Бугун  соат 18:00 да Алишер Навоий киносаройида "Сен кетма” фильмининг премьераси бўлиб ўтди.

Фильм хақида қисқача маълумот:

Постановкачи режиссер :      Мирмақсуд Охунов

Сценарий муаллифи:             Дурдона Тўлаганова ва Юлдуз Ҳошимова

Постановкачи оператор:       Музаффар Юсупов

Бош ролларда:                     Шохруҳхон  ва Ситора Алимжонова

  Кинозалга соат 17:00га етиб келганимда кўчада Шохруххоннинг фан клуби тўпланиб туришганига кўзим тушди. Улар томонидан ушбу фильм премьераси учун махсус тайёрланган совғаларни фан клуб аъзолари кўрсатишди. 

Фильмнинг рекламаси туширилган календарь хам келаётган томошабинларга тарқатилди.  Кириб келаётган баҳор фасли муносабати билан пушти рангдаги гуллари бор ленточкаларни фан клуб аъзолари кўпчиликнинг қўлларига боғлаб қўйишди)  

   Премьерага ташриф буюрган мехмонлар: Салмон, Феруза Нодирова, Илхом Мий Арма ва продюсери Юлдашев Бахром, Шахзода Матчанова , Динейра, Али Отажонов , Бегзод Ғуломов (Радиус-21) ва бошқалар.

    Премьерани актер Акбархўжа Расулов аолиб борди .   Фильмнинг ижодкорлари таништирилаётган пайтда Шохруҳхон фан клуби томонидан махсус совғалар тақдим этилди.    

 Шохруххонга зар чопон хам кийдиришди.

Энди фильм хақида ) Фильмда роллар ишончли ўйналган, айниқса Шохруҳхоннинг катта опасининг роли. Актёр ва актрисалар образни кўрсатиб бера олганлар. Энг ишонарли жойи, менимча, қизни машина уриб юборган сахна бўлса керак. Томошабинлар бирдан "вой!” деб юборишди. Қизиқ жойлари жуда кўп бўлди албатта, буни томошабинларнинг олқишлари тинмаганидан хам билиш мумкин эди.

Яна бир ёдимда қолган жойи бу том юваётган эр ва унга Шохруххоннинг қўшиғини куйлаб бераётган Зухра Солиева) Бутун зал шу қисм тугагунигача тинмай кулди ўзиям)  

"Сен кетма” фильмнинг шахсий фикримга кўра, энг яхши тарафларидан бири, бу романтиканинг хазил аралаш чиройли тарзда етказиб берилгани. Бошқа фильмлардан фарқли бу фильмда енгил романтикани гувохи бўласиз. 

 Фильм томошасига ташриф буюрган томошабинларнинг фикрига қулоқ солиб ўтирганимда, кўпчиликдан "ушбу фильм асосан хаётий воқеалар асосида олинган экан” деган фикрни эшитдим. Билмадим, бўлса бордур.

 Режиссер клипмейкер Ёдгор Носировнинг хам эпизодик роли унинг хаётдаги, суратга олиш майдончасидаги хатти харакатлари ва ўзини тутишига нақадар яқин эканлигини кўпчилик эътироф этишди. 

 Фильмдан яна бир алооохида эътироф этишни истаганим бу  Sayyod  чиққан эпизод. Интервью олиш учун 10 мароталаб қўнғироқлааар қилиб ташармушмизде))) Билмасам, балки бошқа журналистларга боғлиқ холат Sayyod  орқали кўрсатилгандир, чунки сайт фаолияти ва Sayyodни шахс сифатида таниганлар,  артистларданам кўпроқ "звизда” беришларини билишса керак (узр сизгаям танқид бўлиши керакку)  кимгадир бир неча маротаба қўнғироқ қилишларига ишониш қийин.  (+Sayyodга хам яна танқид онлари)  Sayyodнинг овозлари менга таниш бўлгани учундир, фильмда берилган овоз мос тушмаган.  Шу жойини хақиқий хаётий воқеа  дея оламан) . Бу фильм билан боғлиқ ролларига келсак, аслида Шохруххон билан росмана сайт учун интервью жараёнидан фильмга фойдаланилган экан.

