Бош сахифа » 2011 » Апрель » 11 » Ким хақиқий юлдузу ким СОХТА?! Ким ўз МУКОФОТларига аслида ЛОЙИҚ?
02:33
Ким хақиқий юлдузу ким СОХТА?! Ким ўз МУКОФОТларига аслида ЛОЙИҚ?
"Ўзбекнаво" эстрада бирлашмаси бизларни ижобий хайратлантиришни НИХОЯТ бошламоқда!
 "Ўзбекнаво" хабар беради:

Куни кеча "Ўзбекнаво" эстрада бирлашмаси, "TerraGroup” МЧЖ ва Ўзбекистон давлат консерваторияси билан ҳамкорликда ўтказиладиган фестиваль дастури учун истеъдодли талабалар томонидан тайёрланган қўшиқлар эшитиб кўрилди ва энг яхшилари саралиб олинди. Иштирокчилар орасида номлари мухлисларига яхши таниш бўлган "Ниҳол” мукофоти совриндори Сайёра Маматқулова, иқтидорли ёш хонандалар Шахризода Ахрорхўжаева, Шерзодбек Ортиқов, Камила Умарова (Ягона) кабилар ҳам бор эди. Улар томонидан жонли ижро этилган қўшиқлар ёшларимизнинг истеъдод соҳиби эканлигидан далолат бериб турибди.

Эслатиб ўтамиз, Фестиваль фақат жонли мусиқа ва ижро асосида ўтказилиб, эстрада, анъанавий ижрочилик ва академик вокал йўналишида таҳсил олаётган ҳамда ижод қилаётган ёш истеъдодларни излаб топиш, уларни жамоатчиликка танитиш, уларнинг катта саҳналарда ўз санъатини жонли ижрода намойиш этиш учун зарур шарт-шароит яратиш мақсадида ташкил этилмоқда.

Хақиқий жонли ижродаги қўшиқлар фестивалини ўтказиб юборманг!


Жорий йилнинг 25 апрель куни соат 17:00да "Туркистон” саройида "Ўзбекнаво" эстрада бирлашмаси "Terra Group” МЧЖ ва Ўзбекистон давлат консерваторияси билан ҳамкорликда Мустақиллигимизнинг 20 йиллигига бағишлаб "Марди майдон!” – жонли ижродаги қўшиқлар фестивалини ўтказишни режалаштирган.

Фестивалда иштирок этишни истаган истеъдодли санъаткорлар "Ўзбекнаво" эстрада бирлашмасининг 239-86-57 ёки 235-52-80 телефон рақамларига мурожаат этишлари мумкин.

 
"Марди майдон!” – жонли ижродаги
қўшиқлар
фестивали
 
2011 йил 25 апрель соат 17-00
"Туркистон” саройи


Sayyod.com:
Мард бўлсанг майдонга чиқ САНЪАТКОР!


Сайтимиз албаааатта репортажни  амалга ошириб туради.

Ахир хаққонийлар сараланади-ю биз буни ёритмаймизми?

Ниқобларни ечишда жон-жон деб ёрдам берамиз!)))))))))))


Фақат бир нарса қизиқ.. Бу фестиваль албатта мажбурий эмас, лекин хамма хонандаларнинг хабари бор.
ХАММА ХАМ ИШТИРОК ЭТАРМИКАН?

Яъни қўпол қилиб айтганда "дух" етармикан?))))

Биз назорат қилиб турамиз ва ишонаверинг, хозирда номи чиққан
машхурлардан   бу фестивальда иштирок этмаганларга фикримиз АЛОХИДА бўлади.
Шунақанги бир алохида бўладики, Россиядаги "Слабое звено" кўрсатувидаги фикрлар холва бўлади))).


Кто сааамое слабое звено?? Кто тянет нас назад? Кто на самом деле сохта ва компютерчи мелодинов? Кимнинг овози аслида қурбақанинг қуриллашидан паст? Кимни сахна ўлай деб кўтариб турибди? Кимнинг чўнтагига тушаётган пуллар аслида халол эмас? Ким бировнинг ўрнини эгаллаб турган иккиюзламачи? Ким хатто микрофон ушлашга лойиқ эмас? Кимнинг овози суратидаги фотошопдек сохта? Ва хоказо))))))))))

ИШОНАМИЗКИ улар НОМЛАРИНИ ОҚЛАЙДИЛАР!!!)))

