Алишер Навоий киносаройига соат 16.30 да борганимда одамлар тўпланиб туришган эди. Соат 17.00 да залга хамма жойлашиб олишгач, сахнага "Манго” группаси чиқиб 2 та қўшиқ ижро қилишди. Сўнг эса бошловчи чиқиб фильм хақида фикрлар, унда роль ижро этган актёр  ва  актрисалар хақида гапира бошлади.    Шу орада сахнадагилар кимларнингдир фарзандли бўлгани билан табриклашгани, негадир режиссёрга шляпа кийгазиб роса кулишди))),  кимнингдир набирасию ва яна бошқа "ажойиб” гап сўзларга бой бўлди шу «таништирув маросими». 

Фақат шу нақд 56 минут ичида кўпчилик худди мендек зерикишга улгурди. 

 

 "Тилла бува”  фильмидан олдин "Оқ тулпор” номли мультфильм  намойиш этилди. Бу мультфильмнинг хам кичик премъераси бўлди десак адашмаймиз.  Бу мультфильмнинг айнан "Тилла бува” фильми билан бир вақтдиги намойишининг сабаби уларнинг ижодкорлари деярли умумийлигида деб тушундим)  Хуллас, мультфильм хақида фикрим ижобий. (жуда тез тугаб қолди)))

   Энди асосий қисм, фильм хақида. Комедик жанрдаги фильм.

      Ютуқларидан деб, фильмда тарбиявий тарафлари борлигини этишим мумкин. Миллатчиликка қарши бир икки гаплар, катталарга хурмат  ва хоказо. 

    Камчиликларига келсак,   Ўхшамаган юмор хаддан зиёд кўп менимча.

 Яна, фильмдан бир нарса ёдимга тушди. Илгари бир сериал бўларди, номи ёдимда йўқ, у сериалда Шохга маликаси эртаклар айтиб берар эди. Ўша ерда бир эртаги бор: "Шохнинг "шут”и бир одамнинг уйида овқатдан тиқилиб ўлиб қолади. Улар эса Шохдан қўрқиб ўликни қўшнисининг уйига ташлаб келишади. Улар хам бошқа жойга обориб ташлашади... хуллас, шундай қилиб ўша "шут”ни хамма ўзидан соқит қилиш учун  нималар қилишмайди.. Бу фильмда худди ўша сценарий қайтарилгандек) лекин фарқи, "Тилла бува”да у одам танаси эмас, қўғирчоқ бўлармуш))) Нахотки текшириб кўришмайди? Ёки одам билан қўғирчоқнинг фарқи йўқми?)))  ха майли...

 

Кулгили жойлари хам йўқ эмас албатта) айниқса Кампирнинг дарахтма дарахт юриши ўхшаган.  Шахсий фикр(!)

  Энди бошқаларнинг  фикрлари билан хам бўлишамиз: 

---

  "Daxshat...!!! Saxnaga shuncha odam chiqishidan .......O’zi ham saxnani u boshidan bu boshigacha bir qator bo'lib chiziliiiib turib olishdi, xatto epizodik ro'l ijro etgan odamlargacha chiqib olishgan,voy dod... endi shu ularni xammasini tanishtirguncha naqd 50 minutdan ko’p  vaqt ketti, yana kimlanidur farzandli bo'lgani bilan tabriklab...,buni zaldagi tomoshabinlarga nima keragi bor edi? Bundan maqsad nima? vaqtni cho'zishmi...? Film boshlanishidan oldin multik sifat "Oq tulpor" degan nimadur qo'yishdi,to'g'risi tushunmadim,  buni filmga nima aloqasi bor? Xullas...filmga keladigan bo'lsak Balkim boshqa odamlarga film yoqgandur, lekin manga to'risini etsam unchalik yoqmadi.”    

       

                                                                                    Нодира_М (форум ВИП гурух аъзоси)

---

   Кино яхши. Одамларнинг бир бирига бўлган мехрини кулги тарзида бўрттириб юборишган. Лекин хозирги бошқа фильмларга нисбатан яхшироқ. Кўпроқ ёши катталар учун мос фильм.  Шахсан менга ёқди.              

                                                                                                       Дилноза (Фан клубдан)

---

  "Оилавий фильм. Бачканалик эмаску лекин хазиллари сал қуполроқлари хам бор. Фильмни тамоша қилиб мароқли дам олдим”

 

                                                                                       Зиёда  (Томошабин аёл)