Озоданинг "УзСтар" лойихаси Тошкент ва Тошкент вилояти учун  кастинги 10-декабрь куни бўлиб ўтди. 

Бу сафар хайъат аъзолари орасидан "Сато" гурухи солисти, махоратли созанда ва устоз санъаткор Ўзбекистонда хизмат кўрсатган артист  Тоир Қўзиев жой олдилар

Бу сафар хам истеъдодларни кўплиги яхши маънода хайратлантирди. Очиғи шу кунги ўз иқтидорини намоён қилиб ижроси ва овози билан лол қолдирган    ёшлардан   бир донасини айни дамда сахнада бўлган аксарият рейтингдаги хонандаларга бемалол алишворган бўлардим. 

6 ёшдан 60 ёшгача дея берилган эълон бу сафар хам иқтидори ёшда  чегара билмас истеъдодларни кастингга чорлабди. Олдинги сафар 57 ёшли опа қатнашган бўлсалар, бу сафар 10 ва 40 ёшлилар хам иштирок этишди. 

Фақатгина бир холат мани ажаблантирди ва шу куни уларни ўзларига буни айтдим хам. Негадир санъатга алоқадор институтда чолғу асбобларида ижро қилишдек созандаликка ўқиётган ёшлар хонанда бўлишга ошиқмоқда. Унда созандаликни ким қилади?

Сахнага чиққан ёшларни кўпи  куйлаш билан биргаликда ўзлари ўрганиб чаладиган чолғу асбобда ижро қилиши қувонтирди. 

Шу суратдаги ўртадаги иштирокчига 40 ёш бера оласизми?)

Кастингдан кейинги босқичга ўтганларга махсус карточка берилди. 

"УзСтар" лойихаси бошловчиси доимгидек актриса Луиза Расулова. 

Озоданинг "УзСтар" лойихаси эндиликда вилоятларга чиқади. Биринчи бўлиб қайси вилоятга хайъат аъзолари йўл олиши хақида сайтда ёзамиз. Кузатиб боринг, энг қизиғи олдинда!

Суратлар муаллифлари Машраб Қодирбеков ва Салохиддин