Сентябрь ойидан яна концертлар мавсуми бошланмоқда... Кутилганига қараганида кутилмаганлари кўпроқдек...демакки ўтказиладиган чипталар сони хам кўпаяди.

Халолига қараганида хароми хам кўпроқдек. Хайрон бўласизми бу сўзларга? Унда фонограмма орқали ИЖРО қилинади деган ахмоқона сўзлар билан ўзингизни овутаверинг.

Мана шу ахмоқона сўзларга бирорта мутасадди идора ўз эътиборини қаратишни истамаяпти. 

"Фонограммада ўтади", "Жонли ижрода", "Жонли овоз ва мусиқа фонограммада ўтади" деган элементар тушунчалар билан баннерда қани энди ёзилса?

Ха, айтганча, бир хонандани концерт баннерини интернет оламида прикол тури тарқалганига кўзингизам тушгандир: "Фонограмма ва ўғирланган қўшиқлардан фойдаланилади")))

Жазога тортилмаганига яраша, қани энди хеч бўлмаса тан олиниши  баннерда талаб қилинса?

Концерт асосан хонанданинг ижодий хисоботидек гап. Энди у хонандани хисоботига қизиқилсаям яхшиде. Албатта ўша концерт бераётганга халқдан талаб бўлишига қараб берилсаку нур устига аъло нур.

Аммо бу мавсум концертлари  хаммаси хам талабга асосанми? АСЛО!

Реклама даври... Тушунарли. Аммо бу  зўрлашгача боряптику. Зўрлаб "рекламани қабул қилларинг"дек.

Радиолар бир қўшиқни айлантириб, едириб , сингдириб , хит қилиб юборганидан кейин ХИТ бўлаётгани етмаганидек, (шу ўринда ТВМ ва хозирги "Наво" телеканали хам), энди концертлар хам шу турига ўтмоқда.

Мамлакат фуқаролари онгини артистлар бошқаришга даъво қилаётгандек гўё. Худди одамларни пулини ишлатишга бошқа нарса йўқдек. 

Янги мавсумда кимларни концертларини кўряпмиз? Динозавр даврида қолган ва фақатгина қариялар пансионатида талаб бўлиши мумкинларми? Ё даври ўтган бўлишига қарамай, ўлсам хам бошқалардан қолмайман деганиними? Балки умрида биронта хит қўшиқ яратмаган ва нари борса 10-15та одам танийдиган хонандаларми? Тўртта лаганбардор "Сиз зўрсиз, Худо осин беринг концерт, ана бошқаларам беряптику" деганларга ишонганларми?

Булар орасида неча йил овози билан ёриб чиқа олмаган, бировни тахоратига намоз ўқигандек, ўғирланган қўшиққа овозини қўйиб машхурликка эришган ва даврим келди деб ўйлагану, аслида ғирт омадсиз хонанда хам бордир. Аслинг билан, ўз кучинг ва ўзингни шахсий омадинг билан эришганинг омад ва шу омад хам халол бўларкан. Бировни омадидан фойдаланганинг сеникимиди? Одамларниям ўзингниям алдаб юравер, хаммасини ўз чегараси бор.

Овоз кучайтиргичда дўриллаб, икта машхур фамилия сохибларига тақлиди билан танилгану, Марди майдон жонли ижро фестивалида дўриллаши тугул овози сезилмгани хам концерт беряпти...

Кимга керак бу концертлар?

Одамлар тушади!

Пули куйганидан кейин тушади-да!

Ўзи истаб тушганидан кўра, мажбуран пулим куймасин деб тушадигани қанча?

Буям гипноз-да! Зўрлаб тинглатади.

Бир хонанда "Наво" каналида клипи айланишига бир мавсумни ўзида 15.000дан зиёдроқ  кўкида сарфлаганидан хабардорман. Кимга мазза "Наво"га мазза!

Битта хонандани бир мавсумидаги промосидан шунча пулига лоақал битта тузукроқ кўрсатув қилсаларингчи.

Бахтига "Ёшлар" каналидан қолган-қутганларини қўйиб эфирни тўлдиряпти холос. Хит-парадку умуман ФОЖЕА! Соққа ўлсин, йўқни хам бор қиладиган, борни хам расво қиладиган!