Халолликка нима етсин)))


Қуйида эса бу фестиваль қандай имтиёзлар бериши ва умуман фестиваль  хақида тўлиқ маълумотга эга бўлиш учун расмий хужжатдан кўчирма тақдим этамиз:

"Марди майдон!” – жонли ижродаги қўшиқлар фестивалининг НИЗОМИ

 

Азал-азалдан халқимизнинг асл фарзандлари ўз иқтидори, куч-қудрати ва истеъдодини ҳамманинг кўз ўнгида намойиш этишган. Курашчилар гиламда, дорбозлар дор устида, ҳофизлар эса саҳналарда баралла куч синашиб келган. Халқимизда "Мард майдонда синалади” деган улуғ ҳикмат бор.

"Марди майдон!” – жонли ижродаги қўшиқлар фестивалини ўтказишдан асосий мақсад ёш истеъдодли овозларни топиш, уларни мардлар майдонига чорлашдир. Улар ҳам ўз кучларини, истеъдодларини томошабинлар олдида – саҳнада синасинлар, ўзаро беллашсинлар. Ана шундай ижодий синовларда "Баркамол авлод йили”да баркамол овоз соҳиблари кашф этилади.

 

I. Фестивалнинг асосий мақсад ва вазифалари

 

Фестиваль Ўзбекистон Республикаси давлат мустақиллигининг 20 йиллигига бағишланиб, миллий оҳангларга ва миллий ифтихор туйғуларига йўғрилган, Ватан, она табиат, гўзаллик, нафосат, инсонийлик, бағрикенглик, бунёдкорлик, севги, меҳр ва муҳаббат каби мавзуларда янги қўшиқлар яратиш, эстрада йўналишида ижод қилаётган  ёш истеъдодларни излаб топиш, уларни қўллаб-қувватлаш ва кенг жамоатчиликка танитиш, ёш ижодкорларнинг профессионал малакасини ошириш, саҳналарда ўз санъатини намойиш этишга йўл очиб бериш, донишманд халқимизнинг "Мард майдонда синалади” деган улуғ ҳикматини ёшлар ўртасида кенг тарғиб қилиш ҳамда келажак авлодга етказиш мазкур фестивалнинг асосий мақсад ва вазифасидир.

 

II. Фестивални ўтказиш тартиби ва шартлари

 

2.1.        Фестиваль ҳар икки ойда бир маротаба ўтказилади. Муайян йилнинг якунида Фестиваль лауреатларини тақдирлаш маросими ташкил этилади.

2.2.        Фестиваль лауреатларини аниқлаш мазкур Низомда белгилаб қўйилган тартибда Эксперт комиссияси томонидан амалга оширилади.

2.3.        Фестивалда Ўзбекистон Республикаси резидентлари бўлган жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий келиб чиқишидан қатъий назар 17 ёшдан 30 ёшгача бўлган профессионал ва ҳаваскор санъаткорлар иштирок этиши мумкин.

2.4.        Фестиваль доирасидаги битта концертнинг умумий вақти икки соатдан ошмаслиги лозим ва унда ўртача 8-10 нафаргача санъаткор иштирок этишига рухсат берилади.

2.5.        Фестивалнинг асосий шарти – қўшиқлар фақат жонли ижрода айтилади.

2.6.        Фестиваль Эстрада, Анъанавий ижрочилик ва Академик вокал йўналишлари бўйича ўтказилади.

2.7.        Концерт давомида санъаткор ўз репертуари, халқ мумтоз мероси ва жаҳон классикаси намуналаридан иборат учта асар ижро этади (давомийлиги 20 дақиқагача).

2.8.        Фестивалда иштирок этишни истаган санъаткорлар қуйидаги ҳужжатларни "Ўзбекнаво" эстрада бирлашмасига тақдим этади:

-                 Фестиваль Ташкилий қўмитаси номига ариза (1-илова);

-                 иштирокчи ҳақида маълумотнома (2-илова) ва икки дона сурат;

-                 Фестивалда ижро этиладиган асарларининг матни, муаллифларининг исми-шарифи ва CDда ёзилган аудио варианти;

-                 паспорт нусхаси (яшаш манзили билан).

2.9.        Тавсия этилган қўшиқларнинг янгилиги, оригиналлиги, матнининг таъсирчан ва бадиий образларга бойлиги, ижодкорнинг овози, саҳна ҳаракати, нутқ маданияти ва ижро услуби Фестивалда қатнашиш ҳуқуқини таъминлашда асосий мезон ҳисобланади.

