Зохиршох - "Мани дея" Клип - 6 Декабря 2013

Зохиршох - "Мани дея" Клип MP3|Video

Зохиршох Жўраевнинг "Мани дея" қўшиғини сайтимизда премьера қилган эдик. (Мп3 манбаа)

Тўйидан кейинги илк ижод намунасини тақдим этган кенжа Жўраев, клип премьерасини анча куттирди.

Мазкур клипнинг режиссери Тимур Примкулов эканлигини билганимда, очиғи клипдан кўпроқ нарса кутгандим.

Балки олдиндан ғоя шундай одмилик ва енгил лавхалар билан ўйлангандек. Бошқа тарафдан Тимур Примкулов шоу-бизнес оламида бетакрор лавхалари, кадрларга ўз йўналишига эга равишда, ўзгачароқ ёндошишига ўрганиб бораётганимизда, бу клип худди унинг ижодидаги ортга қадам, илк "разминка" ишларидек туюлди. Шунчаки рапидда ўтиб кетилган оддий клипдек.

Бошқа тарафдан, Жўраевларнинг барчага таниш инжиқликларини хисобга олса, балки бу тандемдан чиқиши мумкин бўлган энг аъло лавхалардир)))

Клипни бу билан ёмонламоқчи эмасман, шунчаки, Тимур Примкуловдан бошқача ва янада аъло ижод намуналарини юқори шкалага қараб кўтарилаётганини кузатаётгандик холос.

Бевосита клип мохиятига тўхталсак, таваллуд айёмини нишонлаётган хонанданинг ўз севгилисини кутаётгани ва албатта хар бир эртакда яхшилик билан тугаши керак бўлганидек, унинг ташрифи билан якунланишини кўрамиз. Ва албатта хонанда шоду хуррам!) Бахт учун яна нима керак?

Клипда!)

Фақатгина, ё манга шундай туюлди, ё клип мохиятига кўра, хонанданинг туғулган кунидаги мехмонлари "такккой"лар бўлиб , унинг суйган қизи эса оддийроқ қиз ва балки шунинг учун унинг ташрифи мумкинлигига ишонқирамай куйлагандир ва балки шунинг учун охирида фақатгина совғасини олиб, ўзини ичкарига таклиф қилмагандир?

Қайдам?))

У санъаткоров свои причудлари)

Дераза олдида узоқ мўлтиллаб, камига яна куйлаган Зохиршох қахрамони охири қизни совғасига эришди)

Юқоридаги икки табақалик фикри эса, мехмонларнинг каттароқ совғалари, қизнинг эса кичиккина ва одмироқ кўринишда бўлгани, бошқа мехмонлардан фарқли (хиралаштириб аниқ қиз кўрсатилмаган бўлсада) оддийроқ кўринишда бўлгани (масалан соч турмаклари хам) шундай фикрга келишга ундади. Ха, яна ичкарига таклиф қилмагани хам десам а?)))

Балки клипдан кейин таклиф қилингандир)))