Мана бу ўртадаги қиз Лобар. У колледж ўқувчиси эди... 

эди...

Мана бу инсонларниям умрининг сўнгги кунларини машхурларимиз оз бўлсада қувончли қилиб бера олишди:

Энди бу беморлар, бу дунёда йўқ...

Бизларга билинмас, аммо кимлар учундир ўз кумири бутун  олам бахт дегани. Айниқса дунё завқларидан айро, умри оғриқда ўтаётган инсонлар учун машхурлар ташрифи бир кунлик бўлса хам катта  байрам. Буни машхурлар билан беморларни холидан хабар олганимизда биламиз. 

Кеча Шохруххон хам нихоят ўзида куч топиб, уни кутган ва айни дамда реанимацияда оғир ётган мухлисини холидан хабар олиб қайтди.  Шохруххон асли бундай нарсаларга кўнгли жуда бўшлигини билганимиз учунам айтилган пайтида келмаганидан ранжимадик. Бу лойихамизда у ўз вақтида қон хам топширганди.

Асосийси йигитчани кўриб кетди ва шу кунги реанимацияда бўлганлар хам унинг ташрифига шод бўлишди.

Бемор йигит бу кунга келиб касалликдан кўзи кўрмай қолаётган даражага етгану, аммо хозирда ахволи яхшироқ ва  палатага олишмоқчи экан.

Бундай мухит ва беморлар билан кўришган Шохруххонни шифохонадан чиқиб ўзини тоби қочиб қолди. 

Ана энди оламдан ўтган Лобар ва кеча бу хабардан шифохонага зудлик билан бориб келганим хамда анчадан бери айтмоқчи бўлган нарсаларим хақида:

Машхурларимиз "Фахрли инсон"да холидан хабар олган бу қиз оламдан ўтганини кечагина билдим ва зудлик билан шифохонага бордик.

Лобар хали кимё терапиясини олишга улгурмаган экан. Кўричак (аппендицит) бўлиб қолганидан кейин 16-шифохонага операцияга олиб борилган. Операциядан сўнг, 2 кунда Гемотологияга қайтарилган Лобар йўлни кўтара олмай оламдан кўз юмган. Воқеа тафсилотларидан хабар топиб... айримларга ва 16-шифохона шифокорларига айтдиган гапларимам борийдию... Бу лойихам умри мухим...

Одамлар умричи? Бир бирига боғлиқ ва бир бирига қарам ва зид вазият. Бошим қотиб қоляпти...

Гемотологияга  келиб шифокорлар билан гаплашиб, кўп нарсадан асабларим дош бермади. Мен билан келган хамрохим  чидаб туролмай йиғлаб чиқиб кетди. Ўзимку халиям ухлай олмай ахийри қоғозга ўраб бўлса хам аламимни сатрлардан оляпман.

Гапирса гап кўпу, шу лойихамни ёпишларидан қўрқаман холос. Хар қандай мавзуда хеч нарсага тап бермай барибир портлайману аммо шу "Фахрли инсон" лойихаси устида таваккал қила олмайман. Хаққим йўқ! Кимнидир умри мана шу акциядан топширилган қон ва берилган дорига қараб қолган бўлиши мумкин, бу эса мухимроқ.

Аммо анчадан бери бўлаётган адолатсизликларга чидай олмаяпман. Шундоғам бу акциямизга тайзиқлар кўп бўлди, таваккал қила олмайман...Бошқа тарафдан йиғилиб бораётган адолатсизликларга чидай олмаяпман.

Одам оғир касал бўлса, "Ха, барибир ўладику" деб бефарқ бўлиш керакми, қани манга жавоб берингларчи?

Хамма ўлади, лекин ўларканмиз деб яшаш учун курашмаслик керакми? Хамма ўлади лекин касал бўлсак даволанмаймизми?

Касални оғирига келганида шунақа муносабат қилиш мумкинми?

Бефарқ бўлмайлик! Гулдек ёш болалар, энди хаётни мазасини татиётган ўсмирлар, хаётда хали хеч нарса кўрмаган ва орзуга тўла ёшлар ўлиб кетяпти!!!

Қўлимиздан келадику умрини сақлаб қолиш. Келади! Умрини узайтиришдан то мутлақ тузалиб кетишига кафолат борку! 