2.10.    Тақдим этиладиган асарлар миллий анъаналаримиз ҳамда умумбашарий қадриятларга зид бўлмаслиги лозим.

 

III. Ташкилий қўмитанинг ваколатлари

 

3.1.        Ташкилий қўмита Фестивалда иштирок этишни истаган ёш ижрочиларни ҳар икки ҳафтада ташкил этиладиган махсус кастинглар асосида, мазкур Низомнинг II бўлимида назарда тутилган тартибда саралаб олади, бу ҳақда қарор чиқаради ва баённома билан расмийлаштиради.

3.2.        Ташкилий қўмитанинг қарори юзасидан шикоятлар қабул қилинмайди.

3.3.        Мазкур Низом талаблари Фестиваль иштирокчиси томонидан бузилган тақдирда иштирокчи Фестивалдан четлатилади.

3.4.        Ташкилий қўмита Фестиваль доирасида ўтказиладиган барча концертларнинг сценарийсини, дастурини тайёрлайди ва тасдиқлайди.

3.5.        Фестиваль лауреатларини тақдирлаш маросимини ташкил этади.

3.6.        Фестиваль иштирокчисига айланган ва ўз истеъдодини намойиш эта олган ёш иқтидорли санъаткорларга ташкилотчилар томонидан ўз ваколатлари доирасида имтиёзлар кўрсатилади.

 

IV. Эксперт гуруҳининг ваколатлари

 

4.1.        Эксперт гуруҳи соҳанинг малакали мутахассислари жалб этилган ҳолда ташкил этилади.

4.2.        Эксперт гуруҳи Фестиваль доирасида ўтказиладиган концертларда чиқаётган ёш ижрочиларга саҳна маданияти, қўшиқ куйлаш, ижрочилик маҳоратини ошириш борасида тегишли тавсиялар бериб боради.

4.3.        Эксперт гуруҳи Фестиваль лауреатларини аниқлашда бевосита иштирок этади.

 

V. Лауреатларни аниқлаш мезонлари

 

5.1.         Фестиваль лауреатлари Эксперт гуруҳи томонидан 10 баллик тизимда, қуйидаги мезонлар орқали аниқланади:

-                 ижро маҳорати ва услуби;

-                 овоз имкониятлари;

-                 асар матнининг мукаммаллиги ва таъсирчанлиги, бадиий образларга бойлиги;

-                 саҳна ҳаракати (артистизм);

-                 саҳна либоси (имиж).

 

VI. Фестивални молиялаштириш
ва лауреатларни тақдирлаш

 

6.1.         Фестиваль ташкилотчилари ва ҳомийлари ўз ички имкониятларидан келиб чиққан ҳолда фестивални ўтказиш учун жой, пул маблағлари ва эсдалик совғаларини ажратади. Жумладан:

Ўзбекистон давлат консерваторияси – Фестиваль иштирокчилари томонидан репетициялар ўтказилиши учун махсус заллар ажратади; овоз кучайтиргич воситалари, чироқлар, микрофон каби зарур техник воситалар билан таъминлайди; талаба ва мутахассисларни Фестиваль ишига кенг жалб этади.

"TerraGroup” МЧЖ – Фестивални ўз тизимига кирувчи телерадиоканаллар орқали эфирга узатади; Фестивалнинг рекламасини ташкил этади; Ташкилий қўмита тавсиясига асосан Фестивалда ижро этилган энг яхши асарларни теле ва радиоканаллар эфирида ротацияга қўяди.

"Ўзбекнаво" эстрада бирлашмаси – энг яхши ижрочиларни Давлат тадбирларида чиқишига жалб қилади ҳамда мамлакатимиз ва хорижда ўтказиладиган гастроль сафарларига тавсия этади; Ташкилий қўмита тавсиясига асосан ёш истеъдодли хонанданинг учтагача бўлган янги қўшиғи тайёрланишини молиялаштиради, уларга имтиёзли лицензия беради; энг яхши қўшиқлар Бирлашманинг Фонотекасига қабул қилинади; Фестиваль лауреатлари учун Ташкилий қўмита номидан дипломлар тайёрлайди; репетиция ва концертлар ўтказиладиган зални ижарага олади.

