Эркак учун кичик, аёлга эса олам! У нима? Tabriklar
Эркак учун кичик, аёлга эса олам! У нима?

Ёқдими?

Бошқаларга хам кўрсатинг:

 8-Март халқаро хотин-қизлар байрамига атаб, мамлакатимиздаги машхур аёлларимизга биргина савол билан мурожаат қилдик:

-Эркакларга билинмас ва кичикдек туюлгану лекин, аёлни бахтиёр қила оладиган нарса нима?


Гулчехра Жамилова:- Хаммага хар хил нарса. Шахсан мени ўзим учун у инсон мени тушуниши кераклиги. Ёнимдаги инсон зийрак бўлиб, битта қарашимни ўзида илғаб олиши керак нимани хозир истаётганимни. Мен гапирган нарсамни у шунчаки эшитиши керак эмас, айтишадику "Слушать не надо, надо слышать” деб. Бир хил инсонлар бошини қимирлатиб эшитаётгандай бўладию, лекин ҳаёли бошқа жойда бўлади, гапизни бўлмайди, жим эшитаётгандай бўлса-да, нима деётганингизни уқмайди. Шахсан мен учун мени гапимни уқиши керак, мен билан хамнафас бўлиши керак. Кўп йиллар мобайнида бирга яшаган инсон кейинчалик бир бирини  кўз қарашидан илғаб кетади. 

Ота онам шунақа эдилар, уларга кўп хам гап керак бўлмасиди. Яна нима дейиш мумкин, қисқаси Эркак киши эъзозлашни билиши керак. Масалан, онам кир юваётган бўлсалар, отам ишдан келганларида "овқатим қани” деб айтмасдилар, онамлар ишларини ташлаб отамга "овқатингиз тайёр, келинг” десалар, отам "хоп хоп, хозир” деб, кирларни чайишга киришиб кетардилар. Ана буни олманинг икки палласи дейиш мумкин. Чунки қарс икки қўлдан чиқади. Эътибор, бир бирини эъзозлаш -  хаётда бу нарса аёл киши учун энг мухими.


Шахноз: - Самимийликни ажрата олмайди кўп эркаклар, хаммасимаску, лекин кўпчилик.  Масалан, сиз самимий бирон нарсани гапирасиз, ўзингизни самимий тутасиз, кимдур эса носамимий бўлиб, хис қилмаётган нарсани кўрсатади. Лекин у аслида ундай эмас. Ундай инсонларда бу нарса овоза қилиш учун керак. Худди беш кўл баравар бўлмаганидек, хамма хар хил. Самимийликни кўпчилик ажрата олмайди, масалан аёл кишида  макр бор, ўзини кўрсатиш бор, рахм уйғотувчи йўллари бор, ёлғондан бўлади шуларнинг кўпи, сохта бўлади.  Шуни хам ажрата олмайди кўп эркаклар, айнан сохталик ва самимийликни. Ўзининг фикри бўлмайди, ёки фикрини ўзгартириш осон жуда. Гапириб гапириб фикрини хам ўзгартирволиш мумкин. Хуллас, агарда  аёл кишининг самимий ҳис туйғусини ажрата оладиган эркак бўлса, аёлни бахтли қила олади.

 

Зиёда: - Менимча энг яхшиси бу ширин сўз деб ўйлайман. Ширин сўз бўлса, аёл киши доим бахтли бўлади. Агарда уруш жанжал бўлса, аёл киши бахтли бўлолмайди. Озгинагина ёмон сўз хам аёл кишига оғир ботади, чунки аёл кишимиз. Совға, унинг кичик ёки катталигимас, энг кераклиги бу ширин сўз.  Кейингиси эса  эътибор бўлади.


Асал Шодиева;- Эркакларга кичик бўлиб кўринган нарса, гохо  аёл учун мухим ахамиятга эга бўлади.  Хар бир аёлнинг ўзининг   индивидуал ва  шахсий бўлган шундай кичик нарсаси бўлади.


Райхон:-Диққатнинг хар бир кўриниши:  майин  ва ёқимли сўзлар, смс, изхорлар, комплиментлар,...

