"Марди майдон" жонли ижро фестивали 25 июнь 2013й соат 16:00да Консерваторияда бўлиб ўтди.  Кун жудаям иссиқ ва ичкарида хозир жудаям дим бўлса керак деб кирганимизда, томоша зали бизни муздек хаво билан утиб олди.

Шарт шароит аъло даражада.

 Шу кунги мехмон санъаткорлар Абдурашид Йўлдошев ва Дилноза Исияминовалар бўлиб, Дилноза дастурни якунлади. 

Абдурашид Йўлдошевдан шахсан мен кутган жонли ижрони тингламадим. 

Бу Абдурашид ёмон куйлади деганиммас, шунчаки эфирдан тингланган унинг қўшиқларидан, шу бугун жонли ижрода жаранглатиб, махорати билан титратиб юборса керак деб ўйлардим. Балки мусиқа баланд эди, ё  омадсиз танланган қўшиқ, билмадим. 

Дилноза Исмияминова эса аксинча, илк ноталардаёқ томошабинлар диққатини шартта эгаллади деса хам бўлади. Жарангдор овоз ва дадил махорат.

Шу кунги иштирокчилардан диққатимни тортганларга тўхталиб, шахсий хит-парадимни кўрсатиб ўтсам:

 Жаъфарбек Мадаминовга шу кунги дастурнинг биринчи ўрнини берган бўлардим, зеро Фаттоххон Мамадалиевнинг "Топмадим" қўшиғи "катта" қўшиқлар сирасига кириб, уни унча-бунча таниқли санъаткорлар хам куйлашга ботина олмаса керак. Жаъфарбек бу қўшиқда куйлаш махоратини ярқ этиб кўрсата олди. Мазкур таронани куйлаш учун шунчаки техника ва махорат тушунчалари камлик қилишини инобатга олсак, дард билан хам куйланганликни хам эътироф этиб ўтиш жоиз. 

 Иккинчи ўринни евростандарт Азиза Мухамедовага берган бўлардим, зеро ундаги куйлаш махоратидан яна харизма хам сезиларли даражада етарли эканлиги кўриниб турибди. Бу эса артистнинг жуда бир мухим бўлмаса хам, лекин катта ютуққа элитувчи хислатларидан бири деса муболаға бўлмайди. 

 Учинчи  ўринни Наврўзахон Аббосовага берган бўлардим. Лекин унга куйлашдаги пластика етишмагандек. Кейин фақат авжларидаги сўзларни ажрата олдим. Агарда куйлаш махорати билан бирга харизмаси хам бўлганида, балки иккинчи ўринга муносиб топардим. 

 

 Иброхим Мамадалиевнинг "Сайдинг қўябер Сайёд" қўшиғини юқори бахолашимга унинг микрофонни "севиши" халал берди. Унга микрофонни нарироқ тутиб куйлашни маслахат бераман, айниқса авж пардаларида. Залдан овоз жуда ёқимсиз эштилди. Овоз мусиқа устидан "пронзительный" тарзда қулоқни қоматга келтириши эмас,  у "проникающий" бўлиши керак деб хисоблайман.  Кейин асосий куч  бурунга эмас, томоққа берилса супер бўларди.  Хуллас томоқни кенгроқ олиб, микрофондан сал чекинамиз Иброхимбек, шунда Сайёд ўлжаси, керак бўлса, Сайёра тарзида сизники! Хозирча  тўртинчи ўринга муносиб топтим. 

 Рашшод Аъзамовга эса бешинчи ўринни беришим боиси, юқоридагилардан ташқари, бошқа шу кунги яна иштирок этганлардан нисбатан яхшироқ куйлагани билан боғлайман холос.  Просто яхши куйлади холос... Томошабин ва тинловчи сифатида менга хеч қандай таъсир ўтказа олмадию, лекин юқорида  айтилганлардан ташқаридаги бошқа хонандалардан яхшироқ куйлади назаримда. 

 Шунингдек  шу куни Ойбек Мирзаев, Муқаддас Жўраева, Искандар Бахтиёров,

 Фахриддин Дархонбоев ва  Акмал Ибодовлар хам куйлашди. 

