҳзода бўлса кифоя. Ваҳоланки, 18 йил муқаддам Лайло, ҳозирги тилда айтганда “мегаюлдуз” эди!

Лайло Алиева 1975 йили Самарқандда таваллуд топган. Унинг болалиги Тошкентда ўтди. Қизалоқнинг чиройли кўзлари гўдаклигидан эътиборни тортди. Икки ёшида “Мода” журналида расмлари чиқди. Дастлаб пойтахтдаги 110-мактабда, кейин хореография билим юртида таҳсил олган Лайло тенгдошлари орасида яққол ажралиб турарди. “Семурғ” оромгоҳидаги “Гўзаллик” танловида юқори ўринни олганида у 10 ёшда эди.

Лайло ҳам қўшиқ куйлар, ҳам рақс тушарди. Кейинчалик телевизор экранида пайдо бўлди. Бир нечта видеоклиплари чиқди. Мухлислар орттирди, санъат аҳлининг ҳурматига сазовор бўлди. Бироқ айнан ҳамкасблари томонидан ваҳшийларча ўлдирилиши Лайлонинг етти ухлаб тушига ҳам кирмаган эди.

Унинг суратлари орасида бўйнида тилла занжир, бармоқларида олтин узуклар тақиб тушган расмлари ҳам кўп. Лайло болалигидан тақинчоқларга ўч бўлган. Айтишларича, буваси йирик заргар ўтган. Бувиси ҳам бу ҳунардан бохабар эди. Лайлонинг ўлдирилишига ана шу тилла тақинчоқлар сабаб бўлган.

Машъум кечада Лайло Алиеванинг эшигини ўша пайтда машҳур бўлган “Ал-Вакил” гуруҳининг икки нафар йигити тақиллатди. Лайло уларни танигани учун ҳам меҳмон сифатида қабул қилди. Акс ҳолда ярим кечада эшигини очмаган бўларди. Бироз ҳол-аҳвол сўраб ўтиришгач, улар кутилмаганда Лайлога ташланишди. Ожиза аёл икки эркакка қарши нима ҳам қила оларди? Бу унинг тақдирига битилган сўнгги кеча бўлиб қолди.

Лайло Алиева қирқ икки жойидан пичоқлаб ўлдирилган. Қотиллар унинг барча тилла тақинчоқларини, ҳатто бармоғидан чиқиши қийин бўлган узугини совун суркаб суғуриб олишган. Улар жазоланди, олий жазога ҳукм қилинди, бироқ энди Лайлони тирилтириб бўлмасди.

У энг сара қўшиқлари жамланмасини “Сен – менинг орзум” деб номлаган. Ўша, 1998 йили Лайло 20 августдан 10 сентябргача “Туркистон” саройида концерт ўтказиш учун шартнома ҳам тузиб қўйган эди. Афсуски, ёш юлдузнинг 20 кунлик концерти ўтказилмай қолди. Лайло Алиева 23 ёшида ваҳшийларча ўлдирилди.

Лайлони дафн этишгач, бир ой ўтмай, отаси ҳам вафот этди. У оғир мусибатни кўтара олмади. Лайло Алиевадан ёлғиз ўғли Жасурбек ёдгор бўлиб қолди.

 

Искандар Аъзамов (Скан Мульти)

(1978 – 2006)

Ҳеч кимда хусумати бўлмаган Скан Мульти ҳам аёвсизларча ўлдирилган..

 

Скан Мульти тахаллуси билан танилган Искандар Аъзамов 1978 йилнинг 25 январида туғилган. У кинорежиссёр, сценарийнавис, телевизион тасвирчи ва актёр эди.

1996 йилдан эътиборан ўзбек телевидениесида ишлай бошлади. “Культпоход”, “Авлод”, “Компьютер-Азия”, “Клипомет” кўрсатувларини ташкил этишда қатнашди. 1997 йилдан бошлаб вафотига қадар 100 га яқин мусиқий видеоклипларни суратга олди. 2003 йили Москвада, СТС каналида постановкачи оператор бўлиб ишлади (“Утро с Киркоровым” ва бошқаларда).

