Эътиборингизга 5-февраль кунги "ФАХРЛИ ИНСОН" лойихасидан деярли 27-минутлик видеохисоботни  тақдим этарканман унда сиз "Байрам" гурухи, Улуғбек Холиқов, Шухрат Йўлдошев ва хаттоки шоу-бизнес оламидаги ашаддий мухлис бўлган Сардор исмли боланинг хам жонли ижроларидан бахраманд бўлишингиз мумкин. 

Мазкур суратдаги   бу Сардор исмли йигитни шоу-бизнес фанати сифатида кўпчлик яхши танийди. Айниқса  хонандалар ва хусусан Сардор Рахимхонни қўшиқларини интернетдан кўчириб олингану устидан тўйларда оғиз қимирлатиб туришини хам. Райхон ва Муниса концертларида эса уларга тақлид қилиб рақсга тушишигача билишади. 

Ажойиб, ғаройиб бола. Акцияга иккинчи маротаба ташриф буюриб қон топшириши эса унга бўлган хурматни икки карра оширади. 

Лойиха давомида видеога гапирган гаплари жудаям қизиқ бўлди. Айниқса Муниса Ризаева унга нима учун хасад қилиши хақида))

Видеохисоботни ЮТУБдан томоша қилмоқ

Майтуб тасиксдан томоша қилмоқ 

Келаётган жума  4-март куни бўлиб лойиха давомланади. Бахор ойининг илк  муборак жума куни муборак ишлар билан шуғулланишда давом этамиз!

ЛОЙИХА ХАҚИДА билмаганлар учун:

МАЪЛУМОТ: “ФАХРЛИ ИНСОН” хайрия тадбири лейкемия билан оғриган болакайларга, хар ойнинг илк жумасида, кун давомида икки турда ўтадиган хайрия лойихамиздир; 

- 14:00-17-00 Қон марказида бемор болакайларга зарур қон топшириш акцияси ўтказилади. ПАСПОРТ   билан келиш шарт!  

Манзил: Тошкент шахри, Ш.Руставели кўчаси 138 уй манзилида кутамиз. Ориентир: Жанубий вокзал мостига етмасдан "ҚОН МАРКАЗИ". (+99894 695-21-21) 

- 17:00-19:00 Гематология институти қошидаги бемор болакайлар шифохонасида, кун давомида йиғилган ихтиёрий моддий хайрияга қимматбахо дориларни сотиб олиб, тарқатиш тадбири ўтказилади. 

Манзил: Тошкент шахри, Қатортол кўчаси 42а уй, ориентир: Қатортол "оптовик" олдидаги кичик чорраха олдидаги Халқ банки ёнидан кириб кетиладиган кўча. Гематология институти, Лейкоз билан оғриганлар шифохонаси. 

Хар бир қон топширган фахрли донорларимизга шу кунги мехмон артистларимиз “Фахрли инсон” браслетини тантанавор тарзда тақиб қўйишади.  Хар бир ихтиёрий моддий хайрия қилган хомийларга хам браслетлар шу тартибда тақиб қўйилади. 
 

-Қон топшириш бўйича маълумотлар: 

1. Қон топширмоқчи бўлсангиз тўқ келинг (жудаям тўқ эмас ва айниқса ёғлиқ овқат еб келманг)  ва паспортни унутманг! Қон топширишингиздан аввал сизни вазнингиз, қон босимингиз, гемоглабинингиз , хуллас организмингиз қон топшира оладими йўқми, шу ернинг ўзидаёқ шифокорлар текшириб кўришади. Организмингиз қон топширишга лаёқатли топилгандан кейингина, қон топшириш хонасига ўтишдан аввал фанфорум аъзолари ширинликлар билан яхшилаб сизни мехмон қилгач, қон топширасиз. 

2. Қон топширгач қонингиз группасини ўша захотиёқ билиб, истасангиз паспортингизга у маълумотларни ёздириш хуқуқи берилади. Шунингдек қонингиз ташхис жавобларини хам маълумотнома тарзида олишингиз мумкин бўлади. 

3. Қонингиз ва ёки организмингиз билан боғлиқ анализлар жавоби ва ёки касалликлар хеч кимга ОШКОР ЭТИЛМАЙДИ! Қон топшириб кетганингиздан кейингина, хамма қонлар тегишли стерилизациядан ўтиб, кейин бемор болакайларга қуйилади.  

4.Қон хар бир донордан шифокорлар назорати остида деярли 400 граммча олинади. Бугунга келиб нечи юзта ёшларимиз қон топширди, хаммаси соғ-омон, бир мартта қон топширганлар яна икки уч маротаба келиб, қайта топширганлар хам бўлди.  

-Моддий хайрия бўйича маълумотлар: 
1. Исталган миқдорда моддий хайрия қилиб, аноним тарзда қолиш хуқуқингиз бор.   

2. Барча қилинган хайрия пуллари гувохлар олдида саналиб, ўша ерни ўзидаёқ шу пулга, шифокорлар томонидан берилган, қийналган оилалар рўйхатига асосан , дорилар сотиб олиб, хар бир бемор болакай ва унинг онаси қўлига шахсан топширилади! Фотоисбот хисоботи сайтда чоп этилади.  

-Тадбирдаги ташкилий ишларда ёрдам иштироки бўйича маълумотлар: 
-Қон топшириш ва моддий хайрияга имкон бўлмай, бемор болакайларга ширинлик топшириш истагида бўлганлар: шифокорлар болакайларга , ширинликлардан фақат печение мумкинлигини маълум қилишади. 

-Қон топшириш ёки хайрия қилиш имконингиз бўлмаса, ва шу тадбирда қўлдан келганча хизматда бўлишни истаганлар учун хамиша хурсандмиз. Шу куни артистларни кутиб олиш, қон топшираётганларга ширинлик ва сув билан таъминлаш, тадбир ўтаётган жойни безаш каби хизматлар бўлади, бемалол келиб иштирок этишингиз мумкин. 

Фарқи йўқ ким ва қанча, асосийси хаммамиз бир ниятда харакат қиляпмиз: Яхшилик учун, соғлом болалик учун...ЯШАМОҚ учун!  

4-март "Фахрли инсон" хайрия тарғибот лойихасида учрашгунча!

Батафсил  +99894 695-21-21