6.2.         Фестиваль лауреатлари муҳлислар томонидан берилган овозларни ҳисоблаб чиқиш йўли орқали Эксперт гуруҳининг хулосаси билан аниқланади.

6.3.         Фестиваль иштирокчисига айланган барча ёш ижрочилар Ташкилий қўмитанинг махсус дипломи билан тақдирланади. Шунингдек, мухлисларнинг олқишларига қараб муайян хонандага ҳомийларнинг эсдалик совғалари ҳам топширилади.

 

 VII. Ушбу Низомга ўзгартириш ва қўшимчалар киритиш

 

Ушбу Низомга ўзгартириш ва қўшимчалар киритиш фестиваль ташкилотчиларининг қўшма буйруғи ёки қонун ҳужжатларида назарда тутилган тартибда амалга оширилади.

 

Бўлим: Yangiliklar | Кўрилган: 7978 | Чоп этди: Sayyod | Теглар: Mardi maydon, Uzbeknavo

Нравится
Барча изохлар: 26
1 Miss_Ziyoshkabonu   (11-Апр-2011 03:02) [Материал]
Ha haqiqatdan ham kimlar bu festivalda iwtirok etiwga jurat toparkan, kimlar man haqiqiy san'atkorman, man nonimni halol topaman, man san'at uchun yaratilganman, nomimni xalq oldida oqlay olaman, diydigan san'atkorlarni kutib qolamiz. OMAD HAMMASIGA.
Tez orada Natijasi ijobiy böladi digan umiddaman. Intizorlik bn haqiqiy san'atkorlar kimlar ekanligini KUTIB QOLAMIZ.

2 МАДИНА   (11-Апр-2011 03:24) [Материал]
Нужно чтоб Райхон и Шахзода дали свой мастер класс!))Они же на эстраде уже более 10 лет. Профессионалы можно сказать!)) Вот праздник будет!))

3 Lecobek   (11-Апр-2011 03:46) [Материал]
Men ham qiziqyapman Bu fetivalga. Kimlar qatnasharkan?Jonli Ijro deganda Hammasi jim bulib qoladi.

4 Максад   (11-Апр-2011 04:39) [Материал]
Райхон хам Шахзода хам бу сахнада жонли куйлай олмайди. Лекин, шундай кушиклар борки уларни жонли ижро этиб булмайди, масалан сунги йилнинг машхур хонишларидан бири "дажонам"ни жонли эшитиб курингчи...Бундай кушикларнинг жозибадорлиги - аранжировкада.
Айтмокчиманки, фонограмма ва жонли ижродаги кушик ва кушикчиларни категориялаш, "студийный гурух" ёки "студийный хонанда" атамаларини куллаш вати келди. Фонограмманинг хам узининг мухлислари бор.
Дунёни раксга туширган Бони М, Арабеска, Модерн Талкинг гурухлари хам студийный гурухлар булишган. Улар, концертлардан тушган маблаг хисобига эмас, сотилган дисклар ва айлантирилган кушиклар хисобига бойишган... Менимча, бунинг айб жойи йук.

5 Xusnora   (11-Апр-2011 06:50) [Материал]
Худо холаса Райхон узини зурлигини исботлиди.

6 Yulduz   (11-Апр-2011 08:13) [Материал]
Ниқобларни ечишда жон-жон деб ёрдам берамиз!)))))))))))voy Sayyod gapni ham vowwe qotirib tawisizdeee,mana buni yangilik disa boladi lekin

7 Yulduz   (11-Апр-2011 08:18) [Материал]
)))))) kopligidan bilsa boladi Sayyod juda xursandla biggrin ,xursandchiligizga manam werikman)))))))))))))))

8 Milashka   (11-Апр-2011 08:37) [Материал]
vov zur festival busa kerey haqiqiy sanatkorlarni endi kuramiz ular yanada tanilib ketishadi ahir hamma ham jonli ijroda qushiq etmediku

9 ул@   (11-Апр-2011 09:13) [Материал]
согдиана,ягона,феруза латипова ,зийода,шахзода,шула жонли изрони боплйди,шулага имконият берш кере.

10 Madina   (11-Апр-2011 09:55) [Материал]
Фестивалнинг дастлабки концерти март ойида бўлиб ўтиши режалаштирилди
May dib yozmoqchi bo'gan bo'sez kere a?

