Усмонова "барби" образига киришиб кетди. 20 январь қандай ўтди? - 21 Января 2012

Усмонова "барби" образига киришиб кетди. 20 январь қандай ўтди? Yangiliklar

20 январь куни ижодий жамоамиз иккига бўлинган холда тадбирларни кузатди.

Феруза премьерага мен эса концертга йўл олдик.

Аввал сўз Ферузага:

Премьера

20 январь куни соат 17.00 да Алишер Навоий (собиқ Панорама) киносаройида "Бахт уйи” бадиий фильми, "Айтсам ишонмайсиз...” мультфильми премьералари бўлиб ўтди.

Дилноза Кубаева ва Адиз Ражабов фильм ижодкорларини ўзига хос қувноқлик билан томошабинларга таништирдилар.

Фильм режиссёри Акбар Бектурдиев

Дилноза Кубаеванинг номи эълон қилинганда, кутилмаганда унинг ўғли, саҳнага унга гул олиб чиқиб бериб, табриклади.

Фильмнинг ахборот кўмаги сифатида хамкорлик бўлмагани сабабли, тўлиқ репортаж амалга оширилмади.

Феруза Фаттохова

Рахмат Феруза! Энди камина Sayyod, концертдан "кўзларингизга айланаман"))

"Бенифис"

Шу куни "Зарафшон" концерт залида соат 18-00да машхур раққос Сергей Злотниковнинг юбилей концертига камина, Шахзода, Нилуфар Усмонова ва Даврон Муқимовлар таклиф этилган мехмонлар сифатида ташриф буюрдик.

Сергей Злотниковнинг рақс гурухисиз бугунги кунда деярли хеч бир шоу-дастурлар ўтмайди. Машхур хонандаларимизнинг концертидан то клипларигача иштирок этаётган бу гурух рахбари Сергей Злотниковни сизлар Россиялик Нюшанинг "Не перебивай" ва Максимнинг "Весна" қўшиқларига ишланган клипларидаги бош қахрамон сифатида танийсиз.

Бу кун унинг хам таваллуд айёми ва хам "Кўча рақслари стилида яша!" деб номланган концерт дастурини тақдим этишди. Албатта рақслар ажойиб.

90-йиллар кетма-кетлигида ўша даврлар мода бўлган "Барби" қўшиғи ва унга сахналаштирилган рақс бошланганида Нилуфар Усмоновани шахсий бенифиси бошланди))))

У атроф оламни унутиб болаликка шўнғиди.