Паризода рақс дастаси рақс танаффусларини тақдим этди. Паризода шамлар билан баланд пошнасида  Хиндча рақсларини сакраб-сакраб тақдим этди (видеода кўрасиз).  

Тўйда кўп хонандалар ташриф буюришди. Хар бир ташриф буюрган хонандага куёв сахна олдига келиб пул қистирди. Шохжахон Жўраев тўйида хам худди шундай бўлганди. 

  Хонанда Райхон шу куни ўзини яхши хис қилмагани боис кела олмаганини маълум қилиб ёшларни табриклашимизни илтимос қилиб вацапдан хабар берди.

 Ўзбек эстрадасидан ташриф буюрган санъаткорлардан фақатгина Насиба Абдуллаеванинг олдига Шерали Жўраев келиб сўрашиб кетди. 

Бизнинг столимизда Адиз Ражабов, Муниса, Манзура, Насиба Абдуллаева, Амира Алибекова, Шохруххон,  Сардор Рахимхонлар мехмон бўлишди. 

 Манзуранинг лезгинкасифат қўшиғи рақс майдонини росмана портлатди.

 Нодир Жўраев, Шахриёр ва Адиз. Адиз Ражабов мутлақо янги стильда тўйхонага кириб келганида, бу унинг ашаддий фанати ва Адизга тақлидда фақат соч турмагида УММОНга тақлид қилибди деб ўйладик.  Адизнинг айтишича, рости хам "Уммон” стилида бўлишига оддий соч қуритгич (фен) сабабчи бўлган. Бошини ювиб чиққан Адиз, сочини қуритгач, ўзига хос соч турмаги хосил бўлганидан хайратланади ва бироз тахрирлаб шу кўринишда тўйда намоён бўлган. Унга бу соч турмаги жуда ярашганлигини шу куни хамма эътироф этди. (Видеода соч турмаги воқеасини Адиздан эшитасиз)

Айтганча, Адиз шу куни росмана талаш бўлди, у билан суратга тушадиганлар кўпайиб кетиб, уни тортқилаб иккига бўлиб ташлашларига оз қолди. 

Амира Алибековани шу куни ўзимга бошқа тарафлама, ижобий тарзда кашф этдим. Юморга бой, қувноқ  ва қизиқ сухбатдош.

 Сардор Рахимхоннинг тўйлардаги биринчи қўшиғини ярмидан шартта ўчириб, мехмонларни рақсга тушиш учун чорлашини аллақачон Рахимхонча бренд деб аташ мумкин. Бу сафар хам ўз шок танаффусини эълон  қилган Рахимхон рақсга чорлови нисбатан кескин ва қатъийроқ тарзда жаранглади.

 Шохруххон

Муниса Ризаева қўшиқларини юз фоиз жонли ижрода куйлаб даврани жонли қиздирди. 

Нилуфар Усмонова хамиша қувноқ ва шаддод. 

Тўй 23:00ларда  кутилмаганда тугади. Кутилмаганда деганим боиси, тўйхонадан одамлар хали кетмаган бўлиб,  бошловчи тўй тугагани хақида хабар берганида хамма соатига қаради. Кўпчилик, хусусан мен хам тўй хадли бир икки соат давомланади деб ўйлагандим.

Мен бир маросимни кутгандим) Торт кесилмадииииииииии)))))

 Шерали Жўраев фотиха бериб бўлиб  келин куёвни "Ўлан” ва "Ёр-ёр” қўшиғи билан кузатди.  Унга "Тўйлар муборак” қўшиғи билан Халим Жўраев якун ясади.

 Хуллас, "Италия”дан бошланган тўйда Хиндистон, Туркия, Қозоғистон ва Тожикистон оханглари хам намоён бўлди.