Лола Зуннунова (ўз тажрибасида айтади): - Оддий кунда, хеч бир сабабсиз,  гул олиб келишлари ёки,  мен кутмаган пайтимда , шунчаки яхши кўришларини айтсалар,  жуда хурсанд бўламан.  Бундай холатлар бўлиб туради.


Феруза Жуманиёзова: -Эркак байрамларда совғани зўрини олиб келиши мумкин, қиммат нарса олдим яна нима керак диб ўйлаши мумкин,лекин мехр ва ширин сўзсиз берилган совғадан менга биргина мухаббат билан айтилган "жоним" сўзи афзалроқ!!! Уларга бу сўз арзимас бўлиши мумкин лекин, аел учун бу сўз суюкли ва ягона эканини билдириб туради! Шундай экан, совға билан мехр мухаббатли сўзларни хам айтиб туринг!


Шахзода: - Сийқаси чиққан жавобдир лекин, аёлар қулоқлари билан севади дегани рост. Бирон бир сабабсиз , кутилмаганда аёлга айтилган майин ва ёқимли сўз, уни бахтиёр эта олади. Лекин бу севганидан бўлиши керак албатта!


Манзура:- Эркакларда  фикрлаш доираси яхши ишлаши керак.  Суйганига хар куни диққатини аямай, ёқимли холатлар билан  хайратлантириб ,  мухаббатини исботлаши керак.

Мадина Мумтоз:- Биринчи навбатда  аёллар ва қизлар  барибир март ойи кириб келиши билан ўзлигининг байрами кириб келди деб ўйлашади. Хар бир оилада хар хил шароит бўлади. Кимдур катта совға олади, кимдур умуман совға ололмайди. Баъзилар шу совғасинин берсам  бўлди деб ўйлаб, ширин сўзини аяйди. У бу нарса олиб бериб, бўлдими қутилдимми дейишади. Хар хир эркаклар бор, айнан шу байрамлар арафасида эркаклар ўзгариб қолишини кўп кузатганман, кузатувчан аёлман ўзим. 

Оддий бир кичкинагина нарса бор ва кўп аёллар шунга мухтож, бу ширин сўз ва эътибор. Шу байрам куни айнан, майли катта совға беришмаса хам, ширин сўз билан табриклаб, "Менга кераксан, бахтимга соғ бўлгин” ва шу каби гаплардан фойдаланиб, эрталаб ётоғига нонушта олиб келибми, ёки айнан шу 8 март куни аёлига хеч қандай иш қилдирмаса, масалан агар совға олиб беролмаса, шундай йўл билан уни хурсанд қилса бўлади албатта. 

Аёллар барибир харакат қилади, эрини тушунишга, имкони бўлмаса, талаб хам қилмайди. Буни кимдур аёлим шундай қилишга мажбур деб тушунса, кимдур қадрига етади.


Нилуфар Усмонова:- Аввало эркакка боғлиқ бўлган, уйдаги тинчлик ва  хотиржамлик. Диққат эътибор ва икки оғиз ёқимли сўз,  катта совғаларни ўрнини босади.

Дилноза Кубаева: - Менимча хар бир аёл билан дўстона ўтириб, жуда хам дилдан гаплашиб , худди психологга ўхшаб хар бир эркак ўз аёли билан гаплашиши керак деб ўйлайман. Шунда хар бир муаммо ечилади. Дилдан сухбатлашиб, дўст бўлиб, ўша муқаддас никоҳ шартларида қанақа  ваъладар берилади, тўғрими, шуларни ўйлаб, Оллоҳнинг розилиги йўлида шу жуфти ҳалоли билан хар доим , яхши – ёмон кунида хам иккиси ўтириб, дўст бўлиб, ичини очиб,  нима мавзуда бўлса хам, чин дилидан вақт ажратиб, эътибор бериб  гаплашса,  бу исталган аёлни бахтли қилади. Бундай эр билан икки дунё саодатига эришиш мумкин. Лекин бизнинг эркакларнинг кўпи "Аёл киши нимани хам тушунарди, у оми” дейди  ёки  кечирасизу "Тупица” ва  "товуқмия” деган сўзни хам ишлатадиган эркаклар бор. Мен жуда хам хафа бўлиб кетаман, шунақа гапларни гапирадиган эркаклар хақида эшитганимда. 

