Ўзбекнаво эстрада бирлашмаси томонидан 26 апрель Юнусобод туманида жойлашган Қатағон қурбонлари хотирасига бағишлаб бунёд этилган майдондаги "Қатағон қурбонлари хотираси” музейида "ўз тарихимиз билан янада чуқурроқ таништириш” шиори остида кичкина бир тадбир уюштирилди. 

Ушбу тадбир мехмонлари сифатида эса эстрада юлдузлари таклиф қилинишган экан. Учрашувдан мақсад, тушунишим бўйича, эстрада юлдузлари ва бошқа хонандаларга ўз тарихимизни яхшироқ ўргатиш, мустақилликкача кечилган рутубатли замон нафасини сездириш.  Уларнинг чет эл сафарларида кўп юришлари  ва у ерда ўз миллати, унинг ўтмиши хақида бемалол гапириб бера олиши учун шароит яратиб бера оладиган тадбирлардан бири бўлди, менимча. Бугунги тадбирда Анвар Ғаниев,  Зиёда, Ёдгор Мирзажонов, Ўктам Ахмедов, Дилдора Ниёзова, Рухшона, Дилсўз, Тохир Усмонов  ва бошқа ёш хонандалар қатнашишди.

   Музейдаги гидлик вазифани музей рахбари Бахтиёр Хасанов  аъло даражада олиб борди. Шунчалик даражада берилиб гапирарканларки,  гапирилаётган воқеалар худди кўз олдингизда бўлаётгандек бўларкан.

  Музей 3 қисм (хона) га бўлинганлиги, унинг икки қисми Қатағон қурбонларига бағишланган ва учинчи қисми эса "ёруғлик” яъни Мустақилликка эришилгандан , хозирга давргача бўлган воқеа ходисаларни кўрсатиб берар экан. Шу учинчи қисмга чиққанимда, хақиқатдан хам ёруғликни хис қилдим.  Олдинга 2 бўлимни кузатиш бироз оғирроқ кечди...

   Йиғилиш соат 14:00 да бошланган бўлса, 17:00 га қадар давом этди. Бу вақт оралиғида шу қатағон йилларидан то хозирги давргача бўлиб ўтган энг мухим ходисалар хақида сўзлаб берилди. Энг эътиборимни тортгани бу музейга кирганингизда кўзингизга тушадиган кааатта қора машина. Унинг тарихи хаммани  хайрон қолдиргани аниқ. Қатағон қилинишга хукм қилинганларни айнан шу машинада олиб кетилгани, ушбу машинага ўтирган одамни бошқа тирик кўришмаганию, кўпгина зиёлиларни айнан шу музейдаги машина рақамигача  бир хил машина олиб кетганига гувохлар талайгина бўлган экан.. Машинанинг балонлари нега қизил деган саволга қонга булғанганликни англатаркан. 

Машинанинг тагида қоп қора плита бўлиб, устида газетадан оқ ёзувлар... Газета номи эса "ПРАВДА"

-Энг ифлос ва ғийбатчи газета бўлган-дейди гид.  Ўша даврда қанқадан қанча бегунох одамларни ўлимига сабабчи бўлган бу газетани мана шу қонга беланган балонлар тагига қўйиш маъноси бекоргамас-деб жахл ва эмоция билан гапириб берди. 

   Яна бир ёдимда қолгани мустақиллик давридаги қисмида конституцияниниг  яралиши хақида эди, Президентимиз ўз қўллари билан ўзгартириб, тўғрилаб ёзиб берган  қўлёзма ва Ислом Каримовнинг қасамёди мухрланган сурат. 

Конституция ўз-ўзидан яралиб қолмаган ва Президентни ўз қўллари билан киритилган ўзгартиришлар, росмана қўлёзма бунинг факти эканлиги хақида маълум қилинди. 

  Отилганлар рўйхати деган китоб.. Энциклопедияга ўхшайди ўзи хам катталиги... Қатағон қилинган санъаткорлар... аёллар... шунчаки(!) ва яна кўпгина инсонлар.

    Ушбу кичик тадбирнинг катта фойдаси хақида ортиқча гапиришнинг кераги йўқ менимча.

  Ўтмишимизни хар биримиз билишимиз, керакли жойда кимлигимизни кўрсата олишимиз ва тўғри хулосалар хам чиқара олиш айнан шу ўтмишимизни қанчалик тўғри билишдан келиб чиқади. Тадбирнинг асосий мақсадини шунда кўра олдим.

   Балки қизиқарли ва балки оддийгина репортаж билан Шахло Қодирова

   Суратлар эса Абдурахмон Содиқовга тегишли

Sayyodдан алохида фикр; - Қонли даврга бир назар соларкансиз... хозирги кундаги айюханнос солаётган нолимхонлар ўша пайт қаерда бўлган экан? деб ўйланиб қоламан. Кеча қандай давр эди, бугунчи? Инсоният қандай келажакни истаркин? 

Нариги дунёда жаханнамдан жой топишини аниқ сезганлар бу дунёда жаннатни истармикан а?) Зеро дунё бу жаннатмас, лекин дўзах хам эмас. Твни кузатиб , ўз тарихига эга бўлмаган баъзи давлатларни молиявий тараққиёти бир тарафу, хотиржамлик, маънавият(!)и бошқа тараф бўлиб яшаётганлардан нима хулосага келасиз?

Юқорида тилга олинган энг ифлос ва ғийбатчи газета хануз бор! Фақат у энди интернет сайтлари кўринишида. Афсуски бу газетанинг эндиги ходимлари ўзимизнинг ўзбеклар... энг аянчли ва афсуслантирадиган хақиқати  хам шу аслида...((

Уларнинг хақиқатичи? Ўтмишда бу тушунча мутлақ бўлмаган даврдан то бугунги кундаги Ўзбекистоннинг равнақидан изланадиган "хақиқат"лар аслида нима экан?

Шунчаки у даврда хақиқат бўлмаган, бугунги фаровон турмушимиздан  эса  мухолифлар тарафидан изланадиган хақиқат, қўштирноқ исканжасидан чиқиб кета олмайди! 

Ўзбекнаво...ХУРМАТ!