Йилнинг энг ЖОНЛИ ва энг ФАЙЗЛИ КОНЦЕРТИ бўлиб ўтди! Suhbat | Intervyu | Reportaj
Йилнинг энг ЖОНЛИ ва энг ФАЙЗЛИ КОНЦЕРТИ бўлиб ўтди!

Ёқдими?

Бошқаларга хам кўрсатинг:
 

ЖАҲОНГИР ОТАЖОНОВНИНГ "СОҒИНДИМ” ДЕБ НОМЛАНГАН КОНЦЕРТ ДАСТУРИНИНГ БИРИНЧИ КУНИДАН РЕПОРТАЖ

 

16 май куни соат миллари 18.30 га яқинлашганда, Истиқлол санъат саройига томошабинлар йиғила бошлашаётган эди. Бугун хонанда Жаҳонгир Отажонов аввалги концерти оралиғидаги 6 йиллик танаффусдан сўнг, яккахон жонли ижродаги концерт дастурини тақдим қилмоқда.


Хонанда Жаҳонгир Отажоновнинг ўзи концерт олдидан концертга тайёргарлик кўраётганлиги ҳамда, кучли ҳаяжонда бўлганлигидан, концерт дастуридан сўнг, бир–икки ўзимизни қизиқтирган саволларга жавоб беришини маълум қилди. Концерт режиссёри ҳам хонанданинг ўзи эди.

Ҳозир фикру хаёлим концерт билан банд деди самимийлик билан хонанда.

19.00 да концерт дастури бошланди.

Парда очилиб, концерт дастури бошланганлигини билдирувчи мусиқа оҳанглари остида, сухандон Ўткир Сиддиқов сўз бошлаб, саҳнага хонанда Жаҳонгир Отажоновни таклиф қилди. Залда кучли қарсаклар янгради. Хонанда ўзининг концерт дастурини шоир Абдулла Орипов сўзи билан "Мен нечун севаман Ўзбекистонни?” деб номланган қўшиқ билан бошлади. Хонанда қўшиқни жонли ижрода ва чинакамига маромига етказиб ижро қилди.

Қўшиқдан сўнг, Жаҳонгир Отажонов томошабинлар билан саломлашиб, уларга миннатдорчилик билдирди. Унинг овозидан ҳам ҳаяжонда эканлиги билиниб турарди.

Концерт декорацияси оппоқ рангда бўлиб, саҳна тўрида катта экран ўрнатилган ва унда хонанда қўшиқ куйлаганида, ўша қўшиққа ишланган клип, хонанданинг саҳнада қўшиқ ижро қилаётган ҳолатлари кўрсатиб туриларди.

Созандалар гуруҳи ҳам, ҳар бир қўшиққа мусиқаларни берилиб чалишар ва уларнинг ҳам ижро маҳоратига қойил қолмай илож йўқ. Негаки, концерт давомида, маълум бир пайт мусиқанинг ўзи ижро қилинадиган жойларида, уларга ҳам томошабинларнинг кучли олқишлари янгради.

Иккинчи қўшиқ "Соғиндим” қўшиғи бўлиб, бу маҳзун қўшиқ кўплаб кўзларни ёшлантирди дейиш мумкин. Қўшиқ олдидан сухандон Ўткир Сиддиқов таъсирли оҳангда шеър ўқиди. Томошабинлар, қўшиқ давомида, қўшиқ сўзларини хонанда билан биргаликда такрорладилар. Қўшиқ ниҳоясига етгач, сухандон Ўткир Сиддиқов навбатдаги қўшиқ номини эълон қилаётган вақтида, кутилмаганда хонанда Жаҳонгир Отажонов у кишига, "ҳали қўшиқ тугамади” деб самимий ҳазил қилди. Буни ҳазиллиги сезмаган Ўткир Сиддиқов, бир муддат ҳайрон бўлди. Кейин эса, яна бир чиройли шеър ўқиди.

Шеърдан сўнг, Жаҳонгир Отажонов "Кўзим қувонар” деб номланган қўшиғини ижро қилди ва унда миллий либосдаги раққосалар гуруҳи чиройли рақс тушдилар. Ундан сўнг, "Зоринтизор” деб номланган шўх қўшиқ янгради. Унга ҳам мос рақс бўлди.

