Ижодкорларнинг фақатгина эфир ва ёки сахнадан туриб намойиш қилаётган ижоди эмас, мана шу ижоди орқали муносиб хизмати бахоланиши хам керак.  Пойтахт сахнаси ёки турли тадбирларидаги хизмати билан бутун бошли Республика ўлчанилмайди ва бу борада вилоятларга бориб турли ижтимоий лойихалар юзасидан халқ билан хамнафас бўлганлар, пахта далаларида Республикамизнинг миллий бойлиги устида мехнат қилаётганларга маданий хордиқ хадя этиб, уларни чарчоғини чиқаришда жонбозлик кўрсатаётган артистларимиз бор.

Афсуски, асосий олқиш ва тан олинишга  рейтинг каби тушунчалари билан шунчаки эфирда кўринганлар сазовор бўлиши кўп учрайди. Республика миқёсида ва Республикамизнинг ижтимоий тарғиботига  фойдаси тегиб юрт равнақи, ёшларнинг маданий тарбияси ижобий шаклланишига муносиб хисса қўшиб  хаққоний хизмат қилганлар эса нафақат  тан олиниши, балки рағбатлантирилиши  мухим. 

2014 йил давомида инстаграм оламини кузатар эканмиз, ўша рейтингдаги машхур хонандаларимизни кўпчилиги вилоятларда хизмат қилаётганини кузатиб уларга бўлган хурматимиз ошди. 

15-январь куни "Ўзбекнаво" эстрада бирлашмасида мазкур ташкилотнинг 2014 йилги хисоботи тақдим этилади ва бу давр ичида ижтимоий тарафлама хамда давлат тадбирларида фаол бўлган ижодкорларни тақдирлаш хам кўзда тутилган.

Мазкур тадбирдан сайтимизда бевосита репортаж  тақдим этилади.