Ёхуд хаёлда жам бўлган “антиқа” фикрлар хусусида

БуГуНнИнГ ГаПлАрИ

-Афандининг гапи — ҳақиқат:

Бу дунёда ҳамма — плагиат.

-Ҳар қандай янгилик — унутилган эскиликдир,

Янги қўшиқлар эса Охун ва Муҳриддинникидир.

-Фонограмма, бу — тақиқланмаган допинг!

-Агар тўйдаги пул терувчилар пахта далаларига юборилганида режа албатта 

бажарилган бўларди.

-Cоққасини тўла ва хоҳлаганча телевизорга чиқ. Жонга тегса(нг) ўчириб қўясан!

-Газетада ишлайдиганлар эмас, газетада ишлатадиганлар бой бўлади!

-Гап эътирофдами ёки биллур ҳайкалчани олишда?

-Тўй ҳақидаги қарорлар четлаб ўтадиган маскан битта — у ҳам тўйхонадир.

-Бугун ҳам стадионларда концерт бериш мумкин! Нима кўп — мини стадион!

-Агар овсинлар бир-бирига пахта отмаганида, балки божалар каби бачкана 

бўлишардими, нима дедингиз?!

-Қадим-қадим замонда ўрмонда адашиб юрган Қизил шапкача бугун ниҳоят 

видеоклипда чиқди!

-“Агар бақириб қўшиқ айтмасам, балкондагилар ухлаб қолади”, деб ўйласа керак 

Жаҳонгир Позилжонов.

-Бугун юлдузлар шунчалик кўпайганки, осмонга сиғмай, ерга тушиб кетган.

-Саводсиз, эринчоқ ва қўрқоқ! Агар режиссёрларимиз шу қусурлардан холи 

бўлишганида тарихий фильмлар ҳам олишарди!

-Овоз эшакда ҳам бор, аммо гап фақат ҳанграшда эмас.

-Қизиқчиларимиз қизиқ-да: саҳнага чиққан заҳоти “биз бачкана эмасмиз” деганлари 

эсларидан чиқади-кетади.

-Машҳурларни қўрқитадиган, мухлисларда савол уйғотадиган, рақибларни 

қувонтирадиган сўз, бу – ЗАПРЕТ!

* * *

Риторик савол: Севара катта пулга ўргангани учун бизда концерт бермаяптими?

Муаллиф Анвар Намозов