Озодбек концерти хақиқатлари! Baxs| Tanqid | Janjal
Озодбек концерти хақиқатлари!

Ёқдими?

Бошқаларга хам кўрсатинг:

 "КУНДАН КУН ЯХШИ". КИМГА ЯХШИ?

2011 йилни 7 апрелидан бошлаб Озодбек Назарбековни «Кундан кун яхши» деб номланган концерт дастурига старт берилди. Ўтган гал сайтимизда бугунги кундаги икки гигант санъаткорларни солиштиришга харакат қилгандик. Бу ўзбек санъатини юксак даражага кўтарган, шоу-бизнесга янгилик олиб кириб чарчамаган Ўзбекистон Республикаси халқ артисти, ўзбек эстрадаси примадоннаси номини олган – Юлдуз Усмоновадир. Яна бири ҳозирги пайтда жудаям омади чопган Ўзбекистон Республикаси халқ артисти – Озодбек Назарбеков. Юлдуз Усмонова 21 йил давомида, яъни 1987 йилдан 2007 йилгача Истиқлол (олдинги «Халқлар дўстлиги») санъат саройида 218 та концерт дастурини мухлислари ҳукмига ҳавола этган. Шу 21 йил давомида ҳар йили янгилик қилишдан чарчамади. Булар – бир-биридан ажойиб қўшиқлар, саҳна декорациялари, янги кашф этилган раққосалар, саҳна либослари ва ҳоказо. Ҳатто Обид Асомов ҳам концертга эски программа билан чиқмас эди, Юлдуз рухсат бермаган албатта. Ўз ишига жуда катта масъулият билан ёндошган Юлдуз Усмонова ўрнини ҳеч ким эгаллай олмайди. Бу факт. Чунки 20 кунлаб фақат жонли ижрода куйлаш ҳеч кимни қўлидан келмайди, афсус….

Энди эса Озодбек Назарбековнинг бу йилги концерт дастури қандай бошлангани ҳақида биринчилардан бўлиб сизларга эксклюзив тарзда етказамиз. Концерт дастури бошланишидан анча олдин концерт саройини олдига йул олдик, яъни 17.50да. Бу пайтда санъат саройи олдида мухлислардан кўра олиб сотарлар гавжум эди. Чипта нархлари жуда қиммат бизнингча. 10 каторлар 70000-80000 сўм, балкон эса 20000 сўмгача эди. Бу нархлар уша ердаги олиб-сотарлардан олинган маълумот. Секин-секин одамлар тўплана бошлади. Шу нарса мени ажабга солдики, ажиотажни кўрганим йўқ, яъни одамлар ўзини ўтган йилдагидек чиптага "урмаётган” эди.

Ҳар бир олибсотарнинг қўлида ўнлаб, агар юзлаб бўлмаса чипталарни кўрдим. Шунга қарамай, уларнинг аксарияти чипталарни сотишга уринишарди. Шу тарзда 1 соат ўтди. Бу вақт мобайнида бир маротаба чипта сотиб олган одамни кўрдим. Бу андижонлик мухлис булиб, хотини ва 2 синглисига 10 катордан чипта сотиб олди. Бир мунча вакт аввал 80000 сўм дея олаётган "олибсотар” 4 та чиптани 40000 сўмдан бериб юборди, чунки биларди чипталарни нархи тушиб кетаётганини. Бир олиб сотарни олдига бориб суроққа тутдим.

Қайси жойдан чипта бор?

- Балкондан чипта бор, олинг! Нархига бервораман. Мана нархини қаранг 6000 сўм, 6000сўмга бервораман.

Нимага ахир концертларга чипта қолмасдан концерт кунлари узайтирилди ку?

Э ака, бунақа бўлишини билганимда вообще олмаган бўлардим. Пул топаман деб шунча билетни олгандим, мана энди қанақа сотаман деб ўйлаб турипман.

Бу йигитнинг қўлида 20га яқин билет кўрдим. Олиб сотарларни қўлида қолиб кетаётган чипталарни куриб воооой бу нимаси, ахир одамлар билет колмади деб додлаётган эдику деб ўйладим. Чипталар эса асл «эгаларида» экан. Соат 18.45 бўлганда санъат саройини ичига йул олдик.

Саройга кираверишда бир йигит Озодбекни расмларини ҳар бир мухлисга таркатаётган эди. Шундан сўнг ўз жойимизни эгаллаш учун ичкарига кирдик ва жойлашдик.

Соат 19.05 бўлганда жойлар бўш колаётгани бизни жудаям ажаблантирмади, чунки олиб сотарларни қўлидаги чипталарни сотилмаганини кўргандик. Шундай килиб пардалар кўтарилиб кичтинтой болажонлар билан биргаликда Озодбек Назарбеков «Кундан кун яхши» деб куйлаб дастурини бошлади. Саломлашгач, бўш жойларни куриб, мухлисларга қараб, «сизлар кеч колганларинг йўқ, ман концертни эрта бошладим» деб ҳазил қилди.

