14 июль куни Шахзода ва Райхонларнинг мухлислари ИМПРО-ТК лойихасига тайёргарлик кўриш учун 70 мактаб  "зал”ида йиғилишди.

Райхоннинг қўшиғига театр клип тайёрлаш учун рахбар этиб актриса Мадина Мумтоз тайинланди.

Шахзоданинг мухлислари билан эса театрлаштирилган сахна кўринишини амалга ошириш учун маъсулият актриса Шахзода Матчоновага юклатилди.

Белгиланган вақтда Райхоннинг мухлислари кам келишди, вахоланки қўнғироқ қилиб ёзилганлар кўп эди. Учрашувдан кейин эса Райхоннинг мухлислари аксарияти вилоятда эканликлари шу сабаб кела олмаганликлари, иложи бўлса бир ой аввал огохлантиришимитзни айтиб ёзишган хатлари билан танишдим.

Афсуски бунинг иложи йўқ чунки август ойида Нилуфар Усмонованинг лойихаси амалга оширилади. Лекин шунга қарамай Райхонни театр клипида иштирок этиш учун аниқ хозирча 2 қиз ва 2 йигит тайёр.

Райхоннинг расмий фанклуби қатнашишдан чўчишгани ва ижодий тарафлама суст бўлишларидан қўрқиб бу лойихада қатнаша олмасликларини инобатга олган холда Райхоннинг бошқа вафодор мухлис ва мухлисалари таклиф қилинади.

Расмий фанклуб қатнашмагани билан биз хеч нарса йўқотмаймиз, мухлис ва мухлисалар кўп ва қатнашишни истаганлар хам кам эмас.  Кейин биз ўзимиз кўмагимиз ва рекламамиз орқали янги ўзбек тилидаги расмий фанклубларини очишни режалаштирганмиз.)))))))))

Чунки фанклубларни ижодий тарбиялаб салбий изохлар қолдириш, урушиш билан чегараланган ёшларни тўғри йўлга йўналтирадиган сайт бўлиши керак деб хисоблаймиз!

Хақиқий ва расмий фанклуб дегани ижобий ва ижодий бўлиши керак! Ва биз буни амалга оширамиз!

Интернет орқали кела олмадик дея хат битганларга эслатиб ўтамиз якшанба 17 июль соат 15-00дан яна ўша 70 мактаб залида тайёргарлик давомланади.

Айни шу куни ғоялар асосида сценарий тузилиб келганларга роллар тақсимланиб сахнада бирон ғояни амалга оширишга харакат қилинади.

Шахзоданинг фанклубига келсак, уларга гап йўқ. Шу куни Шахзоданинг Тошкентдаги расмий фанклуби ва фанклубдан ташқари оддий мухлисалари хам келишди. Қизиғи уларнинг ўзлари билан Шахзоданинг барча альбомлари бирга юришини кўриб ажабландик.  Учрашувдан кейин Шахзоданинг хам яна бир қанча мухлислари кела олмаганликлари бунга сабаб ё вилоят ва ёки вақтлари бўлмаганини ёзишган. Гарчан шу куни ИМПРО-ТК учун етарли сонда мухлислари келган бўлсада, кела олмаганлар учун яна якшанба куни имконият мавжуд.

Шу куни Sayyod.com сайти фанклуби, sayyod.uz/forum  аъзолари хам файзли бўлиб келишди))) Уларга алохида тўхталсам ўзим учун нокамтаринлик бўлар, шунинг учун уларга боғлиқ тарафини кўрсатилган манзилдаги форумдан танишишингиз мумкин.

Демак тайёрланиш учун илк учрашувда нималар бўлди?

Мадина Мумтоз Райхоннинг эски қўшиқларини танлашни лозим топди. Бир икки жуда кучли ғоялар ўйландию...сахна кўринишида амалга ошириш бироз қийинроқ кечармикан деган гумон реалроқ кўринди. Мадина сал шошаётгани сабабли   якшанба кунигача яхшилаб ўйлаб тайёр ғоя билан келишини айтиб хайрлашди.

Матчонова билан Шахзоданинг расмий фанклуби ва мухлислари  бирпасда турли ғояларни ўша вақтнинг ўзидаёқ кўриб чиқа бошлашди. Фаол фанклуб аъзоларига актриса  Матчанова , хонанда Шахзоданинг илк кунидан то бугунги кунгача бўлган ижодий биографик кўринишда сахна кўринишини тавсия қилиб, "Жоним” гурухида бўлганидаги бир қўшиқ, кейин яккахон фаолиятидаги илк қўшиқларидан бири ва бугунги кундаги бир қўшиғини олиб уларни микс тарзида бирлаштириб кетма-кетлик тарзида сахна кўринишни тавсия қилди.

Узоқ муддат мухокамалардан кейин бу қийинроқ кечишини тушунишди. Лекин шунда хам якшанба куни яна йиғилиганида ўша ғоя ва бошқа яна танланган қўшиқ учун ғоя асосида сахна кўринишини амалга оширишга уриниб кўришга келишилиб хайрлашишди.

Бундан ташқари Шахзоданинг расмий фанклуби ўзаро муносабатлар, фанклублар ички интизоми, дўстона рухият ва хар бир кичик бўлса хам салбий нарсаларга фақатгина ижобий ва ИЖОДИЙ назар билан иш юритиш хақида ўзаро мухокама қилинди.

Расмий фанклуб аъзолари эндиликда ижодий рахбарлари бўлган Шахзода Матчановага Шахзоаданинг сурати туширилган рамзий кўкрак нишони ва ташриф қоғозларини хадя қилишди.

Мана хонандага бўлган хурмат!

Демак якшанба 17 июль соат 15-00дан Райхон ва Шахзодаларнинг мухлислари яна ўша манзил 70 мактаб залида учрашиб актрисалар Мадина Мумтоз ва Шахзода Матчановалар бошчилигида сахналаштирилган театр клипни амалга ошириш учун тайёргарликни бошлашади!

Агар сиз 14 июль куни улгурмаган бўлсангиз хали кеч эмас, хар бир мухлис клипда иштирокчи сифатида қатнашади!

Бунинг учун кўриниш, ёш, миллат ва жинсни ахамияти йўқ!

Ва албатта хаммаси текин!))))))

Текин машхурлик фақат бизда))))))))))

Воқеалар ривожини кузатиб борамиз!

Райхон ва Шахзода учун уларнинг мухлислари иштирокида актрисалар  Мадина Мумтоз ва Шахзода Матчановалар қандай  театрлаштирилган клип хадя қилишар экан?