26-март куни "Ўзбекнаво" эстрада бирлашмасининг янги рахбари, Маданият ва спорт ишлари вазирининг ўринбосари – “Ўзбекнаво” эстрада бирлашмаси Бош директори Аҳмедов Баҳодир Маджидович  билан  сайтимиз танишуви бўлиб ўтди.

Келгусидаги хамкорлик ишлари, санъат равнақидаги ижодий ғоялар ва фикрлар алмашинди.

Ўз курсиси даражасидан кўра маъсулияти кўпроқ сезилган янги рахбарнинг режалари мен кутганимдан хам кўлами кенглиги сезилди.

Бу йилги "Наврўз" тантанасини эфирдан кузатиш менга жуда қизиқ кечганди. Ўзим билмаган миллий фолклор сахна кўринишлари, ўша хоккейни тарихи хам аслида бизни миллий урфларимизга тақаладиган ўйинлари намойиши, "Соғлом бола" йилига урғу берган холдаги иқтидорли болакайларнинг чиқишлари (айниқса хоразм болакайларига гап йўқ) буларнинг хамма ташкилий ишлари айнан Баходир Маджидовичнинг мухим ва муносиб хиссаси остида бўлганлиги, унинг келгусидаги бу лавозимида ўрни номига эмаслигидан далолат бўлса керак.

Режалар ўз йўлига, аммо унинг негизидаги фикрлаш доираси, қадр-қимматлар борасидаги ва шу лавозимдаги муддати эмас, унинг натижалари хақидаги тушунчалари унга бўлган илк хурматни туғдирди.

Учрашувдан янги лавозим бу сафар хам ишончли қўл остида эканлиги ва реалликдан чекинмаган оптимистик рухдаги рахбарнинг қалбида ижод яшаётганлигини хам гувохи бўлдик.

Бу эса, санъат сохасида ишлаётган нафақат хар бир инсон учун, балки айнан рахбарият учун хам жудаям мухим, зеро санъат борасидаги бошқарув ишлари айнан изланиш ва ижодий ёндошувни талаб этади. Бу тарафлама янги рахбардан хозирча кўнглим тўқ бўлди.

Қолганини эса вақт кўрсатади.

Харакатлар натижасини кузатиб борамиз.