Қарс икки қўлдан чиқади, қачонки эркак беэътибор бўлса, кейин аёли хам ундан совийди, у хам эътибор қилмайди. Аёлларимизни энг бахтли қиладиган жихат бу хамиша дилдан унга қилинган эътибор, чин дилдан қилинган хурмат ва эътибор. Масалан, аёл киши ўзидан ўзи сиқилмайди, ўзидан ўзи асабийлашмайди, бир томчи кўз ёши хам бекорга чиқмайди, шунинг учун хар бирини эркак киши гулдек асраб, эҳтиёт қилиши керак. Эркак киши аёлини ўз кафтида қандай парвариш қилса, аёлида шуни таъсири кўриниб туради, уни  юз кўринишида, қоматида,  кайфиятида, рангида, соғломлигида хам, эркакнинг  оиладаги мехр мухаббати қай даражада эканлигини аёлнинг  юриш туриши, кийиниши,  хулқ атвори, ранги рўйига таъсири бўлади. Кўп эркаклар ўйлайди, "мана қиммат қўйлак, французкий атир олиб бераман,  бриллиант тақинчоқ, музлатгични тўлдириб қўяман, бўлди, жим ўтиради” деб, йўқ, бу билан аёл бахтли бўлмайди.


Муниса Ризаева;- Ёқимли ва майин сўзлар, диққат ва эътибор, самимий ва хеч қандай манфаатсиз хаққоний муносабат...

Ширин Ғофурова (водий садоси рж):- Турмуш ўртоғимга арзимас бўлган,баъзида айтишга эриниб турадиган "ойижониси" деган сўзи мени хурсанд қилишга қодир! Бу сўз айтилдими, биламанки эримни кайфияти аъло, ишидаги муаммоларни деб аламини менга сочмайди. Майда чуйда нохушликларга асабийлашвермаса хам , бу мен учун байрам! 

Эркак аёлига кулиб қараши хам улкан савоб экан, шунинг учун тил жағ мушакларини ишга солиб, табассум билан менга қарасалар бўлди, кун бўйи хушхол юраман, уша куни эфирим хам зўр кайфиятда ўтади ва мени тинглаётган одамларнинг хам кайфиятига таъсир килади! Кўрдингизми , биргира арзимаган табассумни кучини? Шу кайфиятда бўлсам, ишда чарчаганим, болаларимнинг хархашаси хам билинмайди! Шундай экан эркаклар, кулиб, хуш кайфиятла қаранг аёлларингизга, майда камчиликларига кўз юминг, ахир биз катта камчиликларингизга кўпинча кўз юмамиз. 