Ёдингизда бўлса, Скан Мультининг “Хўжа Насриддин: ўйин бошланади” номли бадиий фильми роса реклама қилинганди. Бош ролларни Искандарнинг ўзи ва хонанда Согдиана ижро этишганди. Ўшанда бу санъаткорлар ўртасида ишқий муносабатлар борлиги ҳақида гап-сўзлар ҳам чиққан. Мазкур овозалар қанчалик рост ёки ёлғон, аммо Согдиана февраль ойида Москвага учиб кетгани ҳақида маълумотлар бор.

“Хўжа Насриддин: ўйин бошланади” – ҳеч қайси киноасар ярим йил мобайнида реклама қилинмаган бўлса керак. Роликда фильмдаги энг қизиқ лавҳалар берилганди. Бу эса томошабинларнинг қизиқишини янада кучайтириб юборди. Бироқ, худди Мўмин Орипов каби Скан Мульти ҳам ўз фильмининг премьерасига етиб кела олмади. 2006 йилнинг 23 июнь куни у 28 ёшида ўзининг уйида икки нафар йигит томонидан шафқатсизларча пичоқлаб ўлдирилди.

Скан Мульти қотиллар билан шахсан таниш бўлган. Улар Искандар Аъзамовнинг хизматини адо этиб юрган мардикор йигитлар эди. Қотилларнинг Скан Мультини ўлдиришдан муддаоси пул бўлган. Пичоқ билан берилган зарбалар унинг умрига якун ясади. Компьютерда ишлаб ўтирган Скан Мульти ўз ҳаётига тажовуз қилишларини кутмаган ҳам. Қотиллар унинг орқасига ва юрагига бир неча марта пичоқ уришган.

Жиноятчилар йирик кўламдаги кинокомедияни суратга олган режиссёрнинг уйида бойлик кўп деб ўйлашганди. Бундай бўлиб чиқмади.

Қотиллар ушланиб, тегишли жазоларини олишди.

 

Раҳматилла Мирзаев

(1955 – 2015)

         

Раҳматилла Мирзаев 1954 йил 22 сентябрда Тошкентнинг “Қашқар” маҳалласида туғилган. У болалигида отасидан етим қолди. Ўрта мактабдан сўнг ўша даврда Тошкент театр ва рассомчилик институти деб аталувчи, бугунги кунда Тошкент маданият ва санъат институтининг актёрлик бўлимига ўқишга кириб таҳсил олди.

1976 йили телевидениеда ўтказилган дикторлар танловида иштирок этиб, юзлаб номзодлар ичида ғолиблар қаторида ишга қабул қилинди. Шу-шу, фаолияти ТВда ўтди. “Ахборот” ва бошқа дастурларни олиб борди. “Дилдаги гаплар” кўрсатувига муаллифлик қилди. У ҳар қандай кўрсатув ва дастурга профессионал даражада ёндашарди. Кўркам қиёфаси, ўктам овози туфайли кўплаб томошабинлар қалбидан жой эгаллади. Бир диктор қилиши керак бўлган ҳамма ишни муваффақиятли уддалади. У тўйларда ўртакашлик, концертларда конферансьелик ҳам қилди.

Узоқ йиллар ТВда фаолият кўрсатган Раҳматилла Мирзаев 2014 йилнинг 22 сентябрида ўзининг 60 ёшини қаршилади. У Ўзбекистон Миллий телерадиокомпаниясининг олий тоифали, унвонли сухандони эди.

Раҳматилла Мирзаев роллар ижро этган видеофильмлар яхши маълум. У салбий қаҳрамонларни ҳам қойиллатиб ўйнаган. Р.Мирзаев уч фарзанднинг отаси ва бир неваранинг бобоси эди.

Айтишларича, Раҳматилла ака қанчалик машҳур бўлмасин, ниҳоятда камтар, содда бўлган. Кўчада қийналган кампир ёки чолга кўзи тушса, машинасини тўхтатиб албатта олиб кетган. Кимнидир шифохонага ётқизишга тўғри келса, кўмаклашган. Жуда кўплаб инсонларга яхшилик қилган. Уйларидан одам аримасди. Яна бир гап: Раҳматилла ака ниҳоятда шошиб юрган. Бир умр шундай бўлган. Доимий равишда шошилган одамларнинг тақдири эса... қандайдир аянчли тугайди дейишади.

