деворлари аламлар ютган

 бу даргохда яна ким йиғлар

болалиги  оғриқда ўтган

қай болажон  жони узилар

Деворлари  ситамга тўла

бу даргохда болажон яшар

болаликдан умиди сўнгган

ўлим билан курашиб ўтар

деворлари йиғлаган жойдан

бугун яна кимлар  уйғонар

ёки бугун хамма беморлар

яна кимни кузатиб қолар

яна бугун қайси онанинг   

юрагида умид туғилар       

шу жумада қон топширгандан

бир болажон умри узаяр

Кимдир яна эрта тонгидан

болажоним дея чинқирар

фарзандини бағрига босиб

кечир сақлолмадим деб йиғлар

Даволашга қурбим етмас деб

болажонни умридан ўтар

Бир томчи қон топилмади деб

фарзандини кўмгани кетар....

Имкони бор хар бир инсонни

Жума куни савоб қилмоққа

Фахрли инсонлардан бўлиб

Болажонни сақлаб қолмоққа

Деворлари азобин сезиб

чидаб турган шифохонадан

фахрли инсонларни кутиб

умид  узмай  яшамоқликдан!

 

Июнь ойи биринчи жумаси эмас, анъанага кўра бу ой 1-июнь куни, Гемотология институти қошидаги лейкоз билан оғриган болакайлар шифохонасида болакайларга байрамона тадбир ўтказамиз.  

Яъни бу хафтанинг якуни, якшанба кунига тўғри келади!

 

Илтимос унутманглар:

-ШУ КУНИ ҚОН ТОПШИРИШ ҚОН МАРКАЗИДА ЭМАС, ШИФОХОНАНИ ЎЗИДА амалга оширилади!

-Соат 10:00дан то 13:00гача қон топшириш акцияси ва соат 13:00дан то 16:00га қадар байрам дастури.

-Машхурларга илтимос, 16:00га тақаб ёки кейин келинмасин, сабаби соат 16:00дан бемор болакайлар палатага қайтарилади!    

 

Ихтиёрий равишда қон топшириш, моддий хайрия ёки шунчаки қўллаб-қувватлаш билан иштирок этиб ўз хиссангизни қўшинг, зеро ташкилий ишларда ёрдамчи қўллар хамиша керак!

 

Бир йилда бир маротабагина бемор болакайларга тантана қилиб беришда хомийларни хамкорликка чорлаймиз!

Батафсил +99894 644-67-11, +99894 695-21-21  

 

Манзил: Тошкент шахри, Қатортол кўчаси 42а уй, ориентир: Қатортол "оптовик" олдидаги кичик чорраха олдидаги Халқ банки ёнидан кириб кетиладиган кўча. Гематология институти, Лейкоз билан оғриганлар шифохонаси. 
 

Саййид-ул айём муборак!