Бош сахифа » 2014 » Февраль » 21 » Ўзбекнаво эстрада бирлашмасидан Мастер класс!
23:08
Ўзбекнаво эстрада бирлашмасидан Мастер класс!
ВИДЕО:







     "Соғлом бола йили” Давлат дастурида белгиланган вазифалар ижросини таъминлаш, Президентимиз рахнамолигида мамлакатимизда миллий эстрада санъатини ривожлантириши борасида амалга оширилаётган улкан ва ҳайрли ишлардан кенг жамоатчиликни хабардор қилиш мақсадида бугун 21 февраль куни соат 15:00 да Ўзбекистон Республикаси президентининг 2008 йил 8 июль "Болалар мусиқа ва санъат мактабларининг моддий - техник базасини мустахкамлаш ва уларнинг фаолиятини янада яхшилаш бўйича 2009-2014 йилларга мўлжалланган  Давлат дастури тўғрисида”ги  ПҚ-910-сон қарорига асосан янгитдан қурилиб, фойдаланишга топширилган Тошкент шаҳар Чилонзор туманидаги 8 сон болалар мусиқа ва санъат мактабида "Ўзбекнаво” эстрада бирлашмаси томонидан таниқли ва ёш эстрада хонандалари иштирокида "Ватанни мадҳ этайлик!” мавзусида ижодий учрашув ва мастер-класс ўтказилди.



Тадбирда Халқ таълими вазири ўринбосари Абдуғани Холбеков, Чилонзор тумани хокими, "Ўзбекнаво" эстрада бирлашмаси жамоаси, артистлардан Озодбек Назарбеков, Гулсанам Мамазоитова, Алишер Файз, Зиёда, Малика Эгамбердиева, Умидахон, Амира Алибекова, Тамила, Рухшона   ЭлДиДо  ва  Шод  гурухлари, Самандар Хамроқулов, Сарбон гурухи, Алишер Рўзметов ва бошқалар қатнашишди. 



   Тадбирнинг биринчи қисмида  мактаб ўқувчилари билан мастер  - класслар ўтказилди. Мастер класс мактабнинг ўқув хоналарида ўтказилди. Унда Озодбек Назарбеков, Гулсанам Мамазоитова, Умидахон, ЭлДиДо гурухи, Сарбон гурухи, Алишер Рўзметов ва Зиёда болалар билан биргаликда қўшиқ айтишди ва болаларга керакли бўлган маслахатларни бериб ўтишди. 







Мастер класс дарсларидан сўнг тадбирнинг иккинчи қисмида  мактаб ўқувчилари ва эстрада хонандалари иштирокидаги концерт дастури тақдим этилди. Бошловчилар Анвар Тожиев ва ушбу мактаб ўқувчиси Диана Ружевская сахнага чиқиб аввалига тадбир  ва мактаб хақида маълумотлар бериб ўтишди. Сўнг тадбирни очиб бериш учун сахнага Ўзбекнаво эстрада бирлашмаси рахбар ўринбосари  Музаффар Акрамов таклиф этилди. 



 Концерт дастуридаги илк  чиқиш Малика Эгамбердиева ва ушбу мактабнинг 2 синф ўқувчиси Назокат Астанова томонида бўлди ва улар "Ўрик гуллаганда” қўшиғини куйлашди. 





 Кейинги учта чиқиш мактаб ўқувчилари томонидан бўлди, "Тановар” халқ мусиқаси, "Yiruma”  -  Весенный дождь” ва "Доира” мусиқаларини жонли тарзда мусиқий асбоблар ёрдамида ижро этиб беришди.





 Қолган қўшиқлар эса негадир фонограмма ёрдамида ижро этилди. Мана шу ердан бир бошидан мени қийнаган муаммога эътиборни қаратсак...



   Тадбирнинг яхши тарафлари, табиийки, шу тадбирнинг уюштирилиши, болаларнинг мусиқий билимига бўлаётган эътибор ва хоказо.



Концерт дастурида Зиёда, Умидахон, Гулсанам Мамазоитова ва Озодбек Назарбековлар қатнашишган бўлса, биламизки айнан шу ижодкорлар жонли ижрода бемалол куйлай олишади. Лекин бу тадбирда фонограмма орқали  куйлашди.  Мастер класс яхши хамки жонли бўлди.  



Мактабда мусиқадан билим олаётган болалар учун "зўр” тарбия! Тайёр мусиқани қўйиб беришдию, у хатто ўша қўшиқчининг овози билан қўшиқ куйлади. Кулгулик холат! Тадбирни очилишидаги бир гап ёдимга тушди: "ушбу даргохда таълим олаётган ёшларни рухан қўллаб қувватлаш мақсадида...” Рухан қўллаб қувватлаш хам фонограмма ёрдамидамикин?))) Қизиқде))) 





Ўша ерда тарбия олаётган ёшлар билмайди деб ўйлашадими фонограммани? Синф хоналарида мастер класс вақтида улар хам жонли куйлашдику! Бундай тадбирларда фонограмма бўлса, унда Истиқлол санъат саройидаги концертларни фонограммаси учун рахмат хам айтаверсак бўларкан!