Раҳматилла Мирзаевнинг оиласи иккита эди (иккинчиси – шаръий). Биринчи оиласидан икки нафар – Зарифа ва Умиджон, иккинчисидан бир фарзанд – Шодия дунёга келди. Аммо умрининг охирларида якка ўзи яшагани ҳақида маълумотлар бор.

 

  Раҳматилла Мирзаев ўлимидан бир кун олдин қизалоғи билан концертга борган эди.

 

2015 йилнинг 1 март куни Р.Мирзаев қизи Шодия билан Ғуломжон Ёқубовнинг концертига боради. Концертни томоша қилишади. Ўша куни якшанба эди. Концертдан кейин қизини онасининг ёнига юборган Р.Мирзаев ҳовлисига йўл олади. Эртасига, 2 март куни эрта тонгда у ўз уйининг ертўласида пичоқлаб ўлдирилди.

60 ёшли Р.Мирзаев Зангиота туманининг Чувалачи қишлоғида истиқомат қилувчи 21 ёшли К.Шоазизов томонидан шафқатсизларча ўлдирилди. Дастлабки тергов давомида жиноятга сухандоннинг ўғли У.Мирзаев ҳам алоқадор эканлиги аниқланди.

Жиноятчилар узоқ муддатларга озодликдан маҳрум этилдилар.

Анвар Намозов

 

03-Ноя-2016 05:21
Бўлим: Adolatsiz haqiqatlar | Чоп этди: Sayyod | Тег : Anvar Namozov
ТЕГИШЛИ МАВЗУЛАРДА:

1 M.   (03-Ноя-2016 06:22)
Laylo Alievani MEGAYULDUZ deb oshirilvorgan! Megayulduz bo'ganda e'di, e'sda qolarli qo'shig'i bo'lar e'di! Hudi hozirgi kunda Yulduzni "Nastatin va Qizil olma" qo'shiqlarini biz bilgan kabi!

12 vertu122   (03-Ноя-2016 13:20)
Hech ham oshirilmagan. Endi mashhurlikka erishgan voxtlari edi

23 ledy   (04-Ноя-2016 11:57)
Биринчи замонавий узбек клипиниям Лайло олган. 90-йилларда европача услубда "Барибир сени топарман" клипидака техникани Юлдуз Усмонова хали ишлатмаганди. Умуман хеч ким Лайлогача ишлатмаган. Кейин Узб. шоу-бизнесида Ал-Вакил хам биринчи хакикий реперлар булишган. Иккинчиси Шохрух репер. Шу иккаласидан кейин тоза реперчилар йук Узб.да. Юлдузнинг даври 80-90-2000йилларнинг боши эди. Агар тирик булганида Лайло уша овози билан хаммадан утарди. Нафакат чиройли, овоз хам кучли булагн. Хозиргилардака овоз булса чирой йук, чирой булса овоз йук булмаган.

25 ledy   (04-Ноя-2016 13:09)
21 йил олдин олинган "Жонгинам" клипи солиштириб курингчи 2016 йил олинган кайси клипдан кам. Эффектлар, операторлик иши, режиссер иши, монтаж хаммаси худди бугунги кундагидек. Бугнги кунда хамма компютер оркали киляпти. У пайтлар компютер технологияси бугунги кундака булмаган хам.

2 shaxnozakadirova   (03-Ноя-2016 06:43)
Laylo Aliyevani yahshi esliman 1998-yilda 4-sinf buganman,ashulalariga o'ynab yurardik,xaligacha eshitaman yoshlik paytlar esga tushadi.O'tganlarni joyi jannatda busin.

3 Islombek   (03-Ноя-2016 08:04)
M Szga Javob U Hamani esida Szni esingizda biomass Uni ovozi jidayam kuchli edi Yoshim 22da lekin layloni bilaman

4 bek88   (03-Ноя-2016 08:15)
Laylo aleyvani yaxshi taniyman.

5 одил   (03-Ноя-2016 09:24)
Лайло Мегаюлдуз булмагандир, лекин эсда коларли хитлар яратиб кетгани рост.

6 Сафия   (03-Ноя-2016 09:56)
Яна бошқа санъаткорланиям ёзин мисол Дилнура Қодирова. Шахнозабону. Мўмин Орипов.

