“Тарона”даги мухит сабабми ё бошқа, Шахзода  ўзига алохида “Интермедиа” очгани маълум бўлди.  Лола хам алохида ўзига студия очаётганидан хабардормиз. Шахзоданики "Дархон"даги “Studio” кафеси подволида бўлса, Лоланики Чехова кўчасида экан.

Гапирса гап кўпу аммо у нарсалар ички ўзгармас (оилавий) муаммолар ва уларни ўзига боғлиқ. Вахоланки шундоғам хаммага тушунарли холат. Худди бир қозонда икки  қўйни калласи қайнамайди мақоли каби.  Иккисини хам айблаш мумкинмас, аммо оилавий шароит натижасида охир оқибат бошқалар хам азият чекаётгани   ёки  шундай бўлиши мумкинлигидан кафолатилмаган вазият.  Балки шу сабаб  исталмаган бўлсада касб тақозо этган учрашув чоррахаларига айро йўл қўйиш қарорига келингандир.  Фикримча бу энг яхши қарор.  Фақат талаш бўлган “Тарона”да  энди ким қолар экан ?

Бу орада Лолага қаттиқ вафоси билан таниш маъмури   Лёлик ( асл исми Лола, аммо шоу-бизнесда уни Лёлик деб хам аташади, мақолада хонанда Лола билан адашиб кетмаслиги учун уни Лёлик деб давомлаймиз) ундан кетгани ва Мунисанинг реклама бўйича маъмури бўлгани аниқ бўлди.  Бу хақида уни ўзи маълум қилди. Фурсатдан фойдаланиб савол билан мурожаат қилдим.

Sayyod:  Албатта Лолани лицензияси йўқда, сиз эса ишлашингиз керак, тушунамиз. Бошқа тарафдан Лолага оғир пайтда кетиш...унга одамни рахми келади.

Лола (Лёлик): -Мени эмоциямни чиқарманг илтимос. Буни  мухокама қилмайман.  Лола билан муносабатимиз яхши ва бу мавзу  фақат бизга таалуқли.

Бир вақтлар афсонавий “Сетора” гурухига маъмурлик қилган Лёлик  “Тарона” офисидаги ички мухит сабаб шоу-бизнесни тарк этганини айтишади. Икки хонанда орасидаги  интригаси қурбони бўлган дейишади. Икки тараф орасида қолиш мушкул...барибир орада қолган айбланади.

Балки аслида икки ўзанни ушлайман деганни ўзида айб бўлар? Қайдам.  Шу оддий маъмурликда хам гап кўп, қаранг. Воқеаларию сабабчи бўлган холатлари хам.  Биргина шу маъмур билан боғлиқ воқеалар ривожидан хам китоб ёзса бўлади, Азиза (Жоним) билан маъмур бўлишганию, гўёки рахбарни қасам билан  алдашгани...кетишгани ва ёки хайдалишгани...хуллас сериал.

Вақт ўтиб Лёлик ўзини бизнесга уради,  кафеси бўларди адашмасам.  “Точка вкуса”.  Бироқ унда у ўзини топа олмагандек.

Бу вақтда “Тарона”даги Даврон  билан Лола  концерт жараёнида уришиб қолгач, Даврон у билан бошқа ишлашга кўнмайди ва янаги концертида Лола ёрдамчисиз қолади.    Ўша пайтлар хореограф  Круглова Татьяна    Лёликни  артистларга  маъмурликка таклиф қилаётган пайти эди.     Шу тариқа у Лолага маъмур бўлади. Бироқ ундан аввал Шоира Отабекова билан ишлайман деб келишганини Шоира айтганди. Негадир танлов Лолага бўлган. Бир тарафдан тушунарли танлов.  

Узоқ муддат бирга ишлаган ва шоу-бизнес оламида энг аъло маъмур сифатида ўзини танита олган Лёликни Лолага бўлган бошқача бир вафосини билардик.  Лола хақида ўз сахифасида хабарларида хам алохида хонанда Лола деб эмас БИЗ дея барча ютуқ ва холатларни бахам кўриб ёзарди.  Тасдиқланмаган “ғий” даражасидаги хабарларга кўра у яна икки хонанда орасидаги интрига қурбони бўлганмиш.  Бир жойда икки олов турганида атрофдаги деярли хамма куйиб кетаверади...лекин бу хабар аниқмас.  Ораларида шу қадар нима ўтганини билмадиму аммо яхши маъмур хечқачон ишсиз қолмайди деганларидек мана Мунисага ёлчиди.  Яхши кетаётган хонанда хам маъмурсиз қолмайди. Балки яхшироқ кетаёган хонанда деймизми.

Лёлик шахсига батафсилроқ тўхталганимиз бежизмас, чунки у ўзбек шоу-бизнесида анчадан бери ишлаб қўйган ва кўпгина воқеаларга гувоху...калити хамдир. Лекин энг асосийси ўз ишини профиси. Рости хам шунча хонандалар маъмури билан ишлаган бўлсам Лёликни ўз ишини пухта, вақтида, “грамотно” ва керак бўлса интригаю рекламаси билан қойиллатишини биламан. Омма билан ишлашу турли музокараларга ёндошуви хам ўта силлиқ ва  мохирона.

Ўзи яхши маъмур яхшигина айёр бўлмаса хам бўлмайди. Чунки бу иш шуни тақозо этади. Бошқачасига илож йўқ. Афсуски кўп холларда мана шу касбга керакли бўлган асосий айёрлик хам  айнан маъмурни бошида синадиган калтакка сабаб хам бўлади. 

Шундай қилиб,  Мунисада   энди нақ икки маъмур. Бир неча бора келиб кетгувчи "Гранд" радиоси бошловчиси Иброхим ва мана Лола Ибрагимова (Лёлик)

Хонанда Лолага эса хореограф Наримон маъмур бўлди.  Аввал у Ягонанинг маъмури бўлганди, кейин Мунисани атрофида хам  айланиб па қилиб юргандию энди Лолада тўхтагандек.     Ундаям гап кўпу...майли хали бордир унга тўхталиш.)

Умуман олганда хонандаларнинг маъмурлари ўзаро алишиб туришлари бу янгилик эмас.

Масалан Манзуранинг маъмури Шербек хозир Райхонда.

Райхонни маъмури Фатхуддин Сардор Миланода.

Гулсанамни Саид акалари Гуласалда.

Шохруххонни маъмури  Тохир аввал  Нилуфарда ва кейин хозир Тамила, Амира ва Ягонада.

Шерзодбекни Асрор акаси аввал Мунисада кейин хозир Ботир Қодировда.

Жасур Умировни маъмури  Абдурасул  аввал Юлдуз Низомова , Муниса ва энди Ботир Қодировда. 

Фақатгина бир маъмур ўз хонандасига бу тарафлама “содиқ” қолган, ва уям бўлса Мунисни биринчи маъмури Жахонгир. Чунки у халиям “побегда”)

Юқоридан маълумотлар расман деб қабул қилинмаслиги сўралади зеро барчаси тасдиқланмаган ва шоу-бизнесдаги турфа хил вакиллар ўз версияларини айтишгани билан ТАХМИН  сифатида келтирилди холос!