Хонанда яна қўшиқ куйлашда давом этди. 5-чи қўшиқни куйлашни бошлаганига карамай хам одамлар киришда давом этишарди. Олиб сотарларни гапларига қараганда, касодга учрамаслик учун арзон нархга чипталарни берворишган экан. Қўшиқ ниҳоясига етгач, саҳнага Мирзабек Холмедов, Ортик Султонов, Зокир Очилдиев, Ғайрат Аҳмедовлар чиқишди. Лекин уларнинг чиқиши шу даражада муваффакиятсиз эдики, буни етказиб беришга тил ожиз. Одамлар умуман кулмади ҳам. Улар ўзлари гапириб ўзлари кулишди. Уларни чикишидан парча: «Саккиз! Вахахаха! Тўққиз! Вахахаха. Юз. Вахахаха». Шундан сўнг, тўқ қизил рангдаги костюм шим кийиб саҳнага яна Озодбек Назарбеков чиқди. «Чиройлигим» деб номланган қўшиқни рақсида ўша Юлдуз Усмонова саҳнага олиб чиқиб халқдан оқ фотиҳа олиб берган Ирода Исмоилова ва Паризодлар бўлишди. Мана 4 йилдирки, ҳеч ким янги раққосани кашф эта олмади. Ваҳоланки, буни Юлдузхоним жуда хам яхши бажарарди.

Ҳали ҳам санъаткорларимиз ўша Юлдузимиз халқдан оқ фотиҳа олиб берган раққосалар хизматидан фойдаланишяптилар. Агар ҳали ҳам ўзбек шоу-бизнесида Юлдуз бўлганида ҳеч шубҳасиз янгидан янги раққосаларни кашф этиб, улар ўз хиромлари билан халқни қувонтирган бўлармиди….?  Яна концертга қайтамиз. Сурхон йўналишида қўшиқ куйлади Озодбек. Бу қўшиқдан кейин "живой” клипни саҳнада кўрдик. Пул топган киши бўлиб, аёл ўз эрини уйдан ҳайдайди. Шунда «Ёлгизлик яхшими аёллар» деган қўшиқ янграй бошлади. Қўшиқ ниҳоясига етгач, саҳнага хонанданинг ўғли чиқди. Шунда Озодбек «Отамга ўхша ўғлим» дея ўғлини бағрига босиб куйлади. Ўтган йилдагидек бу қўшиқдан сўнг оналарга аталган қўшиқ бошланди. Мониторда бешик тебратаётган аёл алла айтаётган эди. Алла қўшиғини бизнингча Замира Суюнова ижро этган, овози жуда ўхшади. Шунда бирдан монитор ўчиб қолди ва фонограмма овоз ҳам ўчди.

Бироз ўзини йўқотган хонанда жонли ижрони бошлади, наҳотки жонли? Қўшиқ куйлаётган хонандага эътибор билан қараб шуни англадимки, жонли айтиш қийин экан, чунки қийналаётгани юзидан, ҳаракатларидан билиниб турарди. Қўшиқ номи «Онам алласи» деб номланган. Яна Юлдуз Усмоновага тан бера бошладим. Чунки ҳар йили 15-20кунлаб концерт бериб, бир марта ҳам фонограммага мурожаат қилмаган хонандага факат ТАСАННО дейиш мумкин холос. Ҳақиқатдан ҳам, ўйинга тушиб, ҳам жонли ижрода куйлаш ҳамма санъаткорнинг ҳам қўлидан келмайди. Аччиқ ҳақиқат бўлса ҳам, ҳатто Озодбек Назарбековнинг қўлидан ҳам келмайди.

Лирик чекинишдан сўнг яна концерт тафсилотларига қайтамиз. Озодбек: «Энди саҳнага ҳаммангиз яхши кўрган хонанда Алишер Файзни таклиф қиламан» деганда саройда ҳамма қичқириб юборди. Ўйлаб ўтирдим, наҳотки Алишернинг мухлислари шунчалик кўп бўлса. Саҳнага эса Шукурулло Исроилов ва Ҳалима чиқишди. Мана уларни чиқиши ҳакиқатдан хам зўр бўлди! «Ҳандалак» гуруҳи, Мирзабек Холмедов, Ғайрат Ахмедов факат кийимини кўрсатгани келишибдида деган гапни эшитдим ёнимда ўтирдан онахондан, ва бу гапга 100% қўшилдим. Шу тариқа 10 дақиқалик кулдиришдан сўнг саҳнага яна севимли хонандамиз Назарбеков жаноблари чиқди.

«Санъатдан бахтини топганлар» деб қўшиқ куйлаганда мониторда ўзбек санъатидаги менимча барча санъаткорларнинг расмлари кўринди. Булар кино оламидаги устоз санъаткорлар, театр актёрлари ва албатта, ўзбек қўшиқчилиги асосчилари қаторида, бугунги кундаги ёш санъаткорлардир. Факат бир санъаткор йўқ. Бу ЮЛДУЗ УСМОНОВА. Жудаям ҳайратландим тўғриси. Нега деганда, Зиёда, Райҳон, Зулайҳо Бойхонова ва ҳоказолардан фаркли равишда, Юлдуз узбек санъатида янги саҳифасини очди ва ўзбек санъатини дунё миқёсига олиб чиққан замонавий даврдаги ягона санъаткордир. Бундан бироз ранжидим. Чунки, 2006 йилдаги концертидан олдин «Водий садоси» радиосига Юлдуз Усмонова берган интервьюсида шундай деган: «Репетиция килаётган пайтимда Озодбек келди. 2 соат эшик ортида пойлади. Маданиятни қаранг! Келиб, «опа сизга Худо юктирган, дуо кетган, дуо қилинг мангаям озгинаси юқсин» деди. Ўша куни дуо қилдим. Кўрасиз сиз кутганиздан хам зиёда бўлади дедим». Кўриб турганингиздек, дуо берган устозни санъатини ҳурмат килиб кўрсатилмади. Майли …….. нима ҳам дердик.