Шифокорлар бу касалликни аён бўлганидан даволашни бошласа мутлақ тузалиши мумкин эканлигига кафолатни 75 фоиздан юқори дейишмоқда. Тўғри ва тўкис даволашда эса 95%!!!

Оққон (лейкемия, лейкоз) касаллигини хозиргача аниқ келиб чиқиш сабаблари маълум эмасу, аммо касаллик кечишидаги хромосомалар ва иммунитетдаги ўзгаришларни кузатуви натижасида уни келиб чиқиши тахминлар мавжуд:

-Стресс, депрессия холатлари, қаттиқ сиқилиш

-Офтоб тагида кўп бўлиб организмни ўзига хос стрессга рўбарў қилиш.

-Озиш учун қўлланиладиган радикал холатлар натижасида (оч қолиш) ошқозонни стрессга қўйиш

-Кучли қўрқув, чўчиш...

-Вирусли касалланиш оқибатида (асосан организм аввал вирус касаллиги билан оғримаган бўлса, организмдаги иммун системаси бундай вирусли атакадан ўзини бошқача тута бошлаши) Болаликдан умуман касал бўлмай кейин вирус касаллигига йўлиққанида.

Қайтараман: бу фақат тахминлар холос, расман тасдиқланмагану аммо касалликни кузатиш натижасидаги хақиқатга яқинроқ тахминлар. 

Бугун жума - муборак кун! Лобар ва бошқа юқорида суратларда акс этганларни Оллох ўз рахматига олган бўлишини дуо қиламиз.

Лобарга жуда ачиндим...афсус... шу куни у умуман касалдек кўринмади ва кўринишидан  байрамдан бир неча кун ўтиб оламдан ўтишини тахмин қилиш хам мумкин эмасди.

Худди Зебо каби...

Шахнознинг оптимистик рухиятдаги хайрлашиши мухрланган бу  суратига узоқ тикилиб турдим. Кўп маъно бор.

Ўлимини сезиб билиб яшашдек оғир кунларда бемор учун , айниқса шу ёшдаги қизлар учун умуман бошқа ва сехрли олам вакиллари бўлган машхурлардан бундай   ишонч билан айтилган "Хамаси зўр бўлади!" тилаги уни рухиятини юқори ушлаб, мўъжизани оддий бир хақиқатдек қабул қилиб, ишониб яшашга ундайди. 

Умрини сўнгги онларини яшаётган бўлса хам бироз байрам сезиб, бироз кўнгли кўтарилгани қолади. 

Хаётимизни ўзи тўкис мўъжиза! Мен эса унга ишонаман ва  йўқотишлар  мавжуд бўлишига қарамай, умри узайиб, соғайиб кетаётганлар хам борлиги учун, бошқаларни ташлаб қўймаслик учун хам курашишда давом этаман!

Шу учунам эндликда ушбу шифохонадаги фақат ёш болакайлар бўлими эмас, Лобар ётган ўсмир ва ёшлар бўлимига хам ёрдам беришга ахд қилдим. Энди икки карра кучда ишлашга тўғри келади. 

Ўсмирлик ва ёшлик даври...гулдек давр. Орзулар уммонида хаётдан тўйиб тўйиб нафас оладиган палла...

Бу касаллик билан   турмуш қуриб  болалик хам бўлганларини биламиз. Имкон бор!

Сизларга ишонаман!

Сайтимга ўнта одам кирса хам, бу сатрларни бештаси ўқиса хам, шундан учтаси бир неча  танишига бу лойиха хақида айтиб, қон топшириш ва ёки моддий хайрияга ундаса хам натижа ёмон бўлмайди.

"Фахрли инсон" лойихаси келаси ой  4-июль муборак жума куни муборак Рамазон кунларига тўғри келаркан. Бу куни Рўза сабаб, тадбиримизнинг қон топшириш акциясини ўтказмаймиз ва фақат беморлар учун қимматбахо дориларни сотиб олиш учун моддий хайрия тадбирини давомлаймиз.

 

Батафсил ва мурожаат учун тел: +99894 6446711, +998946952121

1-июнь кунидаги "Фахрли инсон" хайрия лойихасидан видео яқин кунлар тақдим этилади. У ерда Лобарнинг юлдузлар билан ўтган сўнгги онлари хам мухрланган...

Эсдалик бўлиб қолди.

Шу куни фото ва видео лавхаларимизга, у касал бўлишига қарамай, юзида табассум билан мухрланиб қолди. 

Саййид-ул айём муборак!