11 Камилла   (11-Апр-2011 13:47) [Материал]
Буттаям танищ-билишчили буса, курвака овозлилаям ютиб кетишуради

12 Dilnoza   (11-Апр-2011 15:53) [Материал]
RAYHON, ZIYODA, CAUDIANA QOLGANINI TANIMAYMAN LEKIN ULAR NIMANIDIR ISBOTLASHGA KELADI DEB O'YLAMAYMAN QATNASHSA YAXSHI BO'LARDI XAMMASI

13 Zarina   (11-Апр-2011 16:09) [Материал]
OOO odamla gapirvoribtimi a?

14 zak   (11-Апр-2011 18:09) [Материал]
Э Омадини берсин....

15 Zuxraxon   (11-Апр-2011 20:06) [Материал]
Ko`ramiz kutib qolamiz kimlar qatnashishiga qiziqib ketvoman. SAYYOD raxmat sizga omad.

16 sanjar   (12-Апр-2011 01:20) [Материал]
Райхон ва Шахзода жонли этолиди диганла нима бало уйкисраб ёзишганми жонли фестивал бу жонли фонограмма эмас. Фестивалда катнашса буладиганла булар
ЗИЁДА, ЛОЛА, НИЛУФАР У, БОЖАЛАР, СИРОЖИДДИН ВА ЁДГОР ХАМ

17 Elyorbek SHOVOT   (12-Апр-2011 04:05) [Материал]
Жуда яхши бубти С. Рахимхон неччи йиллаб тер тукиб олди унвонни ахир 3йил хизмат килишни узи буладими одамла 20йда зурга олишдию ха майли, Сардор сан катнашиб кур ушанга, исботла хакикий овозингни оммага, у ердаям роса чийилласанг керак ФАРЁД, ФАРЁД деб.

18 Elyorbek SHOVOT   (12-Апр-2011 04:26) [Материал]
ХАЛК АРТИСТИ озодбек назарбеков билан Хизмат курсатган Огабек Собиров беллашса аник билса буларди ким кайси мукофотга купрок лойиклигини, чунки Огабекнинг овози энг юкори пардага чика олади лекин озодни билмадим. Огабек ака сизам халк артисти унвонини олишийизга ишонамиз!

19 Graf   (12-Апр-2011 16:30) [Материал]
Waxzoda kansertlarida jonli etiwini isbotlagan ayniqsa Maskvade kansertlarida

20 STUDENTKA   (12-Апр-2011 16:38) [Материал]
qanaqa Rayhondan master klass????????? wink Rayhon va Shahzoda bu festivalda qatnashish uchun yana 10 yildan keyin o'zbek tilini o'rganishdan keyin hamda vokaldan dars olgandan keyin qatnashishsin

21 Layloshka   (13-Апр-2011 11:12) [Материал]
nasib qilsa festivalga tushishga harakat qilaman.... MADINA MUMTOZ, ZIYODAga OMAD ulani ovozi bor sahnada o'zligini tutish madaniyati , tarbiyasi ham bor. OMAAAAAAAD!!!!!!!!! smile

22 antisayyod   (13-Апр-2011 18:34) [Материал]
Yaxshi loyihani amalga oshirishyapti, lekin Uzbeknavoda uzbek tili imloviy qoidalaridan habardor bolgan inson yoqmikan??!!! Ahir bu ibora "Mardu Maydon" deb yozilishi kerakku..

23 крокодил   (15-Апр-2011 15:49) [Материал]
Хар хил булар булмас(Озодбек, Огабек, Шахзода, Райхон ва бошкаларни)нарсаларни ёзишдан аввал шартлар билан тулик танишмок керак. Курикниг шартларида яъни II кисм 2.3 бандида "17 ёшдан 30 ёшгача" - дейилган. Логикани ишлатиш керак!

24 krokodilga savol   (16-Апр-2011 13:19) [Материал]
Logikaniishlatilsa bu shart ba'ziilarni sharmanda qilmaslik uchun shit desa bo'ladimi?

25 asalim   (19-Апр-2011 15:40) [Материал]
man bu loyihada Shohruhxon o'zlarini bemalol ko'rsata olaladib bilaman Shohruhxonga omad.

26 Xadicha   (14-Май-2011 12:18) [Материал]
Nilufarrrrrrr va Rayxon omad

dth="100%" cellspacing="1" cellpadding="2" class="commTable">
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

YUQORIGA!