Шундай килиб, сўнги қўшиқ бошланди. Озодбек бошлагач, куйлаш навбати Зиёдага ўтди. Зиёдадан сўнг бир ёш хонанда куйлади, кейин опера айтадиган йигит куйлай бошлади. Бу қўшиқдан Фаррух Соипов ҳам бенасиб қолмади. Фаррух Соиповдан сунг корейс миллатига мансуб киз куйлай бошлади. Атрофга қарасам бирин-кетин ҳамма саройни тарк эта бошлашди. Қўшиқ тугагач, пардалар ёпилди. Бу сафар саҳнага концертга ўз ҳиссасини қўшганлар таклиф қилинмади.  

Биз саройни тарк этдик. Маънавий озука олдим дея олмайман албатта.

Концерда янгилик умуман кўрмадим.

Сўнгсўз ўрнида:

Асални ҳам ками яхши. Концертга ҳамма кириб, одамларни кўнгли айниб кетадиган даражада кўп кунлаб концерт бермасдан, чипталар етмай колгани яхши. Шунда санъаткорга қизиқиш ўлмайди. Кимдандир ўтаман деб шунча кун концерт бериб жонга теккандан кура, концертни сифатига эътибор берса яхши бўларди. Унвон кучини ҳам ушлаб туриш керак.

Сифат деганда жонли ижрони назарда тутдим. Халк артисти бу бошқаларга ўрнак дегани, бу талант дегани. Халк артисти тинмасдан фонограмма куйлаб концерт кунларини сонига эътибор қаратса, ёш чиқаётган санъаткорлардан нимани кутиш керак?  Шундай экан ишингизга маъсулият билан ёндошинглар, санъаткорлар! Чунки омма савияси анча ўсди. Халқни бир зумда йўқотиб қўйишингиз мумкин. Биз эса сизларни йўқолиб кетишингизни, тўйчивон бўлиб қолишингизни  хоҳламаймиз. Хулоса ўзингиздан…

   Khan

Шов-шув сайтидан олинди




Sayyod:
Кечагина "шов-шув" сайтидан олинган мана шу "КУНДАН КУН ЯХШИ". КИМГА ЯХШИ?" мақоласи юзасидан бир қатор саволлар пайдо бўла бошлади.

Бунга асосий сабаб мақола муаллифи мавхумлиги, мақола сирли равишда йўқолганлиги ва мақола билан боғлиқ баъзи бир текширилган холатлар тўғри келмаганлиги.

Концерт рости хам тўлмадими?

Билетлар рости шу тариқа тарқатиладими?

Ва энг асосийси нима учун бу мақола "шов-шув" сайтидан сирли равишда бир кун ўтмай ғойиб бўлди??

Шоу-бизнес оламида эса бу вақтда гап сўзлар яхшигина болалади, гўёки машхур бир хонанда Озодбекни устидан шу тариқа мағзава қуйиш учун буюртма қилинган мақола дейишса кимдир Озодбекнинг ишчиларидан бири Озодбекка жахл устида қилган буюртмаси дейишмоқда.

Рости хам шубха кўп, негаки мақола муаллифи хам ўз исм фамилиясини кўрсатмаган. Сирли
Khan.

Мақолада гўё Юлдуз Ибрагимовнага атайин урғу берилгандек...кўп нарса тушунарсиз.

Бугуннинг ўзидаёқ бир ишончли мутасадди идора билан гаплашилганда концертда монитор ўчиб қолганлиги атайин кимдир уюштирганлигини аниқлиги, чунки  кимдир атайин симни узиб қўйилгани билиниб қолинган.

Қизиқ...

Хулоса қилишга шошилмаймиз.

Сайтимиз адолат нишони остида фаолият юритар экан, у танқидий мақолани шунчаки илиб қўйишни ўзимизга лозим топмадик, зеро юқорида кўриб турганингиздек зиддиятлар соатига кўпаймоқда.
Бундан ташқари бизнинг сайт вазиятга ўз фикрига таяниб хам бахо бериши керак.

Яқин кунлар бу мақола юзасидан суриштирув ишлари ўтказиб натижасини тақдим этишга харакат қиламиз.


09-Апр-2011 11:51
Бўлим: Baxs| Tanqid | Janjal | Чоп этди: Sayyod | Тег : Ozodbek Nazarbekov
ТЕГИШЛИ МАВЗУЛАРДА:

1 Fora   (09-Апр-2011 12:03)
Ozodbekakamga Omad Tilayman

2 Alisher   (09-Апр-2011 12:24)
Men xam xamma qatori 7 aprelda ushbu konsertga kirdim. Ammo muallifning fikriga 100% qo`shilaman umuman yangilik yo`q va xar yilgiga nisbatan zermazmun qo`shiqlar xam yo`q. Jananim va omon omon qo`shiqalari esa bu biz uchun yangilik emas balki eski qo`shiqlar edi. Qiziqchilarni esa umuman keragi yo`q va juda xam zerikarli chiqishdi. Shukur bilan Xalimani gaplari xam eski gaplar. Menimcha Konsertda yoki Mirzo yoki Xandalak qatnashishi kerak edi.Shunaqa gapla....
Odamlarni ustidan kulish va aldash yaxshi ish emas Ozodbek!!!!

