"Дедеман"га таклиф қилиниб у ерда Юлдуз Ибрагимовна, Сардор Рахимхон ва Шоира Отабековалар бўлишини билганимизда ташкиллаш-тирувчи ким эканлиги сир сақланган эди.
Бу янги йил шоуси хақида илк хабар берганимиздан Юлдуз Ибрагимовна келмайди деб хабар тарқатганлар хам бўлди. Лекин мана хисобот билан бўлишамиз. Хаммаси кутилмаган ва кўтаринки кайфиятда ўтди.
Сардор хам келди, Юлдуз хам ўз файзи билан келиб порлади.

Кечани сабабчиси эса, жим туриб бир портлатган, эски йилни шоу билан якунлаб, янги йилни хам шоу билан бошлай олган Шоира Отабекова бўлди!

31 декабрь «Дедеман» меҳмонхонасида бўлиб ўтган "Янги йил оқшоми”

ШОИРА-ШОУдан репортаж

 "Дедеман” меҳмонхонаси залига кириб келганимизда, зал байрамона руҳда безатилган, столлар тузалган, атроф меҳмонлар билан гавжум эди. Лекин, ҳали байрам оқшоми бошланмаган ва келган меҳмонлар столлар атрофидан таклифномада белгиланган жойларига ўтиришаётган эди.

Столларда хар бир ўриндиқда мехмонлар учун "Алоказай” савдо белгисидан "брелок”лар совға сифатида қўйилганди.

            Байрам оқшоми белгиланган вақтидан кўра, бироз кечроқ бошланди. Кечани "Zbek” рок гуруҳи очиб берди. Улар тарафидан бир неча қўшиқлар ижро қилингач, хонанда Шоира Отабекова саҳнага таклиф қилинди.

Хонанда барчани Янги йил байрами билан табриклади. Шоира Отабекованинг қўшиқларига ҳамма рақсга тушди.

            Шундан сўнг, оқшом олиб борувчиси Александр Гоян томонидан, энг яхши "Янги йил табриги” учун танлов ўтказилди. Танлов ғолибларига, махсус конвертлар топширилди.

Сўнг, саҳнага хонанда Сардор Раҳимхон таклиф қилинди. Сардор Раҳимхоннинг қўшиғида ҳам меҳмонлар томонидан рақслар авжига чиқди. Кутилмаганда техник носозлик бўлиб, мусиқа ўчиб қолди. Лекин, тезда бу камчилик тўғриланди. Сардор Раҳимхон ўз қўшиқларини давом эттирди. Яна рақслар давом этди.

            Сардор Раҳимхон (кулиб, самимий): - Мен аслида бу байрам оқшомини ким ташкиллаш-тирганлигини билмайман, бехабарман. Балки чиндан ҳам сирли инсондир? Байрамга кўпчилик томонидан таклиф қилиндим. Менимча, байрам оқшоми энди бошланди! Ўйлайманки, ҳаммаси олдинда! Байрам оқшоми зўр ўтмоқда. Янги йил олдидан, мана шу пайтларда ҳаммани қалбидан энг яхши ҳислар ўтса керак! Ҳозир ҳамма бир-бирига, телефон орқали ҳам покиза, самимий тилаклар билдиришмоқда. Чунки, мана ҳозирги дастурхон олдидаги тилаклар, янги йил олди ниятларга етадигани йўқ! (кулиб) Барчага тилакларим, йил давомида ҳозирги покизалик, самимийлик уларни ҳеч қачон тарк этмасин! Байрам муборак бўлсин!

            Байрам оқшомини яна бир ёш Азамат   деган хонанда давом эттирди. Сўнг, бир неча хорижий қўшиқлар қўйилди.

Соат миллари 24.00 га бонг урганида, ҳамма биргаликда қувонч билан Янги йилни кутиб олдик. Ҳамма бир-бирини Янги йил билан табриклаб, тилаклар билдирдилар.

Яна хорижий қўшиқлар қўйилди. Ҳамма берилиб рақсга тушди.

Бир пайт бир йигит ўртага бошқа йигитни ўтқазиб, икки қўлидаги бутилкани синдирганида, тамом, сўяди  энди деб ўйладим. Мехмонлар бир зумда "трезвый" холатга келиб дарров ўринларидан туриб уни ўраб олишди. Янги йилга африкаликларнинг магик ВУДУ маросимини ўтказиб шўрлик болани сўйиб қурбонлик келтирмоқчи деб ўйлашди-да.

Йўқ, Худога шукур, аянчли эмас,  у йигитни сочларини сўйди))

            Миржалил исмли бу стилист тасаввур қилинг шиша синиқлари ёрдамида бир йигитни сочини кесиб, фасонга солиб, ўз маҳоратини намойиш этди. Бу барчани эътиборини тортди ва қўл телефонларига суратларга олишди.

            Байрам оқшоми ҳомийлари томонидан даврадаги ёш болалар учун, янги йил табриги танлови уюштирилди. Болалар янги йил табрикларини айта бошладилар. Биринчи бўлиб, Хондамир исмли бола ҳаммани табриклади. Унга ҳомийлар томонидан совға берилди. Сўнг, бошқа болалар ҳам, янги йил табриклари айтдилар ва уларга ҳам совғалар улашилди.

Кейин, Мубина исмли қизалоқ қўшиқ ижро этди.

Шоиранинг Шахина исмли қизалоғи хам сахнада онаси билан микрофонни талашиб нихоят қўшиқ куйлашга эришди. Ана ген дегани. Иқтидор болаликдан қонда жунбуш урмоқда.

            Кечага Юлдуз Ибрагимовна кириб келганида, ҳамма ниҳоятда қувониб, примадоннани ўраб олишди.

Юлдуз Ибрагимовна бир неча қўшиқлар ижро этиб, берилиб рақсга тушди. Ҳамма қувониб, примадонна билан суратларга тушишди.

            Юлдуз Ибрагимовна оқшомни тарк этгач, яна хорижий қўшиқлар давом этди.

Шоира Отабекова ҳам яна қўшиқлар ижро этди. Бу орада бу "Янги йил оқшоми”ни ташкиллаштирган ҳомий Шоира Отабекова эканлиги ҳам маълум бўлди. Бу оқшом  хонанданинг мухлисларига кутилмаган сюрпризи экан.

Cўнг, доира садолари остида ҳамма рақсга туша бошлади. Кутилмаганда, рақсга тушаётганлардан биттаси, пул сочиб юборди ва ёш болалар ўша сочилган пулларни териб олишди.

            Болакайлар тўйда хам, базмда хам барибир болакай-да))). Шоу хам ўзиям тўйдек бўлиб кетди. Болакайларнинг дарди пул талашиш))) Созанда тўйлардаги пул терувчиларнинг пул талашишини эслаб юборди чоғи роса кулди)).

Байрам шукухи хатто жиддий юз билан хизматда бўлган официантларга хам таъсирини кўрсата бошлаб, улар хам ҳам бенгал чўпларини ёқиб, байрамни нишонлашга тушиб кетишди.

 Мусиқа ва ўйин-кулги авжига чиқди.

Биз уйга тонгги  соат 5ларда қайтаётган вақтимизда, кеча ҳали ҳам давом этаётган ва кўча эса оппоқ қорга эмас, туманга бурканган, йўллар кўринмас эди.

Феруза Фаттохова

Саида Вахобова

БАРЧА СУРАТЛАРНИ ТОМОША ҚИЛМОҚ