"Марди майдон" жонли ижро фестивалига келаётган ва иштирок этишни истаган бошқа хонандаларга бир нарсани эслатмоқчийдим. Аввало санъатда махорат ва иқтидор бирламчи бўлиши керак, иштирок ва унга ёрдамчи мавзу эмас.

Ватан ва Ўзбекистон хақидаги ватанпарварлик рухиятидаги қўшиқлар, кириш учун йўлланма сифатида фойдаланилади деган тушунча хато. Аввало бундай қўшиқлар катта маъсулиятни талаб этади, агар ватанпарварлик рухиятида куйланмай, тингловчини таъсирлантира олмас экан, менимча бундай катта юкни ўз зиммасига олмаслик керак.

Дилдан ва росмана куйланадиган қўшиқлардан, тобора ёшлар шунчаки гувохнома кўрсатилгандек фойдаланишга харакат қилишаётгандек туюлади менга. Бу нотўғри, зеро сахнага ўтказадигани бошқа инсон, тинглаб турадигани катта аудиториядаги  халқ! Унга эса шунчаки мавзуни кўтариб чиқиш жудаям камлик қилади...жудаям!

 Дастур мехмони маданият ва спорт вазири миллатимизни мусиқий тарихидан қизиқ бир малумот келтирди. 

Ана энди шу кунги "Ўзбекнаво" ва хусусан Азамат Хайдаров билан боғлиқ кутилмаган холатларга тўхталаман.

"Ўзбекнаво" эстрада бирлашмаси ғояси асосида ўтказилаётган мазкур жонли ижро фестивали учун, шу бугун, шунчаки мақтов камлик қилишини тушуниб етдим .

Санъатни расмий инсони сифатида айнан Азамат Хайдаров танлангани бежиз эмаслигини англадим. 

Биласизми, хеч қандай расмий ташкилотнинг расмий ишчиси эмасман ва Ўзбекнавога хам хеч қандай расмий боғлиқлик тарафим йўқ. Пахтакорлик ва лаганбардорликни эса жиним суймайди биласизлар, лекин керак жойда хамиша тан олинадиган нарсани лойиқ ва муносиб тарзда эълон қилиш шарт!  

Бу сафарги концертда Азамат Хайдаровни четдан кузатиш учун қулай ракурсда ўтириб қолганим боис, сахнага чиқаётган хар бир хонандага имо-ишоралар билан қўллаб қувватлаётгани, уларни ўзларини дадил тутиб хаяжонланмасликлари учун "зўр" белгисини бармоғи билан кўрсатиши, улар куйлаётганида диққат билан кузатиб, баландроқ ёки шижоатлироқ куйла деган ишоралар қилиб тургани, уларнинг хатоларида худди гол урилмаган холатидаги фанатлар каби асабийлашишини кузатиш менга жуда қизиқ кечди. 

Умуман дастур бошиданоқ хар бир иштирокчи билан баравар хаяжонланаётганини сезиш қийинмасди.

Нима учун анонсда рахбариятдан кутмагандим дедим?

Директорман, мана санларга концерт деб бир четдан кузатиб, ё бўлмаса умуман келмаса хам ким нима дерди? Бу лойхани маъсулиятини шу қадар сезяптики, худди хар бир иштирокчи унинг фарзанди ва унга "болеть" қилгани келгандек ўзини тутяпти тушуняпсизми. Халиги мактабда директорлар олдида ўқитувчилар ўз синф сахна кўринишларини тақдим этишадику, мана шундай тарзда бўлди. У аввало халқ олдида мазкур лойихани маъсулиятини хис қилиб турибди.

Мана шу холатларни кузатиб, унга чин дилдан ХУРМАТ изхор этаман. Санъатга дархақиқат фидоий ва маъсулиятли инсонлар мухим! Ва бу амалда айнан Азамат Хайдаров эканлигидан шахсан мен мамнунман!  Амалим бўлганида тақдирлаган бўлардиму, оддий бир сайт рахбариман ва фақат шу тариқа хурматимни намоён қила оламан. Асосийси чин дилдан ва хаққоний. Бошқачаси бўлиши хам мумкин эмас!