Билмадим.. бундай тадбирларда фонограммага умуман жой бўлмаслиги керак! Шахсий фикр!





   Тадбир сўнггида Озодбек Назабеков ва Ўзбекнаво эстрада бирлашмаси рахбар ўринбосари Музаффар Акрамов сахнага таклиф этилиб,  эстрада хонандалари номидан 8 - сонли мусиқа  мактабига энг замонавий компьютер ва принтер совға  тариқасида топширилди.





 "Ватанни мадх этайлик” мавзусидаги ижодий учрашув дастури Ўзбекистон халқ артисти Озодбек Назарбеков хамда мусиқа ва санъат мактабининг ўқувчилари ижросидаги "Ўзбекистон боласи” номли қўшиғи фонограмма орқали оғизлар қимирлатилиб, якун ясалди.



(Узр, фонограмма орқали ИЖРО қилинди дея олмаймиз, мантиқан нотўғри гап бу, умуман нотўғри)  



                                                                                       Фото:      Абдурахмон Содиқов
                                                                                Репортаж:      Шахло Қодирова
Бўлим: Suhbat | Intervyu | Reportaj | Кўрилган: 10319 | Чоп этди: writer | Теглар: Uzbeknavo

Нравится
Барча изохлар: 10
1 zaya   (22-Фев-2014 03:14) [Материал]
san'atkorlarga "fonogramma. . ." devurib, og'izlar ham charchab ketdi(((

2 zaya   (22-Фев-2014 03:16) [Материал]
umuman uzi fonogrammasiz kuylashni iloji bormi baraka topkurlar?!(

3 kamtar1   (22-Фев-2014 08:55) [Материал]
бошида бу макола бошка бир газетадан кучирилганми деб уйладим, кейин хаммасини укиб чикиб Sayyod томонидан ëзилганига амин булдим.

4 Zulfiya_A   (22-Фев-2014 11:28) [Материал]
когда уже наконец запретят использовать фонограмму?!

5 umidshorofidinov   (22-Фев-2014 15:49) [Материал]
Bu maktabga xonandalar nima o'zini ko'rsatgani borishibdida o'zlariga yarashmaydigan qiliq qilishibdi albatta

6 sheyda   (22-Фев-2014 16:51) [Материал]
Мда очень больная тема...
азиз санъаткорлар (если их можно так назвать особенно некоторых) узила жонли куйлашга кучила истеъдодила етмидиде, ёки дангаса булиб кетганмисила билмадим. Кейин биззи публика жонли ижрони тушунмиди (как бы не для вас)диб хаммасини тингловчилага халкка тункаб куя коласила. Койил.
тугри бу гапдаям канадир маънода жон бор. Нимага? Мпна йилли бошидан уже нечта концерт булди,кайси бирида жонли ижро этишди? Ман бормадим аник этомиману лекин хич кайсинисида. Концертлани нархи потолок уртача 100 000 буса шу тулавотган пулилага яраша талаб килила. Рекламада фонограмма дивоттими бормела. Узила билиб туриб борасиладе кн яна качон була жонли этади дисила? Бунакада хич качон. Иктисодни конунини эслилик талабга таклиф буйсунади,буйсунми иложи йу.... шу оддий коидага риоя килиб фонограмма дидими бормела шу концертлага. Бир курардик санъаткорлани ахволини зал тулми тиккан пулиниям чикаромаса ё бошка концерт бермиди ёки жонли этишга харакат килади. 2 хафта 3 хафталаб концерт беришади кпни бир жонли 2 3 кун концерт куйишсинчи курардик ким хизмат курсатгану ким халк артисти эканлигини. Раз биза истеъмолчимизами шу концертга санъаткорни хурмат килиб борвоммизами хаккимизани талаб килилик. Ёки уша концертга сарфлаган пулли кучадан супуриб кевоммизми? Хуллас чакалок йигламаса онаси эмизмиди.

7 SOTIMXON   (23-Фев-2014 01:44) [Материал]
insof bersin bularga  diyman holos

8 osvititel   (24-Фев-2014 01:08) [Материал]
master klass kimlaga otildi artistlagami ?! )))) otmagay tong ni etgan qizni tarbiya qilish kere ovozi yahshikan!

9 BOBOSHER   (24-Фев-2014 18:55) [Материал]
OZOD  vashshi jonga tegib ketdiku, faqat bir xillik uzgarish yuq, kamiga Gulsanam sherik sanat ikkovingga qoldi gazini bosinglar \

10 Али   (28-Фев-2014 17:07) [Материал]
Озод одамни жонига тегиб кетдику,БОШКАЛАР ЙУКМИ???

dth="100%" cellspacing="1" cellpadding="2" class="commTable">
Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

YUQORIGA!