Қанча истеъдод кўчасига оёқ босмаганларни кўкка кўтариб, асл истеъдодларни ўрнини ва вақтини шуларга кетказиб САНЪАТ номини кўмишяпти.

15 минг кўкида промосига тиккан, смс овоз беришига 1000 кўки нима бўлибди? Қарабсанки хам промо ва хам 1-ўрин!

Ана бугунги давр санъат  хақиқати! Ана машхурлик ва  ижодкорнинг орзуси!

Тупурдим бунақа "ижод"га, очиғи!

Ишласанг халол ишла, шу МЕХНАТИ ва қийинчилигини хис этиб ишласангчи! Адамни бели оғриб топган пули боракан деб машхурликни сотиб олсанг, эртага нима ва кимларни сотиб оларкинсан?

Бу фожеанинг бўсағасику. Нега муаммо пайдо бўлганидан кейингина бонг урамизу, олдини олмаймиз?

Худди хозирги  НБУ банки олдидаги кўчани ёпиб қўйишганидек. Шу йўлни қанча чиройлик қилиб очишди, Юнусободдан Софийскийга чиқиб сал мошиналар қатновини енгиллаштирар дегандик.  ... Энди ёпиб қўйиб нима наф?

Худдики яна шу ерда бир фожеа бўладигандек ё салбий энергетика манбаи жойини экстрасенслар топгану, уни ўраб беркитишган. Бред какойто.

Концертларга қайтамиз. Қаривомман шекил, роса "ўтлавомман" бору. 

Битта концертга фалон пул тикиб катта реклама қилгунча.... зўр ижод қилиб, сенга талаб кучайишини ўзингга мақсад қилсангчи. Концертга минглаб доллар сарф қилгунча, шуни хайрия қилсанг балки шу ишинг учунам Худо сенга хаққоний омадни  берар.  Бир кунлик сарф-харажатингга ойлаб яшаши мумкин бўлганлар атрофингда каммасдир?

Билиб турибсизлар, концертдан пул тушишига қараганида, чиқими каттароқ, нима зарил ўзингизни алдаб? Бутун журналистика олами ва хамкасбларингизни сизларга бўлган ич-ичидаги  ачиниш хисси билан сахнада оғзингизни қимирлатганингизни кузатиши кайфми?

Дўст-душманлар олдида тушунчасими?

Эскилик сарқитию, примитив тушунчалар. Қизил китобга киргану киришга улгурманган хайвонлар популяцияси қирилиб битяпти хамки шу қолоқ тушунчалар қирилмаяптиде.  "Махаллада дув-дув гап" фильмидаги "Битта қўй нима бўлади, ўнта қўй" дегандек, биттасини қўй калласи деб шууунча одамларни қўйдек кўриш натижаси нимаям берарди? Сени ичингдаги комплексинг ё машхурликка бўлган худбинлигингни қондириш ва овутиш  учун кўпчиликни овора қилганинг қолади холос.

Концерт хам ўтар, ўзингча тўйларга нархингни хам оширгандек бўларсан, аммо барибир хаммаси бир тийин.

Бу йилги концертлардан  очиқ айтсам,  Муниса Ризаеваники ёшлар орасида катта талаб ва қизиқиши натижасида ўтади. Гарчан мусиқа фонограмма бўлса-да, у жонли куйлайди, шуниси биланам қизиқ.

Зиёданики эса... Шу қизни очиғи тушунмайман гохо. Бир сўз билан қўйида келтирган видеоимданам тушунсангиз бўлади нимага уни ижодини тушунмаслигимни.

Болаликдан жонли куйлаб юрган қиз, машхурликка эришгач, фонограммада куйлаши камида ғалати.

Вахоланки болаликдан катта  сахна кўрган қиз. Куйлаш махорати хам яхши, истеъдодли хонанда. 

Лекин нима учун концерт хануз фонограмма?!

Зиёда билан концерт олдидан сухбат ўтказишга харакат қиламиз ва балки бу саволга хам жавоб топармиз.

Хозирча эса концертларга аталган мақоламга илова:

Зиёда болаликдан сахнадаги видео:

Ютубда томоша

Майтуб тасиксда томоша