3 Milashka   (09-Апр-2011 12:25)
yulduz usmonovanovani urnini hech kim bosomiydi lekin vatanimizdagi ichi qora insonlar buni kuromadi bu gapni aytishdan qurqmiman chinki haqiqat bu

73 Bakhtisher   (06-Авг-2012 22:21)
Sizning gaplaringizga qo'shilgan holda shuni aytishim mumkinki, Yulduz Usmonovani tarozining bir pallasiga, qolgan barcha hozirgi o'zbek san'atkorlarini bir pallasiga qo'ysak ham Yulduz Usmonovaning pallasi og'ir keladi. Chunki u to'xtagani yo'q, taqdirga tan berib san'atdan voz kechmadi. Ozoda Nursaidova mening eng sevimli san'atkorlarimdan biri, lekin nega u gumdon bo'lib ketdi, nega ijod qilmayapti. Nega xalq uni ko'rmayapti. Lekin Yulduz qayerda bo'lsa ham porlamoqda! Unga tosh otish bilan hech narsa o'zgarmaydi. Yulduz USmonovaning Turkiyada bergan konsert dasturini ko'rib yana bir marotaba shu narsaga amin bo'ldimki Yulduz Usmonova haqiqiy JAYDARI O'ZBEK AYOLI!

4 Shirina   (09-Апр-2011 12:28)
Да, ну его!

5 RustamsheR   (09-Апр-2011 12:51)
ozodbek oka ne bilet qimat

6 Dilnoza   (09-Апр-2011 12:52)
Xaqiqatan xam Yulduz Usmonova juda kuchli xonanda Ozodbekni konsert o'tkazishlari umuman yoqmaydi na bir yangilik bor na bir saxna o'yinchilarni kiygan didsiz kiyminiku gapirmasa xam bo'ladi lekin ularning ikkisini xam so'zlari chiroyli bo'lgan qo'shiqdan boshqa hech narsasi yo'q ular qo'shiqlariga mos odamlar emas bu meni fikrim

7 Farruhbey   (09-Апр-2011 13:10)
Ozodbek yaxshi boshida yaxshi kuyladi lekin ohiriga borib bachkana bulib ketti narhini oshirvordi... bemaza qovunni urug'i kup buladi degandey qushiqlarni judayam kup aytvordi .... yana bilmadim uzimmi fikrimmi aytdim

8 Dilnoza   (09-Апр-2011 13:11)
TERMITMAMA VUXAXA SAYYOD FAQAT SIZDAN CHIQADI BUNAQA GAP UNCHALIK ZO'R JURNALISTMASMAN EMISH YANA

9 Мухиддин   (09-Апр-2011 13:25)
Вой энди билдиларингми? Озодбекни машхурлиги давно тугаган. 2 йилдан бери. Озодбекни машхурлиги хаммаси сохта булган худди шу концертлари каби, уни одамларга едиришди шунака ёлгон ажиотаж килиб буни хамма билади. мана энди теги чиквотти!
кани юлдуз, кани озода, кани феруза, фаррух зокировчи? кани ракобат? йук булгандан кейин биттасини шунака кутарвуришадиде уринлар билинмаслиги учун, Озодбек уялмисанми? Кара уже хамма сирларинг фош булмокда, сан булсанг туймай хаммаёкга узингни уриш билан бандсан, курмаганни кургани курсин. халкни алдашни бас кил! ёлгон пиар етар! сани пиар килиб ёлгон кивотганларга жазо бор хали!
алишерга кичкиришганига бекорга шубха йук ман узим курганман ёлланган талабаларни, 10.00сумга камолотчилар хам кичкирбериб туришади, унакалар хам ёлланади. эээ

21 SITORA   (09-Апр-2011 21:15)
Yo'g'e qichiqrish uchn ham pul beraidmia LOL. MAnga ozodbek oldindan yoqmasdi, a konsertini hech qxhon kurmaganman kurishni ham hohlamiman, zerikarli ziq konsert

10 Ахроp   (09-Апр-2011 13:49)
Блииин, у меня как то мнения
изменились Озодбеку
Назарбекову ... что то там было . . . "
Про артистов, сахнадан бахт
топканлар, вроде того. . . " почему
там Юлдуз Усмонову не показал?
чего бы не стоило нужно было в
первую очередь показать легенду
узбекской эстрады ! ! ! Ахир Юлдуз
Усмоноваку биринчи турган,
тугрими?

11 ул@   (09-Апр-2011 13:56)
юлдузимизани согиндик рости.остальные чипуха

12 Samir   (09-Апр-2011 14:29)
Afsus. Nahotki Ozod inqirozga yuz tutdi? Ko`zingga qara, uka! Afsus! Yulduz O`zbekistonga qaytarmikin?

13 timur   (09-Апр-2011 14:48)
salom sayyod men ozodbekni kanday kilib halk artis bolib koldi jumbok gapirsa gap kop lekin erkak kilmagan va gapirmagan gapni gapirgan YULDUZga gap yok ozodbek kachon jonli koshik aytgan kuni kuyosh amerika tomondan chikadi menga kizigi bular halkni pulini olib nu aldab yana halk uchun nima kilib berdi toyga kelishi polon pul kostmyumlar kip kiliz suragani kokidan ichi kop kora bolsa kerak etar haliyava pulni olib hashlash jonli aytishnimi organsin endi

14 bek88   (09-Апр-2011 14:59)
YULDUZ USMONOVANI TINGLAB QUSHIQLARINI TO'PLAB YURAMAN. OZODBEK esa yuq umuman eshitmayman. DJ.BEK.

15 Малыш   (09-Апр-2011 15:04)
Я не удивлюсь если скоро сайт Шов-шув будет недоступен,нима кереги бор "инглишмен" бир караса оркасини упасан ,бир караса мактаб осмонга кутарасан? Озодбек бу Озодбек!!!Красивую девушку денег не нужен,она сама как ценность!!!Если знаешь черный пиар на ее пользу....Эх одамлар одамлар....

16 sanjar   (09-Апр-2011 16:49)
Эй инсонлар силарга Ботир Кодировни-Гийбатчиларни ёмон кураман кушигини!!!! эшитилар!!! Юлдуз Усмановани хурмат киламан лекин бу билан Озодбекни камситмелар!!!!!!!!Озодака санъатизга гап йук оллох мартабези бундан хам улуг килсин!!!!!!!