Бешинчи қўшиқ "Муҳаббатсиз келма ёнимга” сўзлари билан бошланган, "Оллоҳим” деб номланган маҳзун қўшиқ бўлиб, барчани таъсирлантирди.

Олтинчи қўшиқ "Аёл макридан” қўшиғи янграши билан зал кутилмаганда кучли олқишларга тўлиб кетди!

Раққосаларнинг қўшиққа мос рақсларидан илҳомланган хонанданинг ўзи ҳам, қўшиқ оҳангига мос, ҳаракатлар билан қўшиқни маромига етказиб ижро қилди. Қўшиқдан сўнг, эса томошабинларга мурожаат қилиб, "аёллар хафа бўлманглар, қўшиқ сўзларини шоир Бобур Бобомурод ёзган” дейишни ҳам унутмади.

Шу билан концертнинг биринчи блоки ўз ниҳоясига етди.

Кейинги блок олдидан саҳнага хонанда Жаҳонгир Отажоновнинг синглиси, Отажоновлар сулоласининг давомчиси Эътибор Отажонова таклиф этилди. Унинг ижросидаги "Турнагинам, шошма мени ташлаб кетгани” дея куйланган жонли ижродаги маҳзун қўшиқ, томошабинлар томонидан илиқ кутиб олинди.

Концертнинг иккинчи блоки асосан, миллий қўшиқлардан иборат бўлиб, блокни хонанда Жаҳонгир Отажонов "Тановар” ижроси билан бошлади. Бу қўшиққа  Ўзбекистон Халқ артисти раққоса Рушана Султонова маҳорат билан рақсга тушди. Барча томошабинлар қўшиқ ва рақсни юқори баҳолаганликлари, тинимсиз янграган қарсаклар ва олқишлардан маълум эди.

Навбатдаги қўшиқ, севимли халқ қўшиқларидан "Жонон бўламан деб” барча томошабинларни янада қувонтириб юборди. Баъзи томошабинлар, залнинг орқа тарафида, рақс тушардилар.

Ундан сўнг, бухороча қўшиқ, янгради. Бухороча кийимлардаги раққосалар ҳам қўшиққа мос рақсларни ижро қилдилар.

Хонанда Жаҳонгир Отажонов баъзи янги қўшиқлар сўзларини ёддан чиқиб қоляпти деб, қўшиқлар матни ёзилган варақни қўлига кўтариб олди ва сабабини томошабинларга ҳам тушунтирди. Бухороча қўшиқ аввалига бир маромдаги оҳангда бўлиб, кейин эса жуда бир шўх тус олди ва раққосалар рақслари ҳам тезлашди.

Навбат хоразмча қўшиққа ва рақсларга келди. Хоразмча қўшиқ вақтида, хонанданинг ўзи ҳам берилиб, рақс гуруҳидагилар билан биргаликда қўшиққа мос рақс ҳаракатлар қилиб, рақс ҳам тушди.


Қўшиқлар орасида, хонанда томошабинларга "томоғим қуриб қоляпти, тушунасизлар” деб, саҳнани ўзида сув ҳам ичиб оларди. Ҳаяжон, ҳамда кучли иссиқдан хонанданинг пешонасидан тер қуйиларди. Албатта, бутун концертни жонли ижрода ўтказишнинг ўзи бўлмайди.

Хонанда "Бахилимга тегинма” деб номланган сокин қўшиғини, саҳна четига ўтириб куйлади. Томошабинлар ҳам қўшиқ маъносидан ҳайратда эдилар.

Хонанданинг "Ёш эмас” қўшиғи билан иккинчи блок ҳам ниҳоясига етди.

Саҳнага Отажоновлар сулоласининг яна бир давомчиси хонанда Алишер Отажонов таклиф қилинди. У"Севгимсан гўзал қиз” қўшиғини куйлади.

 Концертнинг навбатдаги блокини хонанда Жаҳонгир Отажонов "Ёр-ёр айтманг” қўшиғи билан бошлаганида, залда қарсаклар ва олқишлар тинмади!