Шахзода Матчанова :- Умуман олганда, ўзаро муносабатда эркак кишининг севимли аёли учун, хар бир қилган иши аёлни бахтли қилади.  Барчаси! Лекин, энг мухими бу эътибор! Биз аёлларни эркакларнинг эътиборидек  хеч нарса бахтли этолмайди. Биз учун эътибор нимани англатишини тушунтириб бераман. Эътибор бу: эрталаблари  ёқимли  смс хабарлари билан уйғотиши, тунда эса ширин тушларни тиламоғи, кун мобайнида тез тез қўнғироқ қилиши (Овқат еган емаганлигимдан хавотир олиши, нима иш билан машғуллигим ва бошқалар. Нималар билан бандлигим билан қизиқиши), хеч бир сабабсиз гуллар совға қилиши, вақтни биргаликда ўтказишимиз (кечки овқат, кино, сайрлар ва хоказо,  ширинсўз  ва майин  бўлмоғи, жанжаллашмаслик, тушуниши (Хеч бўлмаса бунга харакат қилиши), рашқ қилишга сабаб бермаслик, унинг учун доимо энг мухими бўлиш, менинг ишларим ва муаммоларим хақида сухбатлар қуриш, шунчаки сабабсиз ширинликлар олиб келиши, асабий холатда бўлганимда мени тинчлантириши,  комплиментлар қилиши, хар доим кутиб олиш ва дугоналарим билан бўлган учрашувлардан сўнг кузатиб қўйиши,  хар хил сюрпризлар уюштириши, лол қолдириши, севиши, асабларимни асраши, мени эхтиёт қилиши, агарда мен касал бўлиб қолсам, шифокорларга  мен билан бирга бориши (чунки шифокорлар азоб беради , ёнингиздаги ёрингиз эса доим сизни тинчлантириб, бошингизни силаб қўя олади), келажак хақида биргаликда орзу қилиш, менинг касбимни, яқинларимни ва дугоналаримни  хурмат қилиши,  шоппингга биргаликда бориши, Онамни таваллуд айёмларида, 8 март кунида  ва Янги йил байрамларида табриклаши, чунки Онам мен учун мўтабар  ва айнан улар сабабли  у инсон билан мендек ажойиб  қиз муносабат қурмоқда)))

   Рўйхат узун кўриниши мумкин, лекин буларни бажаришга харакат қилинса, хеч қандай қийинчилик туғдирмайди, фақатгина ўша эркакка рохат  бахш этади, аёлни эса бахтлироқ  қилади! Аёлнинг бахти ёрига   боғлиқ, унинг бахти  эркак киши учун энг  мухими бўлмоғи лозим! Чунки у доим бир поғона баландда, ақллироқ ва кучлироқ! Ва яна... Эркаклар! Ёдингиздан чиқмасин, 8 мартни қандай кутиб олсангиз, йилнинг давомини хам шундай ўтказасиз! Байрамингиз билан, мехрибон ва гўзал хонимлар! Ва эркакларнинг ҳаётини айнан бизлар безатиб турганимизни ёдимиздан чиқармайлик, бизларсиз улар нима хам қила олишарди?!  Доимо ўзимизни қадрлайлик, табассум қилиб, фақатгина яхши нарсалар хақида ўйлайлик! 


Лола:-Ишга кетиб, сизни ўпиб қўйиши ёдидан кўтарилганлиги учун ортига қайтиб келиши, сизнинг суратингизни ёнида олиб юриши, шўр қилиб қўйган таомингизни хам мақтаб охиригача еб қўйиши, фарзандларингиз   бирнималарни узоқ айтиб беришини сабр билан тинглаб, унга бу қизиқдек кўрсатиши,  уйғонганингизда сизга ярим соатдан бери тикилиб турган севимли кўзларни кўрмоқ, . Ва энг асосийси, хурматли эркаклар, унутманг:  совға асосий нарсамас, диққат мухим лекин, дазмол, кирмошина, чангютгич, шарбатсиқар ва ошхона комбайнлари аёлингизни бахтли қила оладиган диққат тури эмаслигини унутманг. Ундан кўра, қўшни боғдан гул узиб келтирган афзал...

Насиба Абдуллаева:-Масалан, аёл киши фақат мени ёдимда бўлади деган, саналар билан боғлиқ бўлиши мумкин. Ёки оддийгина турмуш тарзидаги, аёлнинг тиш пастаси деймизми, шу нарсаларни қайсинисини қўллашини билиш, ёдда сақлаш, мана шу кичик нарсалар аёлга жуда ёқимли.  Менимча асосийроғи, бу  ўша  саналар билан боғлиқ бўлса керак, танишган куни, изхор онлари,  асосан аёллар ёдда сақлайди буни. Кутилмаганда, бугун фалончи кун, илк маротаба мана бу куни, мана бу ерда   учрашгандик деб қолсангиз борми? Бу аёл учун жудаям кутилмаган ёқимли онлар бўлиши аниқ.

Нима учун шунча аёл санъаткорлар бору лекин, бахор ва 8-март десак, аксарият ОАВ ходимлари , асосан айнан сизни ёдга олишади ва шу куни сиздан интервью исташади, шу фаслга сизни қиёслашади, бунинг сабаби нимада деб ўйлайсиз?