17 Lochin   (09-Апр-2011 17:16)
Konsert haqidagi fikr va izohlarni o'qib bir oz o'ylandim...Mani hulosam esa quyidagicha bugungi kunda O'zbekistonning eng yorqin sanatkori bu Ozodbek Nazarbekov to'g'ri kamchiliklari ko'pdur(kamchiliksiz saa'tkorni o'zi yo'q) leki xalq nazariga tusha olgan bu narsalar o'zidan o'zi bo'lmaydi bunday natijagacha qanday kunlarni ko'rganini yolg'iz ALLOH va o'zi biladi bu natijalar zamirida katta mehnat turgani sezilarli.Taqqoslarga kelsak Yulduz Usmonova be baho ta'lant sohibasi sana'ti yksakdur Nazarbekovdan yaxshi deb ayta olaman lekin hayotda o'z o'rnida mustahkam qolish uchun bundan ham muhim narsalar bor nazdimda a Yulduz Usmonovadan esa Sherali Jo'rayevni sana'ti ustun a Jo'rayevdan yana kimdir ustun bo'lgan buni uzoq davom ettirish mumkin.Demoqchimanki harkimni hayotdagi o'rni o'z qo'lida yolg'iz hakam esa ALLOH.Bu mulohaza faqat san'at sohasida emas har bir kasbni misol keltirish mumkin.Hayotdagi oliy o'rin esa faqat sana'tini yuksakligi yoki shu kasbning ustasiligida emas boshqa narsalar bor odamgarchilikiymon insof mehr oqibat kabi insoniylik tuyg'ulari bor.Qiziqchilar masalasi esa hozirgi kunda qiziqchilarimiz yomonmas lekin aniq 1 tasi yorqinmasda manimcha Obid Asomov yana bilmadim bu borada Hojiboy Tojiboyevning o'rni beqiyos edi. Bu mani shaxsiy fikrim .

18 STUDENTKA   (09-Апр-2011 17:20)
Yulduz Usmonova haqiqiy san'atkor barbir hech kim Yulduzchalik bo'lomidi manaman diganiyam, Ozodbekni konserti esa manimcha uje otstoy, Rayhon Lolani konsetlari unikidan zo'r bo'ldi Xalq artisti bo'liwmasayam muhlis uchun haqiqiy bir shou bo'ldi va bu albatta majburlab sotilgan bilet evaziga bo'madiku. OZODBEK NAZARBEKOVNI DAVRI TUGADI

19 Yodgor   (09-Апр-2011 17:48)
Man Ozodbekni ashulalarini vabshe eshitmayman. lekin fanagrammada qushiq aytishini bilmagan ekanman. Yaxshi emas .... vsyotaki halqimiz Ozodbekni hurmat qilardi.

20 Lochin   (09-Апр-2011 17:51)
San'at ahliga 1 iltimosim bor.Hurmatli san'atkorlar ijod namunalaringizni tayyor bo'lgach yoshlar va xalqimizga ma'naviy ta'siri haqida chuqurroq o'ylab keyin taqdim etsangizlar (shuchaki xalqqa ko'rinish uchun emas )kelajakning yuksakligi esa 1 - o'rinda ma'naviyatga bog'liq shunday ekan qo'shiqlar matni kinodagi rollar va undagi so'zlarga yaxshiroq ahamiyat beringlar.Hozirgi kunda yoshlar orasida kiodagi so'zlarni gapirish odatga aylangan(masalan "Bekorchilar"filmidagi gaplarni teskari aytish joyi)ahir bu ahmoqlikku!!! :(Kinorejissyorlardan vatanimizning buyuk shaxslari haqidagi sifatli filmlarni kutamiz...Yosh xonandalardan esa falsafiy ma'nodagi qo'shiqlarni ko'proq kuylashingizni so'rardim(yoshlarga shu narsa yetishmayotgandek yuyilyapdi manga)O'zbek sana'tkorlariga sog'lik salomatlik yuksak cho'qqilar va takrorlanmas ijod tilab qolaman smile

22 Nappyboy   (09-Апр-2011 21:24)
E siz Yulduz Usmonovani maqtagani yozdizmi bu maqolani? Brovdi kanserti yoqmaganakan nime endi bunaqa yerga uras? Umuman oganda artisti artist bilan soliwtiriw jinnilik, hamma honandalaniyam uziga yarawa obrusi,istedodi,ijodi buladi,tugri Ozodbega xalq artisti voxli berildi,no bu dgani uni ijodi yomonlawyapti dgani masku,oldinlari hamma Yulduz diridi, mana Yulduz kansert bermayapti he4 kim ulgani yuq,umuman oganda yahwimas brovdi mehnatini mun4ali qoralaw,mandanam kura uziz yahwi blsez kere qan4a mehnat ketiwini kansertga. Gapim og'ir botgan busa uzr

23 Yulduz   (09-Апр-2011 21:28)
voyy nahotki..... qoyselarchi ishonmiman......

24 Феруз   (09-Апр-2011 21:46)
правильно Саёд он не когда не был артистом мне не нравиться он,около Юлдуз Усмановы ему и с..ть и с..ть. Юлдуз Усмонова первая и всегда будет, чунки уни халк тан олган.

25 Sherjons   (09-Апр-2011 22:04)
Sayyod lekin rosa maqtisizde shu yilduz Usmonovani shunga yarasha vatanida xizmat qilsinlar
Ответ: МАҚОЛА МУАЛЛИФИ САЙЁД ЭМАС!!!
ШОВШУВ САЙТИДАН ОЛИНГАН деб ёзилган!

