"ЗўрТв"да Озодани  концертидан "Гўзал кечаларда" қўшиғидан парчани  кўрган томошабин борки санъатдаги яна бир ғалабага қувонган бўлса ажаб эмас. Унинг ашаддий мухлисларинику айтмаса хам бўлади.

Санъатдаги ғалаба деганим бу табиийки ижодкорнинг ижодига бўлган тақиқнинг қайсидир жихатида адолатсизлик мавжуд бўлгани хамда бу бартараф этилаётгани билан боғлиқ. 

Ўша фикрларимга содиқман ва айбию хатоси бўлган санъаткорни халқдан ижодини айириш нотўғри, унга жарима қўллаб ёки жуда бир эплаб бўлмаса кенг оммага интервью ва сўз билан чиқишларини чеклаб  "тилига запрет" қўйиш керак деб хисоблайман.

Санъатдаги "запрет" тушунчалари сўнгги пайтлар "сина" бошлагач табиийки санъатга шинаванда халқу мухлисларнинг хам янги рахбар ва унинг янги таркибига хурмат хиссини яна бир бора ошираётгани сир эмас. Бироқ, очиғини айтиш керак Озода билан боғлиқ холатда уни сахнага қайтишига катта шубха билан қаралгани айрим маълум бир (балки ўзаро, балки хато ва балки адашган) шахсий вазиятларга бориб тақалганди. Аммо кутилган мардлик онлари яна бир тантанани хис эттирди.

Озодани табриклаб эфирларда янги тароналару унга ишланган клипларни кутиб қоламиз. Мухлисларнинг қалби дардли нолалар қироличасининг қалблар билан дардлашувию оловли қўшиқларини соғингани сир эмас.

Ха  айтганча, хонанда Феруза Жуманиёзова хам лицензия олганидан хабардормисиз?

Эфирларни кузатамиз ва унинг хам шундай қайтишига умидвормиз.