"Ўзбегим таронаси" радиоси мажлисида радио бошловчилар  Жамшид Хожиниёзов, Роксана ва радионинг офис менеджери Шоира ишдан бўшатилиши хақида хабар қилинган.
Қизиғи тўйдан кейин асал ойида бўлган Роксана буни "зaочно" эшитган.

Хозирда  M&TVA тақдимотида энг яхши телебошловчи номинациясида бўлган, яқиндагина турмушга чиққан Роксана учун бу кутилмаган зарба эканлигини тушуниш қийин эмас. Асал ойидаги Роксана учун мана шундай сюрприз.

Шоира эса радионинг энг вафодор ва мехнаткаш ишчиларидан бири эди. Айнан унинг ишдан бўшатилиши шахсан мен учун шок бўлди.

 
"Ўзбегим таронаси" радиоси ходимлари, хусусан бош мухаррир хозирча сабабларни билмаслиги, директор келгач аён бўлишини айтмоқда.

 

---

Мазкур воқеа юзасидан аниқлик

"Ўзбегим таронаси" радиоси директори Махмуд Машарипов:
-Қизиғи радио ходимларини хаммаси сабаблардан воқиф эди, негадир сизга интрига бўлиб етиб борибди. Хеч ким хеч нарсадан воқиф бўлмагандек бирданига шов-шув қилиб юборишлари нимага керак экан тушунарсиз. Хамма ўзича юлдуз. 
Сабабларга келсак, Жамшид Хожиниёзовни агар ўзингиз топа олсангиз хайрон бўлардим. У билан боғлиқ муаммолар хақида ошкора қилишни истамасдим, лекин унинг бу бўшатиш юзасидан норозилик эътирози бўлса бемалол мурожаат қилиши мумкин. Албатта мурожаат қилса. Юқорида айтганимдек агар ўзингиз уни топа олсангиз.
Роксанани сўнгги бора қачон эфирда тингладингиз? Асал ойига кетиши хақида эса иш жойига хабар берибдими?
Шоира эса ўқиши билан бўлиб радиодаги фаолиятини олиб бора олмаяпти.
Сабаблар оддий, хеч қандай бир интригага хос оламшумул иш бўлгани йўқ.



Албатта ташкилотнинг ички масалалари ўзларида хал қилинади ва бунга асослар бўлиши тайин. Лекин радио шоу-бизнес оламининг бир бўлаги бўлиб, айнан мазкур воқеа бир зумда шоу-бизнес оламида шов-шув бўлиб кетганлиги боис, нотўғри маълумот болаламаслиги учун аниқлик киритишни лозим топдик. Хулоса эса ўзингиздан.