Фильмда бевосита сайт билан боғлиқ лавхалари хам мавжуд, бу сайтимизнинг мухлислари учун хушхабар)) (Афсуски  сайт рахбари мухим ва ёпиқ бир тадбирда бандлиги боис премьерага ташриф буюра олмади)

 "Сен кетма” фильми  шахсан менга ёқди ва  хар бир фильмда бўлгани каби, бу фильм хам камчиликлардан холи эмас лекин, хар бир нарсанинг нисбатан кўп холати юзасидан хулоса қилинадиган бўлсак, фильмнинг минусларидан плюслари кўпроқ, шунинг учун у минусчалар ахамиятга молик эмас.

 Премьерада Шохруххоннинг фанклуби мезбонликни яхши уддалаганлигини алохида таъкидлаш жоиз. 

   Премьера тугагач, баъзи томошабинлардан олган фикрларим билан репортажни давом эттираман:

 ─ Кино менга ёқди. Шохруҳхоннинг ижро этган ролини кўриб туриб "юлдузнинг қалби оддий инсон қалбидек экан а?” деб  хаёлимдан бир зум ўтказдим. Кейин ўзимга ўзим яна "Ахир улар хам одамку, ташқаридан бошқача қалб эгаси бўлиб кўрингани билан, яхшилаб назар солса уларга хам бизга керак бўлган мехр қадрлилиги кўринади” деб ўйладим. Кинони кўриб билдимки, юлдузларга бу туйғуларни топиш хам, эришиш хам қийинроқ экан. Шохруххоннинг катта опасининг ролини ўйнаган актрисага қойил қолдим. Юлдузнинг хонадонида хам ўша ўша ҳаёт ташвиши ─ ю , ўша ўша опа ─ укалар жангини қойилмақом қилиб ижро этиб беришган. Қойил. Фақат қизнинг охирида вафот этгани менга унча ёқмади.                                             (Лола)

- Шохруххон фильмларидаги бу энг яхшиси деб бахоладим. Шахсий хаёти ва оиласига доир хақиқатларни фильмда кўрсатишгани қизиқ. Қизни машинада уриб юборилиши шу қадар росмана чиққанки , шу лавхада сесканиб кетасиз. Бугунги кунда чиқаётган кўпгина фильмлардан яна бир устун тарафи бу фильмда бачкана сахналари йўқлиги. Шохруххон қизнинг квартирасига келганидаги Зухра Солиева ва театр актери Отажонов хазиломуз сахналари ажойиб. Томошабинлар анча пайтгача кулгудан ўзларини тўхтата олишмади. Сценарий, режиссура ва операторлик иши аъло даражада. (Хонанда Илхом Мий Арма )

 ─ Кино хақидан нима дейиш мумкин. Кино Шохруххон ҳаётига  ўхшаб кетаркан. Умуман зерикдим кўриб, қизни уриб юбориши, Шохруҳхонни уйига келиб қолиши, касалхонани адресини айтмасдан касалхонани топиши...актёрлар ансамбли яхши, ёққан жойи охиридаги монтаж аъло даражада қилинган                                 (Фаррух Хамроев )

 -”Сен кетма”. Бу фильм менга ёқди, Шохруҳхоннинг ўзини ҳаётини кўргандек бўлдим. Чунки, у ролда хам Шох, хаётда хам Шох. Мен учун ўзини ҳаётини кино қилиб ўйнаб бергандек туюлди. Балки асли хақиқат хам шу бўлса керак. Sayyod.com сайтининг рахбари Сардор ака чиққан жойи жуда ёқди. Овозни хам ўзлари берганларида ундан хам зўр чиқарди. Фильм яхши олинган. Режиссерга омад.    (Мадина )                                      

─ Кино жуда зўр чиққан, менга ёқди. Фақат охири трагедия билан тугади. Бош ролдаги актрисага келсак, Ситора ролни жуда яхши ўйнаган, лекин кўз мимикаларини унча ўхшата олмаган. Лекин кинода битта хато бор, Улуғбек больницага келишдан олдин манзилни сўрамайди хам хатто ва топиб келади қаттандур. Бир пайт пайдо бўлиб қоларкан) Шохруҳхонга келсак, ролни жуда яхши ўйнаган. Ромео ва Джульетта каби.  (Дилфуза )      

 Фильм хақида баъзи бир мухлислардан фикрлар олинди. Репортажим бошида айтиб ўтганимдек, фильм менга ёқди. Ижодкорларга эса омад!

   Бугун Алишер Навоий киносаройидан  Sayyod.com сайти учун махсус  Шахло Қодирова бўлди (шунақа дейилармиди:))