26 korealik mehmon   (09-Апр-2011 22:16)
yulduzga etadigani hali veri chiqmasa kerak eng alamliligi zulayho boyhonovaga halq artistligini berishib yulduz usmonova esdan chiqqani holos lekin yulduzga halq artistligini halq uzi berib quygan madaniyat vazirligi qayoqqa qarayabdi hayronman

27 voxidi   (09-Апр-2011 23:09)
ja oshirvormela

28 OLIGARX   (09-Апр-2011 23:41)
***********! OZODBEKni mashhurligini kurolmasdan endi arzimagan sababga uni loyga qorvosanlami? bitta gap,bu faqat uzini musulmonman deb hisoblaganlaga! usha yulduz opayla 1-bulib sahnada uzbek ayolini ochiq sochiq kiyinib,va hattoki uz erini oldida shunaqa yurishga uyati chidamidigan darajadagi kiyimlarni kiyib badanini kursatib chiqishni boshlab berdi! sahnada uzini tutishi qaysi muslimaga tugri kelarkin,Qur'oni Karimda yulduz tutgan yulni tatbiq qilishganmikin? bu qoralanganku,ochiq sochiq kiyingan ayol,yani hijobsiz,u hattoki hijob tugul yopiq kiyinsa bulardi,duzaxda kuyishi aytilganku?

endi Ozodga kelse,qani etila unda agar undan zuri bulsa chiqsin mana ,kursatsin uzini,uzbek milliy sanati Oxunjon Madaliev,Muhriddindan keyin uxlashga boshlaganida Ozodbekmasmi uni qayta tiriltirgan? uyalingla,bir iymonli samimiy haqiqiy sanat egasiga nisbatan shunaqa buhton fikrlashga! yana bir gap,shu konsertni ortidan kun kurvotganla kup ekanki,biletlani oldindan odamlaga quymasdan sotvolib konsert oldidan kutarvorishgan uzlariku,endi sotisholmasa buni Ozodbekka nima daxli bor? shu buldimi endi uni qoralashga sabab? Ozodbekni sanatini butun xalq eshitadiku,yoshi ulug qancha onaxonu otaxonla uni bekorga yolgondan duo qilayotgan ekande? u xalqni duosini olgani bejizmas,demak hech qachjon tushmidi sahnadan! germaniyalik muxlis ... kommentimi chop etila ,iltimos!


74 Bakhtisher   (06-Авг-2012 22:31)
Agar inson qalbidagi iymonni kiyim bilan o'lchash mumkin bo'lganda hozir vaziyat umuman boshqacha bo'lar edi. Yulduz Usmonova chakki tosh otibsizda, do'stim! Yulduz Usmonovaning iymoni haqida yolg'iz OLLOh biladi, lekin uning qilgan ishlarini sizning Ozodbek Nazarbekovingiz yuz yilda ham qila olmaydi. Siz buni rad qila olmaysiz ham!

29 Фахриддин   (09-Апр-2011 23:42)
Шарманда бумасли учун билетлани кассага бермасдан олиб сотарлага таркатворган.
Кассада билет йук, ишонмаганла телефон килиб курсин 2459251.

30 Khalima   (09-Апр-2011 23:46)
Хамма санъаткорлар айнан Юлдузга ухшаши ва унинг берган дуосининг миннати билан юрмайдику.Бунчалик ичкора булмаслик керак. Юлдузнинг уз даври , Озодбекнинг уз даври хамманинг уз даври уз мухлиси булади.Мен Озодбекни шахс сифатида хурмат киламан. Узини сахнада тутиши айникса раксга тушмаслиги ёкади.Лекин катта байрам тантаналарида Президентимиз билан раксга тушиши ажойиб куринади.Озодбек ака сизга омад, бу арзимас гапларга эътибор берманг иложи булса, мевали дарахтга тош отилади хамиша, эсон-омон концертингизни утказиб олинг.

31 Adajon   (09-Апр-2011 23:58)
Eee ozodi o'zi basharasidan "fonogrammist"ligi bilinardiyu... U manimcha o'zini o'zbek shou biznesi qiroli Sherali Juraev va qirolichasi Yulduz Usmonovadan o'tdim ularni ortda qoldirdim deb o'ylasa xato qiladi! Ular 20 30 yil diganda qilgan mehnatlari, harakatlari, izlanishlari evaziga shu unvonni zo'rg'a olishgan. Ozod buni juda oson qo'lga kiritganiga hali ham tushunmiman! U shunaqa zo'rmi? Uni UZ shou biznesidagi qirol va qirolicha kabi butun dunyo tanidimi?!! Yo'q! Lekin shunga qaramasdan u bu unvonga sazovor bo'ldi! Voobshe arzimidi boru! Sangamasde og'ayni uni olish! San bunaqa esheni hangrashidaka ovozin bilan (yana fonogramma), ona haqidigi i ota bola haqidigi qo'shiqlarin orqali keksalarni yeg'latvorganinga o'zini MEN QIROLMAN dsen adashasan! QIROL tirik va u abadiy Yashaydi! Hech narsaga qaramasdan, hech bir muammoga etibor bermasdan adolat qaror topar degan maqsadda sizlarga indamaydi! Ammo biz bilamiz Sherali va Yulduzdan o'tadigan yo'q!!! Ozod iltimos boshqa nervimga o'ynamagn. Nmagadr sani ko'rsam nastraenyam tushb ko'ynm aynidi! Aaa iltimos o'zbek xalqi har bir sanatkori eshitishdan oldin uni manaviyati va madaniyatiga, ovoziga, so'zlariga, gaplariga, qo'shiqlarini ma'nosiga, musiqasiga va muximi Jonli Ijrosiga etibor berin. A to o'zilaniyam saviyela kundan kunga paseyib keturadi!!! Raxmat Sayyod!

