Мавзуни истаганича ёритиш ва ўзи бўлмаган ердаги гапни ўз манфаати билан кўрсатиш албатта ўша манфаатдорларнинг нима истаётганига қараб    фахмлаш қийин эмас бўлса керак.
 
"Ўзбекконцерт" ("Ўзбекнаво") эстрада бирлашмасида  2-июнь куни  "Қатъий тартиб интизом ва шахсий жавобгарлик санъаткорларнинг асосий фазилатига айлансин"  деб номланган  мажлиси хақида хабар бергандик.
Қизиғи ўша ерда ўзим бўлиб нафақат    фоторепортаж балки видеони хам тақдим этгандим.

Бугун бир мухолиф сайтида "Озодбек прокурорларга қарши овоз чиқарди" деб ёзишгани матнини менга  юборишди. .. Қаранг...
Камида кўз олдингизга  Озодбек прокурорларга қарши чиқарган овозидаги қўшиқ келса ё прокуратура олдида қайсидир прокурорга бақираётган Озодбек тасвирланса керак а?
Минг танқидларга хам жим кетишга ўрганган ва асли шахс сифатида хам маданиятли саналган  Озодбек озиб ёзиб шунчаки санъаткорлар даврасида аввало санъаткорларни ўзи  учун нафи тегадиган ёки улар билан боғлиқ муаммоларга ўз ечимини айтгани уни шу тариқа кўрсатишга арзирмикан? Ўзи бу фикрни у қай охангда ва нима ниятда айтганди, буни-чи, билишармикан?

Биласизми, ўзи кимнидир ўйлаб ё бировни ёнини оламан деб кўпчиликни бурни қонайди. 
Ишонсангиз, Озодбек билан боғлиқ бу воқеада хам шундай бўлди десам адашмайман. 
Бўлмаса мажлисда хамма уни шу фикрини кучли олқишлар билан   қўллаб-қувватлаган бўлармиди? 
Асли  ўша берилган фикрдаги вазирлик қошида очилиши керак бўлган тижорат бўлимига тушадиган пулларга Озодбек қараб қолгани йўқ.
Мажлисдан аввал (бир неча йил аввал хам бу хақида айтганди)  ва кейин биз билан норасмий сухбатда хам    даври ўтган ёки устоз санъаткорлардан бугунги кунда моддий ахволи қийин бўлганлари мавжудлиги хамда бу билан боғлиқ қандайдир бир фондга хос ёрдам турини режасини у  ўйлаб юрган эди. 
Юқоридаги тижорат бўлими очилганида ўша санъатга мехнати сингган балки муаллимдир балки санъатшуносдир, майлида сахнага чиқиб эфирда айланиб машхур бўлмаган бўлса хам аммо санъатга хисса қўшган қанча одамлар бор. Уларни тўйдан пул топиш имкони йўқ.  Озодбек мажлисда прокурорлар деб эмас умумий тарзда бир неча ташкилотлар ва масалан дея кўрсатган икки уч ташкилотларнинг корпоратив байрамларидаги иштироки хақидаги гапидан энг жарангдори юлиб олиниб янада жарангдор қилиб тақдим этилибди.

 
Асли ўша сайтдаги "факт"лар хамиша ва доимо ўзгармас "Биз билан сухбатда бўлиб ўзини сир тутишни истаган" деган шиорда ўтишиданам уларнинг ўз фантазия ва табиийки ўз манфаатларига сўз тутишидан далолатлиги сир бўлмай қолган.

Сайтимиздан олинган маълумотни ўша ўзларини шизофреник кўриниш ва ёки гаплашиш хамда эштилиш дўсти бўлган "сирли қолишни истаган мулозим"  билан бойитиб истаганича чоп қилиниши бу қандайдир бир рухий  ташхис кўринишидан ўзгаси бўлмаса керак.
Қани энди бир Озодбекни прокурорларга қарши чиқаришни тасаввур қилайликчи деб мазза қилишдими , тушунмайман.

Сергели туманидаги йўлларни ободонлаштиришгача Озодбекни тасаввур қилган у сайтдагиларга мабодо мавзуни ёритишмоқчи бўлишса ўша тадбирда  бўлган одамлар ёритган хабарини шундоқ ўзгартирмай қўйишини тавсия қилган бўлардим. Хадеб миясидаги "сирли мулозим"га мурожаат қилавермасдан. Бунақа "мулозим" хислати билан русларнинг ТнТ телеканалидаги "Битва экстрасенсов" шоусига борса қайтанига яхши шоу учун етарли материал бўлармиди...

Изохлардаги айримларгаям хайронсан... Аввал ўзи қайси сайтдан кўрдинг? У нима сайт? Биров хақида ёзилган мақолада ўша шахсни ўзи қандай экангига эътибор билан ўзингни фикрингни  ишлатишга эриниб яна ўша пода эффектига берилишади гўё...
Бу эса ўз навбатида ўша манфаатдор сайтнинг ўз мақсадига эришгани ва хамда мана шу жарангдор мақола билан сайтидаги бошқа мавзулар, хусусан Республикамиз тузумига қарши мақолаларга хам диққатни жалб қилмоқ демак.

Китобдаги ёзувга ишониб тарбияланган одамзоднинг  ОАВга термуладиган даври  интернетда маълумотлар бугунги кунда катта гумонлар остида қолмоқда.  
Қанча мамлакатлар ўзаро урушни айнан ОАВ орқали қилиб келмоқда. Қанча сайтлар эса бугунги кундаги тинч хаётимизга ўз ичимиздан рахна солиб хотиржам ва сокин хаётимизни тубидан мувозанатини айнан шу тариқа бузишга уринаётганини кўряпмиз, биляпмиз ва сезяпмиз. Харфлар алдаши мумкимн аммо мазмун мохият ва етказиб беришдаги холат эмас. Матнлар психологияси...

Истаган одам  истаган одам хақида истаганини ёзяпти. Факти  "сирли мулозим"дан нари эмасми унда одамга фаросат ва онгни   Худо бекорга бермаганини яна бир бора эслатиб ўтаман!

Озодбекни ўзига қайтсак...

 Озодбек хақида клипидан репортажим учун электрон почтамга  "Озодбекни танқид қилар эдингиз энди мақтаяпсизми?" деган хат олдим. 
Бир инсонни фақат мақташ ва ёки қоралаш аслида манфаатдорлик эмасми?
Ютуғини тан олиб, яхшисини кўрсатиб, танқидга лойиғини айтиб ва шу тариқа  керагида тузи, жойида шакарини бериш мана бу адолат эмасми?!  Худдики биз ўша савоби ва гунохи билан бўлган одам эмасу фақат яхшилиги билан фариштаю ва фақат ёмонлиги билан кўриниши   керак бўлган шайтондек, астағфируллах...
Бугунги даврда Бобур, Лутфий ва бошқа қатор буюк инсонлар ижодини жонлантираётган ва мана Жалолиддин Мангуберди монологи билан "Мендирман" деган қўшиқ ва унга ишланган тарихий фильмдек клип билан хам ўзбек санъатига муносиб хисса қўшаётган инсонни қўллаб-қувватламаслик ва уни бу ютуғларини тан олмаслик инсофсизлик бўларди.

Хамма ўз лойиғини олсин, аммо сайтимдан маълумот олаётганда ўзгартириб истаганича ўз "сирли мулозим"лари билан эмас, илтимос))