Сирли лойихадан ташқари, Зиёда ўзининг бугунги кундаги хис этаётган хақиқатлари билан самимий бўлишди. Бу сайт учун кечган сухбат эмасди, шунчаки ўзаро сухбат бўлиб, унинг яширин тарафи бўлмаганига , аксинча бахтли  онлар садоси  бўлганига бўлишишга қарор қилдим:

Зиёда: Ўғлимиз исмини Камронбек қўйдик. Унинг исми тушимда аён бўлаверганди, шу исмни қўй деяверишди.

Албатта қайнонам ва бошқа хамма билганлар бу исмга қаршилик кўрсатишмади, аксинча!

Хозирги кунларда хизматларда бироз ушланиб қоладиган бўлсам, боламни соғиниб қоляпман ва дарров телефонимдан суратлари ва видеосини кўриб ўзимни овутяпман. Кўпроқ у билан бўлишга харакат қиляпман. 

Фарзанд... бошқача бўларкан бу хиссиёт,   умуман тасвирлаб бера олмас бўлган бахт.

Ўғлим дунёга келгунча, хомиладор аёлларга хос бўлган антиқа махсулотларни организм талаб қилиши, менда нақ қишда довуччага бўлган (кулади) . Турмуш ўртоғим хаммаёқни излаб, хаттоки бонкага ёпилган турини хам топиб келгану, лекин бўлмаган, шу росмана довуччани истаганман.

Бахор келиши билан, ўрик гуллари ичидаги эндигина довучча бўлаётган кичиккина довуччачаларни териб келтириб берганлар (кулади)