24 ledy   (04-Ноя-2016 12:01)
Сафия эрта оламдан утган санъаткорлар жуда куп, афсуски, бу макола фожеали котиллик курбонлари булганлар учун. sad sad sad

7 Shoh   (03-Ноя-2016 10:50)
Юлдуз Усмонова нечча йиллик хонанда. Лайло эса эндигина ижодини бошлаб келаеткан эди. 23 еш бу ешда хали нонни нанна деб юрибдику одамла. Хиччам ошириб юборилмаган. Агар Лайло хает булганда хакикий мегаюлдузга айланган буларди. Жойи жаннатда булсин!

8 Додаси   (03-Ноя-2016 11:54)
Бошкаларни билмадимку лекин Лайлони улдириш бундай булмаган, Лайлони бой бадавлат уйнаши булган уша уйнаши унга ресторан сотиб олиб беришини айитган ва Лайло ресторан сотиб оламан деб узлигини тусовкасида мактанган, шунда Ал вакил гурухидагилар агарда ресторан олмокчи булса уйида камида 300-400 минг доллари бор деб уйига бориб уни улдиришган

9 Ulitka   (03-Ноя-2016 12:14)
Да упокоит Бог души невинно убиенных. Очень жаль, что из-за чьей-то недалекой жадности и алчности прерываются жизни хороших людей.

10 Dilbek   (03-Ноя-2016 12:16)
Хурматли 1М! Лайлони ижодини умуман кузатмаган кўринасиз...Лайло ўз даврида жуда машхур юлдуз бўлган! Бекорга Унинг 20 кунлик концерти хақида айтилмаяпти. Ўша даврда Лайлони қўшиқ,видеоклипларини тв-радио эфирларда мунтазам бериб борилган ва у пайтларда хаммаям 20 кун концерт қилишга жазм қила олмаган! Нафақат ўша даврда хозирги кунларда хам радио эфирларда Лайлонинг қўшиқларини мунтазам бериб бориляпти ва унинг қўшиқларини хар куни ўз автомобилларида тинглаб юрган кишилар сони хам КАМ ЭМАС БУ ФАКТ!!!

11 Sardor   (03-Ноя-2016 12:43)
Laylo ni faqat boyligi u.n emas ayni mawxur bo'layotganini xam ko'raolmaslik sabab bo'lgan chunki boyliklariga qo'wib xali muxlislariga taqdim qilinmagan yangi albom ning yagona nusxali kasetasi va bowqa ijod namunalarinixam olib ketiwgan wu sababli Laylo ijro etgan qo'wiqlar juda kam

13 Bek_Uzbekistan   (03-Ноя-2016 13:29)
Laylo Aliyevani tanimas ekanman, Al-Vakilning qo'shiqlarini eshitgan edim lekin ular haqida umuman ma'lumotga emas edim. Qiziqardim nimaga ular haqida xech kim yozmaydi deb. Demak ular qotil bo'lishgan ekanda ?
Источник: http://sayyod.com/news/shou_biznes_va_zhinojat_olami/2016-11-03-4241

14 D.   (03-Ноя-2016 14:19)
Балки сиз танимасиз, лекин бошкалар таниди. Факат Сиз танимаганиз учун бошкалар танимиди деб хулоса чикарманг. Узиз учун жавоб беринг. Лайло Алиевани хозирги кунга кадар эштиб келаман, уни Жонгинам, Узбекистон, Фарзандига айтган кушикларини жуда яхши кураман.

15 Jasur   (03-Ноя-2016 14:25)
M.
Agar uning qoshiqlarini siz eslay olmasangiz, siz aytmoqchi "esda qolarli qoshigi yoq" xonanda bolib qolaveradimi hamma?
Laylo o'z davrining megayulduzi edi, bolmasam maqolada aytilganidek 20 kunlik konsertni rejalshtirmas edi. Ovozi juda yaxshi edi

16 rafaraf   (03-Ноя-2016 14:56)
Тугри Лайлони Ал-вакил улдирган, лекин буюртмачи умуман бошка одам булган. Уни бойлик учун улдиришмаган......кискаси гадони душмани гадо булади.