Бэк вокалда Жамшид Рўзметов ва Эътибор Отажонова

Навбатдаги "Ҳаёт, бунча қийнайсан?” қўшиғи вақти эса, олқишлар янада кучайди! Қўшиқ сўзларини бирга айтаётганлар, қўл кўтариб олқишлаётганлар ва орқа тарафларда рақс тушаётганлар.... барчаси, мухлисларнинг хонандага бўлган чексиз меҳри  ва эътиборини билдирарди.

Яна бир шўх қўшиқ "Севгилим хон қушим!” қўшиғида ҳам томошабинларнинг олқишлари, рақслари тинмади.

"Айтишим шартмиди ошиқлигимни” қўшиғини сўзларини ҳам, томошабинлар такрорлаб, биргаликда куйладилар.

"Хайр мактаб” қўшиғи янграганда, саҳнага мактаб ўқувчиси кийимидаги қизлар чиқиб рақс тушишди ва ҳамма мактаб даврини эслади, назаримда. Хонанданинг ўзи ҳам, ҳозирда мактабларда ўқишлар тугаётган ой бўлгани учун ҳам, мактаб даврини эслаб, бу қўшиқни куйлаганини айтиб ўтди.

Концерт дастури "Ватан фарзандлари бўлинг чинакам” деб куйланган, Ўзбекистон Ватанимизга бағишланган қўшиқ билан якунланди.

Концерт ниҳоясида, барча қатнашчилар саҳнага чиқдилар. Томошабинлар эса, концерт тугашини кутмаган эканларми, ҳеч зални тарк этгилари келмасди. Ҳамма томошабинлар, кутилмаганда саҳнага талпиниб, хонанда Жаҳонгир Отажоновга гул тақдим қилиш, табриклаш учун, саҳна олдига йиғилиб кетдилар.

Одатда, концертларда хонандалар концерт тугагач, бир муддат томошабинлардан гулларни қабул қилиб олиб, кейин ичкарига кириб кетар эдилар. Лекин, хонанда Жаҳонгир Отажонов томошабинларни, мухлисларини деярли ҳар бири билан сўрашиб, уларнинг гулларини қабул қилиб олиб, улар билан суратларга ҳам тушди. Хонандага икки зар тўн ҳам кийдирилди. Томошабинлар ҳам зални тарк этмай, парда ёпилаётганда ҳам олқишлаб турган эдилар.

Концертда ташриф буюрган машхурлардан Шохруххон ва турмуш ўртоғи билан Феруза Жуманиёзовага   кўзимиз тушди.  Бу суратда хам Феруза тушиб қолган.

Концерт ниҳоясига етгач, хонанда Жаҳонгир Отажонов билан суҳбатлашдик.

 

Феруза: 6 йиллик танаффусдан сўнг, концерт бердингиз. Жонли, яккахон концерт. Концертга тайёргарлик вақтида, нималар режалаштирилган эди, эндиликда эса, қандай ўзгаришлар бўлди?

 

Жаҳонгир Отажонов: – Истиқлол санъат саройи, кимлар концерт ўтказмаган даргоҳ. Биз, концертда репетиция қилган вақтимиздаги саунд, бу ерда чиқмади. Негаки, Истиқлол санъат саройида репетиция қилишга озгина вақтимиз камлик қилди. Балки, буни томошабинлар, мухлисларимиз сезишмагандир, биз ўзимиз сездик. Бу нарса жонли мусиқани, мухлисга етиб боришида, жуда ҳам катта рол ўйнайди. Аввало, Оллоҳ ўзи бизни уялтирмасин! Тўғрисини айтсам, мен саҳнадан қўрқадиган инсон эмасман! Лекин, концерт бошида нимадир бўлдими, хурсандлигимдан озгина ҳаяжон бўлди. (самимий) Мен зал тўлади деб ўйламагандим, лекин, зал тўлиб кетди. Мен хурсандлигимданми, кўзимга ёш келиб, бошида озгина ҳаяжон бўлди. Лекин, менимча концерт охири жуда ҳам яхши бўлди. Саҳнада генеральный репетиция қила олмаганимиз учунми, озгина камчиликлар бўлди, назаримда. Буни ўзимиз сездик. Раққосаларни урилиб кетиши, шу каби озгина камчиликлар. Лекин, бу каби кичик камчиликларни мухлисларимиз кечиради, деган умиддаман.

 

Феруза: Репетиция вақти дуэт бўлиши кутилаётганди.

