2011 йил 18 июнь куни сайтимизнинг "Шанба шунчаки қизиқ" рукнимизда Американинг "Юлдузлик онлари" (Минута славы) шоусини лол қолдирган i luminate рақс намойиши хақида ёзгандим (манба). Ким билибди дейсиз, 2 йил ўтиб улар шундоққина ёнимда рақсга тушади деб))
Фонд Форум хамда АҚШ элчихонаси ташаббуси билан Тошкентга i luminate рақс гурухи ташриф буюриб, 12-апрель куни илк кичик намойиш ва уч йўналишдаги ўзбек раққослари баттли(рақсдаги бахс тури)ни ўтказиб уч финалистни аниқлаб беришди.
i luminate бугун 13 апрель куни мастер-класс ўтказишади ва 14-апрель куни эса Туркистон саройида концерт дастурини тақдим этишади.
12-апрельдаги i luminate намойиши ва УзбБатл қандай ўтди?
Аввал бошловчи i luminate гурухи фақатгина қоп-қоронғуда дастур тақдим этиши, хар қандай фотоаппарат ва мобил телефони чироқлари (вспышка) ўчирилиши талаб қилиб, акс холда дастурни исталган жойида чироқлар бўлса i luminate гурухи шартта намойишни тўхтатиши хақида огохлантирилди.
Шукр аудиториямиз охиригача бу тартибга риоя қилди!
i luminate намойишнни бошлагач фантастик фильмларни ичига тушиб қолгандек хис қилдим ўзимни. Дархақиқат жуда эффектли ва таъсирчан шоу. "Шаг вперед" фильмидаги ёдингизда бўлса шундай чироқлар билан намойиш қилинган лавхаси мавжуд, худди ўша ёнингизда бўлаётгандегу, лекин фантастик кўринишда. Хуллас, супершоу.
Кейин эса Злотников рахбарлигидаги рақс дастаси ва бошқалар баттл ўтказа бошлашди. Хар уч йўналишдаги (хип хоп ва яна икта қандайдир, узр раққосмасман ёдимда қолмади, иккинчиси титрайдурғон, учинчиси талвасага тушиб айланаверадиган) раққосларни энг аълосини аниқлашда i luminate гурухи хакамлик қилишди.
Ўрта Осиё ва МДХ давлатларида машхурликка эришиб бораётган Злотниковни ўзи хам қатнашиб хип-хоп йўналишида мағлуб бўлди, кейин эса иккинчи турдаги рақсда эса ғолибликни қўлга кирита олди. Злотников баъзи холатларда адашиб кетди хам ва буни хакамлар ўз эмоцияларида яшира олмади.
Кўчириш учун изохда талабга қараб эртага сифатли ва мобил турлари қўйилади.
Фонд Форумга ёшларнинг севимли машғулотларидан бири рақс санъатини хам юқори савияда ривожланишига дунёга машхур ва оламни лол қолдираётган рақс гурухларини хам таклиф этаётгани учун ташаккур изхор этамиз.
GOOD LUCK!