32 guljahon   (10-Апр-2011 00:15)
[Kim nima desa desin Ozodbek Nazarbekovdek O'zbekistonda shirali ovoz sohibi yo'q.Bekorga yilning eng yahshi erkak qo'shiqchisi nomini olgani bejizga emas.Yulduz Ibragimovaga kelsak, agar o'z o'rinlarini bilib,hurmatida turganlarida boshqa davlatda kuylashga majbur bo'lmasdi. Ikkalasini ham shou-biznesda o'ziga yarasha o'rinlari bor taqqoslashga hojat yo'q.Bilet masalasiga kelsak,olib-sotarlar shunaqa mashhur sanatkorlarni konsertlarida biznes qilishi tabiiy hol.Menimcha odamni qancha aybini qidirsa shunchaga ortaveradi.Atrofdagi odamlarni nazarida ham shunday tuyilaveradi.Tan olish kerak Ozod akani ashulalariga o'ynamaydigan odam bo'lmasa kerak.Qo'llaridan kelsa boshqalar unga etvosin buni raqobat deb qo'yibti.OZODBEK NAZARBEKOVGA omad tilaymiz ]

33 mirzo   (10-Апр-2011 01:57)
Khan he4 qa4on Yulduzga qandaydir Ozodni tenglawtirmang, uni xali sa'nat darg'asiga tenglawtiriwga an4a bor, owandaxam ulgursa!!!!

34 sevara   (10-Апр-2011 04:22)
Ha Ozodbek hozirni zuridur lekin Yulduzchalik bula olmaydi Мирзабек Холмедов ham nomi chiqqan hofizlar oldida Мирзабек faqat bachkana yo Ozodbek yahshi kuylaydi lekin Yulduzchalik emas kim nima desa desin uni davri utdi nimaga??? u eng yoqori pogonasiga chiqib buldi lekin pogonasi Yulduzchalik emas Yulduzni dunyo tan olgan

35 fakhri_   (10-Апр-2011 04:22)
EE INSONLA YULDUZNI BUYETGA QANAQA ALOQASI BOR? OZODBEK KUCHLI SERQIRRA SA'NATKOR HOZIRDA UNGA TEN KELADIGANI YO'Q JONLI AYTISHNI EPLOMADI DEB YOLGON GAPIRGANI UYALMISIMI KEYIN U KONSERTDA JONLI AYTADIMI FONOGRAMMAMI BU UNI PROBLEMASI O'SHA FONOGRAMMASIGAYAM KIRIMAN DEB XALQ BILETLARINI QOLDIRISHME OLISHDI!!!!!!

36 Parizoda   (10-Апр-2011 04:30)
Nega aynan Yulduz bilan ozodbekni solishtirasizlar axir bularni 2kalalari 2 dunyo. Nima endi shu bitta konsertda bo'lgan bitta baxtsizlikni deb Ozodbekni shuncha yerga urish shartmas, agar sizlar Yulduzni muhlislari bo'lsangizlar biz Ozodbeknikimiz. Oyni 15 qorong'u 15 yorug' degan naql bor xalqimizda sunday ekan bu hayot har xil vaziyat bo'ladi. Ozodbekni ovozi yo'q deb kim aytdi albatta bor,ammo o'zingiz o'ylab ko'ring agarda sizda ham unikiday holat, ya'ni konsertingizga svet o'chib qolsa nima qilardingiz albatta avvaliga dovdirab qolasiz bu tabiiy hol, shunday ekan hadeb Ozodbekni yerga uravermanglar... ozodbekni yomonlaguncha o'zingizlar harakat qilib unga o'xhsab qo'shiq kuylab ko'ringlarchi, fonogramma emas albatta jonli keyin bilasiz qanchalik qiyinligini.Men Ozodbekka hamisha omad tilayman ilohim biz muhlislari baxtiga doimo sog' bo'lsin va hamisha omadlarini bersin!

37 S_Diyor   (10-Апр-2011 12:16)
Fonogramma aytayotganda mikrofonsiz saxnaga chiqish bo'yicha antimonopoliya komitetidan yoki uzbeknavodan bir qaror chiqarganda yaxshi bo'lardi, shunda sanatkorlarda songamas balki sifatga e'tibor bo'lardi. O'zi fonogramma aytayotganda nima keragi bor mikrofonni ushlab olib fonogramma yoki jonli kuylayotganni farqiga bormagan tomoshabinni aldab?

38 Dilnoza   (10-Апр-2011 13:05)
Ularni ikkalasi xam yaxshi emas kekkayganlar uzoqqa bormaydi YUlduz Usmonova bizda stadionga keldi bir qo'shiq aytganda yosh bolalarni saxnaga chorladi o'shanda bir qizcha yoniga borganda ERGA BERSA EGIZ TUG'ASAN NIMAGA CHIQDING DEB QAYTARIB YUBORDI SHU GAPNI BARALLA BUTUN STADIONGA MIKRAFONDA AYTDI BO'LMASA ESHTMASDIM MEN CHIQMAGANDIM U ASLIDA XOZIR O'YLASAM GAVDASI KATTA LEKIN GO'DAK EDI.
Ozodbek xaqida ko'p gap eshtganman o'z qulog'im bilan emas lekin uni qigan qiliqlari bu gaplarni rostligini isbotlaydi.