Жаҳонгир Отажонов: – Дуэт бўлиши керак эди. Синглим Эътибор Отажонова ва жияним Алишер Отажонов нима бўлганида ҳам, янги кириб келаётган хонандалар бўлганликлари учун, уларнинг овози у даражада пишиб етилмаган, назаримда. Мен 10 йилдан буён куйлайман, Алишер 3–4 йилдан бери, синглим эса бу йилдан куйлай бошлади ва бу биринчи саҳнаси. Шунинг учун ҳам, мени ёнимда камчилиги сезилиб қолмасин деб, дуэтни биз сал кейинга қолдирдик. Улар ўзлари алоҳида қўшиқ куйлашди.

 

Феруза: – Концерт давомида қўшиқларингиздан юрагингизга энг яқин қўшиқ қайси бири бўлди? Албатта, санъаткорни ҳамма қўшиқлари юрагига яқин бўлади, лекин биттаси барибир бошқаларидан кўра, яқинроқ бўлади.

 

Жаҳонгир Отажонов: – "Севгилим”  қўшиғи. Шу қўшиғимни яхши кўраман. Яқин бир инсонимга бағишлаб ёзилган.

 

Феруза: –  Концертингизни шунчалик файзли ва кўтаринки руҳда ўтишини, шунчалик кутиб олинишини кутганмидингиз?

Жаҳонгир Отажонов: – (ўйланиб, самимий) Менимча, ёмон бўлмади. Кутгандим, албатта. Мен ўзим саҳналаштиргандим, қўшиқларни қатор қилиб, жойлаштиргандим. Тахминан, ориентир олганман. Мухлисларни яйрашини ҳоҳлагандим. (самимий ва қувониб) Лекин, мен кутганимдан ҳам зўр бўлди, назаримда. Ҳар бир қўшиққа алоҳида қарсаклар чалинди.

 

Феруза: – Қайси шоирлар билан биргаликда ишладингиз? Мусиқа ва аранжеровкачи?

Жаҳонгир Отажонов: – Шоирлардан илк қўшиқни Абдулла Орипов шеъри билан "Мен нечун севаман Ўзбекистонни” қўшиғини куйладим. Янги қўшиқ. Кейин, "Соғиндим” Иқбол Мирзо шеъри, "Кўзим қувонар”, "Интизор” Ўктам Давлетов шеъри, "Оллоҳим”, "Аёл макри” Бобур Бобомурод шеъри билан куйланган қўшиқлар. Яна иккинчи блокда, миллий йўналиш, халқ фолклёрлари, Фарғона– Тошкент, Бухоро–Самарқанд, Хоразм санъатига ҳурмат юзасидан шундай саҳналаштирилиб, куйладим. Учинчи блокдаги қўшиқлардан "Севгилим” Шамсия шеъри, "Айтишим шартмиди ошиқлигимни” Уйғун шеъри, ва бошқалар. Қўшиқларни мусиқаси ва аранжеровкаси ўзимники ва қўшиқлар янгидан аранжеровка қилинган.

 

Феруза: – Концертда адашмасам, иккита янги қўшиқ бўлди.

Жаҳонгир Отажонов: – Концертда ижро қилинган ҳамма қўшиқларим аввалги концертимдан кейин ёзилган. 2008–2009 йилги қўшиқлар ҳам бор. Чунки, барибир ҳаммаси яхши бўлиши учун йил талаб қилади. Бир йилда фақат яхши қўшиқ айтиш қийинроқ.

 

Феруза: – Концертда бирор шогирдингиз ҳам қатнашиши кўзда тутилганмиди?

Жаҳонгир Отажонов: – (самимий) Мен концертни ўзим ўтказишни режалаштиргандим. Синглим ва жияним эса, биттадан қўшиқ айтишди. Ўйлайман–ки, яхши кутиб олишди.

 

Концерт фикримизча, шу вақтгача ўтказилган концертлар ичида энг файзли ва ҳақиқий маънода, санъат намойиш этилган концерт бўлди дейиш мумкин. Бошқа концертлардан фарқли равишда, даҳшатли декорацияларсиз, костюмлар ва шоуларсиз, ҳақиқий ва бошидан охиригача жонли ижро, самимий ва кўтаринки руҳдаги концерт! Томошабинларнинг ҳақиқий баҳоси ва олқишлари! Хонанда Жаҳонгир Отажоновга ижодида яна кўплаб ҳақиқий жонли ижродаги концертлар ўтказишига тилакдошмиз.