-Билмасам, буни билмаган эканман.  Балки шундай майиндирман (кулади).

 

Барча аёллар шундай майин, нафис ва латиф бахор ойи билан қиёсланишини тилаймиз.

Байрамингиз муборак, опа-сингиллар!

 

08-Мар-2013 05:52
Бўлим: Tabriklar | Чоп этди: Sayyod | Тег : Shahzoda Matchanova, Dilnoza Kubayeva, Shahzoda, Nasiba Abdullaeva, Shahnoz, Rayhon, Munisa Rizayeva, Nilufar Usmonova, Manzura, Gulchehra Jamilova
ТЕГИШЛИ МАВЗУЛАРДА:

1 Ziyokor   (08-Мар-2013 06:01)
Barcha ayollarni tabriklaymiz. Baxtimizga sog' bo'lishsin

2 Shahzod_S   (08-Мар-2013 06:31)
Lola qani yog'u

3 Xongrek_   (08-Мар-2013 07:09)
lekin tan olilar ayollar mart oyi krishi bilan sovga kutasizlar quru gap baribir quru kopchili shirin soz kifoya debdi quru tabrikleng ayolizi sekin anakonda tusiga kirishshi boshledi bu aniq narsayu shaxzoda chiloli bop ketibdi vachayyttt sevamanda shaxzodani ))) ziyoda shpaklyovkani rosa bop labdiyu evro remont bop ketibdi biggrin shaxzoda matchonovani gaplarini oqib torisi kulvordim siz oylagandaqa erke bomasa kere doim sizi oldizda galatiyu sizga menimcha yaxshi xizmatkor kere sodiq xizmatkor))) NASIBA ABDULLAEVA voyyyy qare xaqatan ajoyibda ozgarmabdi ajoyib sanatkor juda xurmat qilaman qoshulari xaqatan zor. 8 mart bilan xamma xotin qizlardi tabriklemn CHIN yuredan samimiy tabasum ila ))))

4 MARAT_89   (08-Мар-2013 08:36)
onajonlarni tabriklayman

5 Dilshod_A   (08-Мар-2013 09:27)
Bayramingiz muborak aziz ayollar..

6 Extraman   (08-Мар-2013 09:54)
Shahzoda SHirin Gofurova va Lola Zunnunova ajoyib javob berishgan

7 ledy   (08-Мар-2013 12:09)
Мана биз аёллар  эркакларга нисбатан канчалик талабчанмиз. Биронтаси эрим сог булсин, умри узок булсин ана совга демабди. Агар уша эрни бирон жойи огриб колсинчи, ёки Аллох курсатмасин бирон фалокат юз берса, кани ширин сузу, кани совгалар. Аёл кандай булса, эри хам шунга яраша жавоб кайтаради. аёл санъаткорларимизни бунчалик эгоист деб уйламагандим. Эрингизни канча асрасангиз, хар куни 8-март булади, менимча. 

Барча аёлларни бахтига эрлари сог булсин, Хар куни байрамдай утиб, уйидан кувонч аримасин. Ношукурлик килганни Аллох эсини киритиб куйсин. Яна бир бор байрамингиз муборак.

8 Charoska   (08-Мар-2013 12:46)
ziyodani rasmi xunuk chiqibdi biroz (( shaxzoda matchonova romantikaga judayam berilib ketibdi. Shaxzoda matchonova bunaqa erkaklar manimcha xozirgi zamonda uje yuuuuq! ))) Lola qani???? (((

9 Frenk-kent   (08-Мар-2013 12:50)
Voyy rasmla vapshee zuruu Hamma xotin qizlani 8- mart bayrami bilan tabriklayman hammaga kutarinki kayfiyat tark etmasin,
Manimcha ayol kishi uchun ing katta sovga bu albatta yaqin insoningni shirin gaplari bunaqasiga  
 
Shaxzodani zur rasmini quyipsiz,Nasiba Abdullaevaga umuman gap yuq.Rayxon
romantekk smslami ohee.indi siz yangi turmush qurganda.

