Журъат исмли (Жаноб Жадид никли) йигит Муниса Ризаеванинг "Ёрим" клипидан сайтимиз ФанФорумига стоп кадр жойлаган ва унда Мунисани ерда ётгани сурати тепасида "Озодбек Назарбеков энди қўшиқ куйламасин!" деган ёзув аниқ кўриниб турибди.

Буни топган одамниям қаранг-да, келиб-келиб сайтимизга бириктирилган фанфорум аъзоси айнан шу фанфорумни "Кун сурати" бўлимига жойлаган. Ўхшатмасдан учратмас деганларидек, фанфорумимиз аъзолариниям кўзлари ўткир, нишонниям аниқ олишадией)  

Ишонмай клипни атай яхшилаб томоша қилганимда бу лавха ярим секунддан хам кам муддатда тез ўтиб кетган, аммо тўхтатиб қаралганида   02:26 дан 02:27 гача бўлган оралиқда рости хам шундай ёзув бор.

Ишонмасангиз текшириб кўринг: Видеога манбаа ютуб

 Бизни сайтимиз жойлаган манбаага ишонмасангиз бошқа ердан олинган шу клипни шу вақт оралиғига эътибор қаратинг.  

Муниса Ризаева:- Ғалати...мен ўзим хам ахамият бермабман. Яна келиб-келиб Озод ака хақида шунақа нарса ... Ман хайратдаман. Наримон Султонхўжаев клип режиссери ундан сўраш керак, балки  монтажда бўлганми, билмасам. Умуман олганда, менимча жуда бир жиддий ва ахамиятга молик нарса бўлмаса  керак.

Наримон Султонхўжаев:-Агар ростдан клипда шундай жойи бўлса, демак журналда шундай сарлавха бор бўлган. Эшитишим бўйича шунақа сарлавхаси бор журнал чиққан экан, клип съемкаси вақтида журналнинг дуч келган бетини очиб, "мана ушла, кейин монтажда расмингни қўйиб юборамиз" деб айтилган. Монтажда расм қўйилган ва бу нарсага эътибор берилмаган. Агар ростан клипимизда шундай жойи бўлган бўлса, бизга билинмаган, агар кимдир графикада қўймаган бўлса. Бундай нарса клипда бўлганида, монтаж вақтида "Олиб ташлаш керак барибир" деб этиларди. Шунга мен хам хайрон қолдим.

Ман ўйлашим бўйича, бу иш графистларга тегишли, улар ўзи қўйгандир балки. Ўзим клипни неччи мартта кўрган бўлсам, бундан жойига хеч эътибор бермаган эканман. Манда оригинали борку клипни, эътибор бериб қайта кўраман. Лекин бу нарса хазил ёки прикол қилинмаган. У ердаги журналда ростдан шундай сарлавха чиққан бўлса, ўша варроғи очилиб қолган. Мен учун хам янгилик бўлди, расмни ўзим кўриб хайрон қолдим. Хаёлимга келгани, балки қайсидир графистлар хазиллашиб шундай қўйишган шекил деб ўйладим. 

Майли, рости хам унақа бир муаммо йўғам, прикол клипдаги прикол ёзув холос.

Балки Наримон айтганидек, у-бу газета ва журналдаги ёзувдир, хааа қайсидир бир Озодбекни кўролмаганлардан бири интервью бергандир-да, шўрлик камтар ва камсуқумгина Озодбекни ўзи хамма кўролмайдику, бизам кўролмаймиз (бир умр ашула этишни орзу қилгандек), 3 ой реклама қилиб 200тагина чипта сота олган Термизлик тадбиркорам кўролмаса керак, чипталарни сотиб олишни истамаган қолган одамлар хам кўролмайди чоғи)))

Бечараей... Танқидлар остида сарсон... Сарсон? Айтганча, Озодбекни   "Сарсон" қўшиғидан кейин бирорта  қўшиғи хит бўлдими? Оммалашгани бор аммо хити хозирча йўқ.

Мусахон ака  хам кўролмай қолганмикин?))

Бир ёқламалик бўлмасин-да ва Озодбекни сўнгги янгиликлариданам бохабар этсак:

У гастроль мавсумида шахарларо сарсон:

6-сентябрь куни соат 7 ПиЭм (19:00 дегани) Нью Йоркдаги "Милленниум" залида  концерт беради.

Батафсил маълумотни баннерда кўрсатилган телефон рақамлари орқали олишингиз мумкин бўлади. 

Ааатттрофингда кимлар Озооод?!)))))))