17 Nargiza   (03-Ноя-2016 14:58)
Laylo megayulduz bogan haqiqatda agar hozi hayot boganda Rayhon Shahzodala orqada qogan bolardi

18 hojiakbar   (03-Ноя-2016 18:59)
o'zbekiston jonim digan qo'shiqlarini eshitishmagan shekilli

19 Nasiba Rozmetova   (03-Ноя-2016 19:21)
assalom alaykum sayyod.com meni 1narsa qiziqtirib qoldi sizlarni saytilani 2yildan beri kuzatib kelyapman wu paytgacha sizlarda yolgon adolatsizlik yoki kuchirmakashlik kurmadim bugun mana shu 3ta shaxs haqidagi maqolayizniyam yuragim ezilib uqidim.Internetga kirsam 1chi b.b sizlarni saytilani uqib keyin boshqalarini uqiyman bugun ham shunday buldi sizlardan keyin tarona  ga kirdim u yerda ham shu maqola lekin ohiriga darakchi  degan yozuvi bor.Meni õylantirayotgan shuki bu maqola aslida qaysi saytga tegishli? Savolim javobsiz qolib ketmaydi degan umiddaman.☺☺
Ответ: Албатта бизники! 2 йилдан бери сайтимизга кираётган бўлсангиз билсангиз керак биздан ўғирлашларини, биз хечқачон бошқаларникини ўғрламаймиз, бу уларга хос)

20 Okaa   (03-Ноя-2016 19:47)
M. g'alatiromisan? Internet to'la ashulasi! Endi 19 yoshga kirgan bosen kere a? Bilmasdan, yozmasade odamla

21 Misqol   (03-Ноя-2016 21:55)
Haqiqatda Laylo uz davrining sara qushiqchisi edi, ovozi juda shiralik, qushiqlari mazmunlik. Laylo va boshqalar haqida Ma'lumot berganingiz uchun rahmat.

22 Банкир   (03-Ноя-2016 23:08)
Лайло хакида ёш болла фикр колдирмасин илтимос... Мега юлдузмасмиш... Конечно, планда бумаганиндан кейин нимани билардин!?

26 wurausmanova   (05-Ноя-2016 06:07)
Kim bulganda ham Insonni pul-boylik uchun vahshiylarcha uldirish,hudo asrasin!Olloh rahmat aylasin !

27 Rano   (05-Ноя-2016 13:41)
Hech qanday jinoyat jazosiz qolmaydi,lekin shunday mashxur san`atkorlarning o`limi shou biznesga ta`sirini o`tkazmay qolmadi.Layloni qo`shiqlarini, Raxmatilla Mirzaevning shirali ovozi, Skan Multining kliplari xotiramizda bir umr saqlanib qoladi. surprised

28 afruz   (06-Ноя-2016 09:36)
sad

29 Sherzod   (08-Ноя-2016 16:05)
Laylo aliyeva Yulduz usmonovadan ham ustun edi ovoz effekt dahshat . Kumush razzoqovanuki ham ovozi supper

30 Sevda Aliykhan   (10-Ноя-2016 05:49)
Унутилмас,ёди барҳёт машхурлар! Жойлари жаннатда бўлсин!

31 Best   (22-Ноя-2016 09:42)
Лайло Алиева хакикатда порлаётган мегаюлдуз эди. Унинг овози ва узига хослиги бор эди. Хакикий санъаткор деб биламан

32 ulugbek   (28-Ноя-2016 19:48)
uzuru bularni xechqaysini tanimiman

33 Dilinoza   (29-Ноя-2016 09:20)
Laylo Aliyeva Megayulduz bolgan bir ikki kiwi tan olmasa megayulduzmas deyiw yaxshimas xoziram ewitamiz Layloni qowularini ovozi juda kucli bolgan

34 Umid Odilov   (18-Фев-2017 00:55)
Laylo Yulduzdan kuchli edi ancha

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [457]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1006]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [64]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [580]
Tabriklar [167]
Taqdimot [46]
Hayriya| Akciya | Tadbir [235]
Turk shou-biz [16]
TV | Teatr, Kino.uz [121]
Yangiliklar [765]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 37
Мехмонлар: 37
Рўйхатдагилардан: 0