Феруза Фаттохова

Саида Вахобова



Концертдан кейинги қулоққа чалинган сўзлар:

-Тавба шу болани умуман мухлиси эмасдим, биргина оқ кабутарини эшитганман. Жуда зўр бўлди концерт ман хали хам тассуротлар қуршовидаман.

-Жонли концертни сехри бор бу аниқ, зал бирга жўр бўлиб куйладия. Жахонгир хаммани сехрлади.

-Иброхим Тотлисоснинг концертидан кейин фақат мана шу концертни тан олдим. Бошқа ким бунақа 100 фоиз жонли концерт беряпти хозир? Жахонгир бу йилнинг энг хаққоний концерт берган санъаткори!  Бу факт!

-Мана санъаткор концертининг намунаси! Бошқаси концертмас. У шоу-поулар хаммаси масхарабозлик, санъаткор концертимас. Жахонгирга етадигани борми?

-Энг файзли концерт мана шу, бошқасини кўрмаганман тўғриси.


-Эртага яна тушаман. Оиламниям обкеламан, хозироқ чиқиб чипта олмасам эртага аниқ қолмайди.


ВИДЕО эртага!
17-Май-2011 02:39
Бўлим: Suhbat | Intervyu | Reportaj | Чоп этди: Sayyod | Тег : Jahongir Otajonov
ТЕГИШЛИ МАВЗУЛАРДА:

1 8791   (17-Май-2011 02:49)
va nihoyat kutilgan konsert bo'liptida, videoni to'liqroq qo'ysangizlar bizlaram tomosho qilardik

2 Dil   (17-Май-2011 02:50)
Kutub qolamiz.

3 Asxo'j   (17-Май-2011 02:52)
Xar doim haqiqat engadi degani mani shuda haqiqatdan jonili konsert berdimi undan chiqdi odamlar uni hurmat qiladi u odamlarga yoqadi.
Baribur jonli jonli omad Jahongir akaga Olloh hamisha qo'llab quvatlasin.

4 Shoxrux   (17-Май-2011 03:38)
omad tilaymiz woyadki bowqa sanatkorlar ham buni kurib urnak olsa

6 Otasch   (17-Май-2011 04:06)
Oldindan uzr so'rayman. Lekin kommentlarimizda ham "sh"lar "w"ga almashib ketyapti...

5 Muhammad(s.a.v)ning yo'lidagi chang   (17-Май-2011 03:51)
endi man o'zimni viloyatimni maqtab (movot atip deyiladi horazmchada ) nokamtarlik qilmoqchi emasmanu lekin san'at o'zi horazmliklani qonindo bo jahongir og'o jolli during netolko ves horazm balkim ves o'zbekiston siza isop damasa kallamni kasip baraman inoshi kommentimni qo'yinglo indi sayyod ijodkorlori avvalam ptta kommentlarimni qo'ymavadiyizla yena oytomon man bir viloyatni movot atip birsini yera urjoqim yo'q indi tolontli sanatkorni mohtomosom bo'midi na dadiyizla

7 Mashhur   (17-Май-2011 04:53)
Yaxshi, batafsil ma'lumotlarni kutib qolamiz.

8 QALQON   (17-Май-2011 05:15)
E qoyil bo'larkanu, bunaqa yangilikni bunaqa konsert to'grisidagi gaplarni eshitishni o'zi biz muhlislar uchun quvonchli voqea va judayam yoqimli! Oxiri mard chiqibdida! Raxmat sayt jamoasi va albatta Sardor! Salomat bo'lingge! Nasib busa kutamiz reportajlarizni! Jaxongir Otajonovga esa omad, ovoz, ohang tark etmaslin deb qolaman!

