-"Менинг ижодимдаги йиллар мобайнида олинаётган илк  клипдек бўляпти ўзиям (кулади)"

Мана шу мисраларни сиз хонанда Шахзодадан унинг янги "Қора кўзларинг" қўшиғи хақида билиб олишингиз мумкин. Гарчан кулиб гапирсада Шахзоданинг асаблари бу клип билан толиқмоқда. Сюжет мураккаб сахналарга бой бўлганлиги сабабли суратга олиш ишлари чўзилиб кўп объектларда олинмоқда.

Шундоқ хам Ўзбекистон шоу-бизнесида хизмат кўрсатган АСАБМЕЙКЕР номига лойиқ Ёдгор Носировнинг эса бундан асабларига ғазаб аралаш фарёд штамплари қўйилмоқда.
Яқин орада кўзига кўринманг, хамма нарса учган, ёнган, чўкган ва хоказо. Унинг асабларига эса саундтрек сифатида эса ажойиб цензурнавис сўзлар тараннум айламоқда.

-Матчанова Шахзода эса айнан шу клипда бош рольда бўлгани сабабли Азизжон Раметовдан юзлари ила баданларига нақшинкор кўкимтир штамплар безалгани етмаганидек собиқ АСР гурухининг "Не кунларни кўрмадим" қўшиғи нолалари хамрох бўлмоқда. Унга қўшнаво сифатида эса албатта Асабмейкеримизнинг мураккаб адабий атамалардан таркиб топган тароналари жўр бўлмоқда.

-Хозиргина соат 8-00да Юлдуз Ибрагимовнанинг паспортига яна бир штамп босилди! Йўқ, турмушга чиқмадилар, эрталабдан а? Хоним Ибрагимовнанинг паспортларига аэропортдан чиқиш ва Туркияга кириш штамплари босилмоқда холос. Айнан бугунги "Кундалик шоу"нинг Юлдуз Ибрагимовна билан ёзилган 7-сонида Мустақиллигимизнинг 20 йиллик тантанасида у кўриниши хақидаги миш-мишларга жавоб берди. Ўзи хам билмас экан, хамма нарса бўлиши мумкин!-деди. Демак интрига айни ўша кунгача давом этади.

Кундалик шоунинг бу сони тантанадан кейин чиқишини инобатга олган холда бу жавобни хозир ошкор қилишга мажбур бўлдик. Туркияга учган хоним "Белли” қўшиғига клип суратга олиш, янги туркча "Бир шанс вер” ва тожик тилидаги альбоми устида ишлаб, Сердар Ўртач билан дуэтига клип суратга олиш устида иш бошлайди.

-Жахонгир Отажонов билан бўлган "Джуманджи” сони сайтга хали бери қўйилмайди. Қўйилиши хам даргумонроқмикан? Нега десангиз Джуманджи дастури тарихида хозирча энг сенсацион ва энг жанжалли  айнан шу сони эфирга чиққан куни катта шов-шув ва бир қанча тўполончалар ва норозиликлар бўлиб ўтди. Асли хали эфир бўлмасданоқ трейлер сайтга қўйилганидан бошланганди, лекин эфир куни кутилмаган қўнғироқ ва "вайдот”лар бўлди.  

Жахонгир тарафдан бир қанча хонандаларга қўйилган штамплар ва уларга норозиликлар борасида Юлдуз Ибрагимовна хам фикр деб номланган штампни босдилар!

Уни хам Кундалик шоунинг 7 қисмида томоша қиласиз. Хозирча бу сонни сайт версиясидан ё илтимос қилинган нарсаларни олиш керак ё умуман сайтга бу сон қўйилмаслиги керак.

Жахонгирни ўзи хам баъзи бир жойларини олишни сўраган. Албатта кўп нарсалар ошкора қилинмайдиган илтимослар эди, хаммани айтиш шартмас, лекин бу хаммаси инобатга олинса дастур тушунарсиз холатда сайтга қўйилишга тўғри келади.

Узуқ юлуқ қўйгандан кўра қўйилмайди холос. Пайшанба кунгача дастурнинг бу сони сайтга қўйилмаса, узр, демак эшитган эшитди. Унгача кенгаш билан хал қиламиз.

-Озода Саидзодадан кутилмаган ижодий янгилик! Мустиақилликнинг 20 йиллик юбилейига аталган ижод намунаси борлиги ва уни тайёрлаётгани, тантана куни ё кимлардир куйлаб чиқиши ва ёки ўзи ижро қилиши хақида иккиламчи жавоб берди. Жилмайибгина бир нарсани яширишга уринган хонанда бирқанча гап-сўзларга ижодий штамп билан хайратланишга чоғланмоқда шекил? Балки уни хам тантанада кўриб қолармиз? Бу интрига хам тантана кунигача ЖУМБОҚ номли юмалоқ штамп остида!

-14 август куни Sayyod.com, Sayyod.uz 4 ёшни қаршилайди!  

АСЛИДА:

Ижодий сахифа билан  народ сайтидан бошланган сайт 2004 йил мартда очилган, Журналистикага боғлиқ вебблог ва sedil.narod.ru эса 1 ноябрь 2007 йил очилган,

Sayyod.com номи билан якуний вордпрессда очилган сайт  1 февраль 2008 йил очилган

Кейинчалик uz.sayyod.com (хозирда таъмирланишда)  сайтига "переадресация" тарзида ишлади.  uz.sayyod.com  ташриф буюрувчилар сони ортгани сабабли негадир босимни кўтара олмади ва таъмирлаш ишларига ёпилди.

Юкоз системаси а вақтинчалик  20 октябрь 2010 йил sayyod.ucoz.org манзилига "переадресация” қилинган холда  фаолият давомланди, афсуски таъмирлаш ишлари чўзилгани ва бу манзилда файллар кўпайгани боис эски uz.sayyod.com сайти шунчаки архив сифатида қолди, лекин хануз таъмирланишда))

Иккинчи ўзбекона ном  sayyod.uzни  25 май 2010 йил олганимиз боис у хам шу манзилга "переадресация” тарзида турди.

2011 йилдан Sayyod.com  "переадресация”си  Sayyod.uz мана шу манзилга ўрнашди. Лекин сайтимиз хануз номи Sayyod.com ! Икки манзил хам бир ерда!

Батафсил маълумот бу ерда

Кўриб турганингиздек саналар турфа. Яширмайман, гарчан нокамтарона кўринса хам тўғрисини айтаман, ўртача сонни яъни Sayyod.com муаллифи камина туғулган кунига сайт кунини хам қўйишни лозим топдим))) Йилларга келсак 2007 йил август ойидан журналистик фаолият бошланган, илк юлдузли расмий интервью "Даракчи" газетасида 2007 йил 20-сентябрь куни чоп этилган.

Шунинг учун сайт 4 ёшда бўлади.

Хикоя, шеър ва монологлар яъни шунчаки хобби ижодий сахифаларга эса 7 йил тўларкан!))

14 август кунига  хеч қандай тадбир ёки дабдабали концерт режалаштирмадик. Шартмас. Балки хозирча)))

Биз хали кичкинамиз, бу дегани хали хаммаси олдинда!