Октябрь ойининг илк муборак жумасида, муборак ишларни давомлаб, яна қон топшириш акцияси ва хайрия тадбирини ўтказдик.

Фанклублар ва тобора янги ёшлар қон топшириш акциясига қўшилаётгани қувончли холат бўлса, иккинчи маротаба хам қон топшираётганларни қахрамонлигига қойил қолса арзийди. Асосийси уларнинг қони зое кетмайди. 

Шу куни топширилган қонлардан, 4таси   зудлик билан Гематология институтига, ёш болакайлар учун қуйишга олиб кетилди.  Акциямиз шу куни айни муддао келгани яхши бўлди.

Қон топширганлар сони 14тага етганида, аввалги сонда 15та бўлганди деган хитобдан, хар акциямизда беминнат кўмак кўрсатадиган продюсер Искандар Шукуров чидай олмай, гарчан аввал хам топширган бўлишига қарамай, шартта бориб яна қон топширворди)) Қон топшириш бўйича икки карра чемпион унвонига сазоворлар қаторидан жой олган Искандардан кейин яна бир киши қон топшириб, 16тага етказди)).

Умумий хисобда шу куни  акциямиздан 16та одам қон топширди! Бу дегани 6 килою 400 грамм, 10 литр демак қон!

Акциямизда  Юлдуз Ибрагимовна Усмонованинг,  Муниса Ризаеванинг, Шахзоданинг, Беном гурухининг, Сардор Рахимхоннинг ва хаттоки ёш  Ажнабий тахаллусли йигитнинг хам  фанклублари қатнашишди.

Юлдуз Усмонова фанклуби
Қон топшираётган Ажнабий ва унинг фанклуби.

Беном гурухи фанклубида хам Ажнабийчилар))

Ховлида турган Каптива мошинаси ойна ва капотларида  акциямизнинг аввалги сонларидан  суратлардан йиғилган тарғибот плакатлари ёпиштирилганлигини кўриб қувониб кетдим. Сайтимиз фанклубининг иштирокчиси (Смартдент никли) шу куни акциямизни мана шундай тарзда тарғибот қилиб, ўз хиссасини муносиб равишда қўшган.

Шу сатрларни ўқиётган хар бир одамга, мазкур эзгу хайрия акциясини тарғибот ишларида, танишлари ва дўстларига айтиб, лейкемия билан оғриган болакайларга қон топшириш акцияси ва хайрия тадбирида иштирок  этишга чорлашда ёрдам беришларини сўрардик. Зеро, бугунги кунда анча нарса рекламага тақалади, лекин қон топширишда эса тарғибот ишлари ва бир ёқадан бош чиқариб харакат қилмоғимиз даркор.

Сайтимиз фанклубидан Бекзод Искандаров (bek8111 никли) иштирокчимизнинг қон топшириш акциямизга хос календарь қилиб бергани учун ташаккур.

Бу галги сонимизнинг машхурлардан фахрли мехмони актриса ва хонанда Муниса Ризаева бўлиб, хайрия тадбиримизга ўз молиявий хиссасини қўшди. Бу иштироки учун,  у хам ФАХРЛИ ИНСОН браслети билан хаққоний тақдирланди. Унинг бу хиссаси шу куни яна бир муштоқ болакай учун қимматбахо дори сотиб олишга яради.

Шу куни қон топширганларга Муниса Ризаева тантанавор равишда ФАХРЛИ ИНСОН браслетларини бирма-бир тақиб тақдирлади.

Акциядан сўнг, қон топшириш маркази ховлисида, шу куни келган сайтимиз фанклуби иштирокчилари билан, мазкур акциянинг келгусидаги ривожлантириш ва тарғибот стратегиялари хақида кичик мажлис ўтказдик.


Хайрия тадбиридан йиғилган пулларга дори сотиб олиш учун Гематология институтига келганимизда, аввалги сонимизда хам молиявий хиссасини қўшган бир сайт мухлиси яна келиб, яна ўз хиссасини қўшиб, дорилар сонини биттага ошишига сабабчи бўлди!
Кимлардир иккинчи маротаба қон хам топширяпти, дори сотиб олиш учун хам яна пул беряпти, кимлардир эса хали биринчи маротаба деган сўзга лойиқ бўлмади. ФАХРЛИ ИНСОНлар қаторидан тезроқ жой олишга чорлаймиз!

Гематология институти қошидаги лейкемия билан оғриган болакайлар шифохонасида бизни бу сафар хам кутиб олган шифокор Наргиза опага хам фахрли браслет топширдик. Яна акция бошидан ташкилий ишимизга кўмак бераётган Феруза опага хам қолдирдик. Эх...агар бу болакайларга ёрдам бераётган барча шифокорларни тақдирлайдиган бўлсак, браслетимиз етмаса керак..

Аспаргиназа... лейкоз билан оғриган болакайларни МУТЛАҚ тузалиб кетиши учун имконият...

Акциямизда доимий ташкилий ишларда жонбозлик кўрсатаётганлардан: ФанклубЛАР шоханшохи Иззат)), продюсер Искандар Шукуров,  продюсер ва эндиликда талаба Мурод Мадрахимов, шу куни суратчиликни ўз зиммасига олган Шахлоларга алохида рахмат.
Шунингдек, акциямизда ширинликлар бўйича хомийилик қилганлар Сардор Рахимхон фанклубидан, Шахзодани фанклубидан Феруза, Юлдуз Усмонова фанклубидан Хамроз (Аслхонандачи), ва сайтимиз фанклубидан Шахзодларга каттакон рахмат! Ха, айтганча, ширинликлар барида барменшаликни уддалаган Шахзода фанклубидан икки қизга хам рахмат.
Барчангизни умрингиз шу ширинликлар каби ширин бўлишини тилаймиз!















Суратлар муаллифи Шахло Қодирова.



Қон топшириш акциямиз 2 ноябрь куни давомланади. Қон топшир, хайрия тадбиримизда ёки акциямизни қўллаб қувватлашда келиб қатнаш ва ФАХРЛИ ИНСОН браслетига сазовор бўл!

---

Акциямизда қатнашиш имкони бўлмагану, лекин браслет харид қилиб, лейкоз билан оғриган болакай-ларнинг тузалиб кетишига умид бўлган  қимматбахо дориларни сотиб олиш учун керакли маблағга озгина бўлса хам хисса қўшишни истаганлар учун телефон рақамлари:  (+99894) 644-67-11