Ayollarimizga gul bazilariga pul yoqadi cool
Manga esa bitta "Quron "kitobi busa yaxshi bulaydi.   chunki gulga xushim yuq . azaldan

10 Xongrek_   (08-Мар-2013 13:32)
ledy fikrizga 1000% qoshilaman xaqatan tori aytasiz xech qaysi sog salomat bosin erkelar demabdiya yaxshiyam bizi oyledigan ayol qizlarimiz bor ekan raxmateee borilarga shukur smile

11 VENENA_89   (08-Мар-2013 14:32)
Bayramla blan tabrikliman! smile

12 bek88   (08-Мар-2013 14:40)
Барча аёллар шундай
майин, нафис ва латиф
бахор ойи билан
қиёсланишини
тилаймиз.
Байрамингиз муборак,
опа-сингиллар!

13 GULI_NUR   (08-Мар-2013 16:04)
Bayram muborak aziz ayollar!!!

14 Olamgir(Alemgir)   (08-Мар-2013 18:44)
Bayram muborak, aziz va latofatli ozbek ayollari

15 ALHAMDULILLAH   (08-Мар-2013 18:53)
8 Martni tarixini kim biladi?

Bayram qilmela agar musulmon bo'lsela iltimos!!!

16 гули   (08-Мар-2013 19:26)
менимча аёл киши учун озгина мехр ишонч ширин суз бу жуда котта ахмятга эга, бу нарсалар эркак киши учун бир огиз суз халос

17 nicole   (08-Мар-2013 23:31)
Shaxnozzi gaplariga qo'shilaman! dry

18 farhod   (09-Мар-2013 19:58)
asal shodiyeva juda go'zal ayol-da. bir minut gaplashsaydim shu bilan, eng baxtli odam men bo'lardim....

19 Masrurchik   (09-Мар-2013 20:10)
Yulduz Usmonova etishmayapti bu erda. Jurnalistlar ham, sal kallasini ishlatib, kimdan intervyu olishini o'ylab, intervyu olsa. Izlanish borgan sayin pasayib boryapti.

20 STUDENTKA   (09-Мар-2013 20:57)
Barcha ayollarimizani tabrikliman.
Man un o'tgan yilgi bayram eng esda qolarli bayramladan bo'ganidi))))))

21 Tashkent   (09-Мар-2013 21:53)
Ledyni gaplarida jon bor, ALHAMDULILLAHni tomirida qon bor:) commentdigi gapladan shu ikkalo'vligini gapligi yoqti manga. MOLODETS(Y)

22 GULI_NUR   (10-Мар-2013 09:14)
Shaxzoda har doimgide betakror!!!

23 Azizxon   (10-Мар-2013 20:47)
Мана биз аёллар эркакларга нисбатан канчалик талабчанмиз. Биронтаси эрим сог булсин, умри узок булсин ана совга демабди. Агар уша эрни бирон жойи огриб колсинчи, ёки Аллох курсатмасин бирон фалокат юз берса, кани ширин сузу, кани совгалар. Аёл кандай булса, эри хам шунга яраша жавоб кайтаради. аёл санъаткорларимизни бунчалик эгоист деб уйламагандим. Эрингизни канча асрасангиз, хар куни 8-март булади, менимча.

Барча аёлларни бахтига эрлари сог булсин, Хар куни байрамдай утиб, уйидан кувонч аримасин. Ношукурлик килганни Аллох эсини киритиб куйсин. Яна бир бор байрамингиз муборак.

Mooooooooooooooooooooolooooooooooooooooooodeeeeeeeeeeeeeeeeeesssssssss...

24 ОЗОДА   (11-Мар-2013 01:00)
Lola необыкновенный хардоимгиде

25 ОЗОДА   (11-Мар-2013 01:01)
Lola необыкновенная хардоимгиде

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1008]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [66]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [238]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 46
Мехмонлар: 46
Рўйхатдагилардан: 0