39 Shuhrat79   (10-Апр-2011 14:56)
яхшиям шунака концерт деган нарсаларга тушмаймана..булмаса сизларга ухшаб куйиб ултирган булардим алдашганидан..апсуски рекламаларда хам айтип куйган панаграммада хам куйланади деп..шунга караб тушиш керакде.. biggrin йук ман пакат жонли ижрога тушаман десангиз..Муножот опамизни концертига тушсангиз алданмайсиз..

40 Mashhur   (10-Апр-2011 15:51)
Ozodni ham yaxshi ashulalari boru, ammo uni Yulduz bilan tenglashtirish..., bilmadim. Boshida yaxshiroq ashulalar aytardi, keyin o'xshamay qoldi. Axir ashulani ham davlat buyurtmasi tarzida aytib bo'lmaydida. Shuncha kun qanday qilib konsert berarkan deb hayron qoldim o'zim. I keyin menimcha u son haqida emas, sifat haqida ko'proq o'ylashi kerak. 1 yilda 4 ta ashula chiqar, zato xit bo'lsin. Maqola muallifi bir tomonlama yondashibdi, ijodida professionallik kamroq. Yulduz esa tanho, uni birov bilan tenglashtirish judayam qiyin.

41 yasmina   (10-Апр-2011 16:42)
Birodarlar unutmanglar cho`qqiga chiqandan keyin bir kun qaytib tushmoq ham kerak.Shunchaki Ozodbekni vaqti keldi endi u pastga qarab tusha boshlaydi.Shon shuhrat abadiy emas.Yulduzga kelsak u Yulduz boshqa so`z ortiqcha.

42 vohidjon   (10-Апр-2011 17:06)
Ozodbek Nazarbekovga omad tilayman qushiqlariga gap yuq

43 Davron   (10-Апр-2011 17:17)
Yaxshi, davri o'tganlarni xotirlash savob ish. Yulduz rosa xursand bo'ladigan bo'pti-da! Yulduz yoqsa uni qo'shiqlarini eshit! Jonli ijro etishini xohlasang, to'yingga taklif qil, kuching yetsa. G'iybat qilish o'zbek xalqiga yarashmaydi. Buyurtma maqola yozishga pul olganlar yaxshilab yozishni o'rganish kerak! Maqolaning sassig'i chiqmasin - buyurtmaligi bilinib qolmasin.

44 BARSA   (10-Апр-2011 21:35)
tan olishniyam bilish kere. yulduz ibragimovnayam yahshi sanatkor.tan olaman.lekin uni davri otdi.bir kun kelip ozodbekniyam davri otadi u ham chekaga chikadi.lekin tan olish kere hozir ozodbek nazarbekovni davri.sila eshitselaram eshitmaselaram.

45 kudrat   (11-Апр-2011 01:17)
yuldiz usmonovani tillovorishda taryor shekili bu bola

46 fayz   (11-Апр-2011 08:18)
Yulduzli jumanji loyihasida Yulduz Ibragimovna aytganidek, Ozodbek hali uz ustida ishlashi kerak u to'ybop san'atkor emas degan fikrlarni aytganlar.Demak shou biznes olamini doimiy kuzatuvchisi sifatida aytishim mumkinki, Ozodbekning hali ochilmagan qirralari ko'p.Konsert dasturiga kelsak - bunday dasturni bir inson mehnati bilan amalga oshirib bo'lmaydi.Demoqchimanki sahna chiqishlari va boshqa harakatlar Ozodbekkagina tegishli emas...

47 Farxod   (11-Апр-2011 11:10)
Yulduz Usmonovani surati quyilmagani sababi uni esdan chiqarildi degani emas, bunga har hil sabablar bulishi mumkin. Nega Yulduz Usmonova Toshkentda konsert bera olmayabdi? Aslida bera oladi lekin bu boshqa to'siq va sababi bo'lishi mumkin. Ozodbekni konsertida usha sabab rol uynamadi deb kim eta oladi/ Nimaga endi darrov Ozodbekni aybdor qilish kere? Bu holatni har tomonini uylash kereku

48 МАНСА   (11-Апр-2011 13:20)
эй бу вапшееее ***** одам буса кере юлдуз билан озодбекни солиштирадими тупоймисан **** бу каердан чиккан гап икковиям водийданку нима энди маргилон билан андижоннни карама карши кип коймокчимислар юлдузга тенг келадигани йук у номер 1

49 Zoyi   (11-Апр-2011 14:23)
вуй, ну почему все сравнивают Озода с Юлдуз? Он в конце концов мужчина, а она женщина, и целевая аудитория в целом у них разная, Юлдуз и молодежь тоже слушала, и мужчины. А песни Озодбека больше рассчитаны на взрослых и пожилых женщин, равно как и его безвкусные ужасные костюмы (это бордовое безобразие просто мрак). Лучше сравнивайте его хотя бы с Шерали Джураевым, хотя в этом сравнении он конечно проиграет, потому как Шерали Джураев, он хоть и не для всех, но он на века - он классик. А Озодбек попсовик, который хочет закосить под классика, но у него это не очень получается.

50 Azamat   (11-Апр-2011 14:29)
e o'zi Ozodbekka, Zulayhoga XALQ ARTISTI degan maqommi beriwga hali aaancha boridi o'zi. ozodbekniyam zulayhoniyam davlatni o'zi kotardi. mana endi xalq baribir tanlab tanlab ewtvotti.

51 Komila   (11-Апр-2011 16:36)
Vashshe qivorishibdi.

1-50 51-71
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1010]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [66]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [238]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 38
Мехмонлар: 38
Рўйхатдагилардан: 0