9 Figaro   (17-Май-2011 10:35)
Konsertga gap yoq zo'r dam oldik bunaqasi bo'magam ozgina sozgina boldi konsert omadla tilimiza Joxongirga

10 Masrur!   (17-Май-2011 11:00)
Konsertga tushmay turib, menga ma'qul keldi. Jonli konsert berganlardi 1si. Yulduz Usmonova (FARG'ONA), 2si. Osoda Saidzoda (ANDIJON), 3si e'sa Jahongir Otajonov bo'ldi (HORAZM)! Keyinchalik Nilufar Usmonova ham bersa kerak. Boshqa san'atkorlar burnini tishlab o'tirovursun, boshqa san'atkorlarga nimaga jonli konsert bermaysiz, deb savol berilganda (ovozi bo'lsa jonli aytadimi) doim muzika asboblarini bahona qilishadi. Mana bu yerda yozilganki teri oqib ketyapti deb, bu shuni anglatadiki, halol ishlab, mehmat qilib pul topyapturganini. Men bu yerda yozganlarimdi 2, 3 martalab o'qisengiz, tushunib olasiz. Kim kuchliyu, kimlar haqiqiy san'atkor va kimlar halol pul ishlayapti. P/s; Yulduzga baribir teng kelaydigoni yo'q. Jonli musiqa, ovoz va raqs. Har yili yangi imidj, yangi raqosalar.......!
Ответ: Юлдуз Маргилонлик Озода эса Туйтепалик.
Бек

11 Anti ) (   (17-Май-2011 11:14)
Gap yo'q, iloji bo'lsa tezro disklari chiqsa.
Birbirdan ustun san'atkorlarimiz ko'payaversin,Yulduzni ustoz gigantla qatoriga qo'shadigan bo'lsak
Jahongir keyingi gigantlar qatoridan joy olishga yaqin turibdi
Shunaq raqobatlar ko'paysin ilohim...bundan xalqqa maza bo'ladi va san'atkorlarni ham noni halol bo'ladi.

12 Жамшид Курбанов   (17-Май-2011 11:32)
мен уйлайманки Жахонгир бу концерти билан шоу-бизнесда факат пул эмас ОВОЗ ва КОБИЛИЯТ мухим эканлигини эслатиб куйди энди концертлар хам бироз узгарса керак чунки халк хам тушуна бошлайди

13 Dodi   (17-Май-2011 11:46)
Konsertni kutib qolamiz

14 Somsachi...   (17-Май-2011 12:22)
Man Adminlardan iltimos qilaman. Shu Masrur degan bolaga yaxshilab tushuntirib qo'yinglar iltimos. Bu sayt Yulduzning fan-klub sayti emas. Ibrohim kasal degan habar chiqadimi, Yakshanba muxlis minbari degan maqola chiqadimi farqi yo'q MASRUR obezatelno Yulduz opasiga bo'lgan muhabbatini izhor qilmasdan chiqib keta olmaydi. Yulduz bilan uyg'onib, yulduz bilan uxlasalar kerak. Iltimos adminlar iltimosimiz yerda qolmasin. To'gri sayt democratik, erkin fiklar uchun keng makon, lekin bu degani hadeb Yulduz opasiga paxta qo'yaveringlar deganimasku. Rahmat!

15 QALQON   (17-Май-2011 13:14)
Saida Vaxobova va Feruza Fattoxovalargayam katta minnaddorchiligimni isxor qilib qo'yaman. SHuncha malmotni tayorlab bizga etkazganilar uchun katta raxmat! Omadilani bersin. Ijodiy muvafaqqiyat tiliman! Konsertga keladigan bo'sam. Zo'r bo'bti. Jaxongir Otajonov etgan kamchiliklarni jonli ijrodagi qo'shiqlar suvab berkitib ketadi. Agar fonagrammada bo'agnida bu kamchiliklari aybdek ko'rinib qolardi. qancha yuqori baho bo'sa hammasi Jaxongirga! Ozovizga ovoz qo'shilsin. KO'z tegmasin. Mana endi bu martligizga sabr va jasoratam qo'shib oling. Nimagaki, sizni bu mardligizdan keyin san'atkor kasbdoshlarizni har hil gap so'zlariga chidashiz va bu gaplarni ko'tarishiz kere! Manga "Sinfdosh qiz" degan qo'shiq judayam yoqadi! Bu yil 10 yil bo'larkan maktabni ham bitirganimga. NAsib qimaganakan konsertga tushish. Mayli u kunlaram kelib qolar. Vatanga qaytishga oz qoldi! Qanchalar baxtlisilar aziz O'zbekistonni aziz erida yashab yurgan vatandoshlarim! sad

