8-январь кунидан бошлаб уч кун давомида бир неча сеансда "Истиқлол" санъат саройида ғаройиб мюзикл жонли ижрода кечмоқда. Хонанда Сардор Милано таклифи билан биз дастурнинг биринчи куни илк сеансида ижодий жамоамиз билан мехмон бўлдик. 

 

 

 "Снежная королева" эртаги асосида сахналаштирилган мазкур мюзиклда Россия "Асосий сахна"сини ғолиби ва фантастик овоз сохиби Сардор Милано эртакчи ролида.

 

 

Бевосита қор маликасини эса Сардор каби  рус сахнасида ўз иқтидорини намоёнлаган яна бир хонандамиз Саида талқин этмоқда.

 

 

Герда ролида "Иллюзия" қўшиғи билан оммалашаётган Камилла.

 

Шунингдек Ёш томошабинлар театри актери Хасан Солихов хам бош роллардан бирини ижро этган. Унинг хам вокал тарафлама махорати юқори даражада эканлиги хайрантлантирди. 

 

Яна бир кучли овоз сохиби Жасур Мирсагатов мазкур мюзиклда қироллик қарғасини ролини ижро  қилмоқда. 

 

 

Қирол ролида Миржон Ашрапов. Бироқ унинг рус тилида акценти сезиларли бўлгани ва бошқалардан фарқли унинг қўшиғи фонограммада кечгани учун унинг бу мюзиклдаги ўрни хатолик деб хисобладим. Бошқа тарафдан ўзбек тилида акцент билан фонограммада куйлаётганлар хам кам эмасу...ха майлида) Бу мюзиклда бошқа иштирокчилар бари жонли куйлашдида. 

 

Умуман олганда дастурни  кузата туриб, нима учун ўзбек тилидаги эртакларни шу тариқа мюзикл қилиб жонли ижрода қилишмас экан деб ўйланиб қолдим. Ё эртакларимиз камми? Балки ...

 

 

Дастур шу қадар профессионаллик билан тайёрланганки анчагина хонандаларимизни концерт шоулариданда юқори савияда кечган. Хореография ва рақс постановкалари, синхрон равишдаги бехато уйғунлашувлар барчаси юқори савияда кечди. 

 

 

Хонандаларимиз нафақат ижро махоратлари билан балки роллари билан хам қойил қолдиришди. 

 

 

Мазкур мюзиклга оилавий тарзда ташриф буюришни барчага тавсия этган бўлардим. 

 

 

Фарзандларимиз болаликдан жонли ижро ва сифатли дастурлар  билан танишиб ўсишсин. Шунда уларнинг мусиқий савиялари хам юқори даражада бўлса ажабмас. 

 

 

 

Суратлар муаллифи Баходир Матёқубов.