16 sohiba   (17-Май-2011 14:14)
Jahongr Otajonovga kotta raxmat,mana shunde mardlar chqb tursa asta sekn safi kengayadi jonli ijrochilani.(xalqimizi uzi jonli ijroni tanlasa bu narsa tez va oson bulardi)

17 Amir   (17-Май-2011 14:53)
Masrur siz yangi raqqosalarga qattu qiziqasiz shekilli a??? Odamni ensasini qotirvordiz Yulduzni raqqosalari duvurib, Hullas jonli konsert bu konsert, fonogramma konsertga borgandan moshinada CD eshitgan yahshi ortiqcha dahmazasiz.

18 Dilnoza   (17-Май-2011 15:45)
Saxna daxshatku o'zi oq rang baribir boshqacha ko'rk beradi. Unga omad

19 nilushka   (17-Май-2011 18:58)
Feruza Jumaniyozova opoqi bopqoptilaku

20 bek88   (17-Май-2011 19:18)
XA DILNOZANI FIKRLARIGA QUSGILAMAN

21 malishkaxon   (17-Май-2011 22:58)
Assalomu alaykum,malades Jahongir!O'z kozimiz bilan kormagan bosede,nu reportajdan koncert zor otganini hidi keldi.Lekin bittayam tanqid,yoki kamchilila kozga korinmagani g'alati tuyuldi

22 Олим   (17-Май-2011 23:44)
Хозиргина Жахонгир Отажоновни иккинчи кунидаги концертидан келдим, ЖОНЛИ ижро, булар эканку хакикий концерт куйиш. Бунака концертни шу якин орада курмаганман, ашулачини дарди + халкни кабул килиши + халкни кабул килишини куриб ашулачини илхоми = ХАКИКИЙ САНЪАТ БАЙРАМИ. Хамма фонограммада ашула айтувчиларга ИБРАТ. ЯША ЖАХОНГИР!!!

23 Masrur!   (18-Май-2011 00:10)
Somsachiga 2chi javob yozishim. Men Yulduzdi fanati emasman, ammo unga khiyonat ham qilmeyman. Sabab men 1 yurti shahrivandi e'masman, o'zga yurti O'zbegiman. Senlar nima qiyinchilik ko'rding, Yurtin, oilen tinch (ko'z tegmasin). Hammamizdi boshimizda avvalambor Olloh bor, keyin sizlardi boshingizda aqili podsholaring bor. Bizdi orqamizda Hudoyu, tili zahar, (yomon bo'lsa ham) Yulduz bor! Bilgan bo'lsang kerak nimaga uni avvaylashimdi. Ba'zan O'zbekligimga achinib ketaman... Hamma mavzudan chiqishimdi sababi, men shu saytdi muhlisiman,

24 NOZI   (18-Май-2011 02:40)
Жахонгирни овози кучли эди, жонли концертни эплашига ишонардим. Молодец, буларкану!

25 EL NINO   (18-Май-2011 08:46)
Masrurboy siz hozir qaysi yurtdaligizzi bilmadimu lekin man O'zbekligimdan fahrlanaman!!! qiyinchiliginiyam, musofirchiliginiyam ko'rib-bilib yuribmiz. Vatanni sevish hammagayam nasib qimagan. Yulduzni to'g'ri ko'pchilik yaxshi ko'radi san'atiga gap yo'q! tan olisham keremi uni davri o'tti hisob. Jahongir Otajonovga bundan keyingi ishlarida Ollohni o'zi qo'llasin!!!

26 Shuhrat79   (18-Май-2011 11:58)
Жахонгирга омад..мен бу болани рузгор мактаби курсатувида курганимда койил колувдим..хар сохада хам актив экан..

27 Birov   (21-Май-2011 00:24)
Sayyod Ulug'bek Otajonovdan biror yangilik bormi?

28 LOOOOOOOL   (21-Май-2011 04:20)
Qaranglar, FERUZA JUMANIYOZOVA HOMILATOR..... Ana sizga show-shuw...

Kuyov judayam kuchli chiqibdi-malades.


Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1008]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [66]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [238]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 61
Мехмонлар: 61
Рўйхатдагилардан: 0