20 декабрь ФондФорумнинг онлайн хисобот конференцияси бўлиб ўтди. Уйдан иқиб кетаётганимда тв орқали Путин журналистлар билан конференцияси тўғридан тўғри эфирга кетаётган эди. Тасодифни қаранг))

ФондФорумнинг бу онлайн конференциясида мен илк маротаба қатнашишим,   кираверишда жонли оркестр садолари билан кутиб олинмоқда... 

 ФондФорумнинг тадбирларидан хисобот суратларидан мана бу ёзув қилинганлиги кимни ғояси бўлса хам шахсий хурматим! Супер!

Муомалалик санъаткорлар учлиги: Зиёда, Жахонгир ва Алишер Файз.  Буни шоу-бизнесдагилар яхши билишади.  Жахонгирни бу хислатини илк маротаба хоним Юлдуз Ибрагимовна таваллуд кунида кўрдим. Сахнадан тушиб эринмасдан столма-стол юриб хамкасблари ва танишлари билан кўришиб чиқди. Аксарият ёш хонандалар танишини кўриб узоқдан зўрға қўлини кўтариб қўядиган бир даврда, рейтинги баланд Жахонгирни бу хислати менга ёқди. Яхши болейканееей))

 Муомала бўйича барибир Адизга етадурғони йўқ)))

"Ёшлар саройи"нинг иккинчи қаватида ўзбек ва хориж журналистлари учун Гулнора бошчилигидаги ФондФорум жамоаси саволларга жавоб беришни бошлашди.

 Қозоғистон, Россия, Япония, Хитой  ва бошқа давлатларнинг журналистлари бирин кетин саволлар бера бошлашди. Саволлар асосан ФондФорумнинг тарғиб омили бўлган ўзбек маданиятига бориб тақалаверди. Асрлар садосидан, Гули коллекциясидаги миллий оханглар, талаб кучли бўлаётган чопонлардан то баннерлардаги "Хамжихатлик хикмати"гача. 

 Кимларнидир Твиттер ва инстаграмдаги Гулноранинг фаолиятига хам қизиқишди.

Гулнора жавобларида ўзбек мақолларидан то Конфуций хикматларигача намуналар келтирилди. 

Гулнорага тайёрлаб қўйган саволимни РИА Новостидан журналист сезгандек илиб кетганидан, РИА Новостини шу куни севмадим! ))))

Сўнгги пайтлар хориж ОАВ вакиллари тарафидан Гулнорага бўлаётган танқидлар ва улар хақида менга бир неча маротаба саволлар беришгани сабабли, Гулнорага шу савол билан мурожаат қилмоқчи бўлиб тургандим. Асосийси шу саволни беришдию, сал бошқачароқ, лекин Гулноранинг жавоби қисқа ва лўнда бўлди: Мевали дарахтга тош отилади. 

Бу вақтда биринчи қаватда санъат, соғлиқни сақлаш, таълим ва ФондФорум вакиллари томонидан интернет оламидан келаётган саволларга жавоб берилиб турилди. 

 Озодбек Назарбековни кўп саволлар қийнади шекил... Ўйланиб қолгани акс этган суратлардан шу фикрга келдим. 

 Шахзода: - Менга бир қизнинг саволи ёқди ва ёдимда қолди, бу хам бўлса, кўкрак саратони билан касалланган беморлар учун  (волонтер) ихтиёрий ёрдамчи сифатида беминнат ёрдамни қандай бериш мумкинлиги хақида бўлди. 

 Нилуфар Усмонова:- Саволлар турфа бўлди, лекин кўпроқ одамларни соғлиқни сақлаш ва ФондФорумнинг хайрия тадбирлари хусусида, уларда қандай қатнашиб ўз хиссасини қўшмоқчи бўлганлар қизиқишди. Тўғриси, яна шу артистларнинг шахсий хаёти билан одамлар саволга кўмишса керак дегандим, йўқ, одамларга ФондФорумнинг хайрия тадбирлари ва уларда қатнашиш истаги юқори эканлигидан хурсанд бўлдим. ФондФорум нафақат хайрия тадбирлари билан инсонларга ёрдам бермоқда, балки уларда оқибатни ривожлантириб яхшиликни кенг кўламда тарғиб этаётганидан шу тадбирда ўтириб фахрландим. 

 Рухшона

 Манзура

 Икки Шодиева шу кун Шодиевалар коалициясини бир компютер олдида ўрнатишди!))

Асал Шодиева;- Саволлардан  Олтин Гепард ва ундаги мастер класслар хақидагиси қизиқ туюлди. Бу мастер класслар биз актрисаларга қандай ёрдам бергани ва бу махоратлардан янги фильмларда қай тарзда фойдаланишимиз мумкинлиги бўлди. Яна МТВА номинацияларига иккинчи даражали актер учун тақдирлашни хам йўлга қўйиш таклифи бўлди. Асосий саволлар кўкрак саратони касаллигига боғлиқ бўлди. 

 Отабек Муталхўжаев ва Раъно Ярашева. 

 Биринчи қаватда тилаклар пазли анор кўринишида ташкил қилинган бўлиб, у ерда фақат машхур  ва эътиборга лойиқ инсонлар ўз тилакларини ёзиб қолдириши мумкин эди. 

 Иккинчи қаватдаги журналистлар билан пресс-конференция нихоясига етиб, хамма биринчи қаватдаги онлайн конференция кечаётган хонага ошиқди. Йўл-йўлакай холлдаги  тилаклар пазлида Гулнора ўз истагини битди. 

Бу мухташам пазлда тилак билдириш имконияти бизларга хам берилгани биз учун катта фахр бўлди. Гулнора тилакни ёзган пайти мен онлайн конференция залида эдим ва тасодиф билан айнан Гулноранинг тилаги ёнгинасига ёзибман)). Алдамаяпман, тўғриси, уйга келиб суратдан  кўрдим))

Дилноза Кубаева менинг тилагим ёнгинасига чап қўлларини ўйнатиб, ўз тилакларини ёзиб ташладилар))

Икки Алишер, бири Узоқов иккинчиси Файз, орасида ўтиб кетаётган Каримова!

 Залда турган пайтимиз кўчадан шоша пиша Райхон Йигитали билан кириб келди... Хайратдан лол қолдик... Райхон йиғлаб кириб келган эдида. Йигитали эшик олдида қолди, Райхон эса онлайн конференция кечаётган залга ошиқди. Суратларда кўриб турганингиздек, уни кайфияти тушкун... Бироз ўтмай эса ,  унинг кайфиятига кутилмаган сюрприз аъло даражада таъсир этади...

Гулнора Каримова ФондФорумнинг бир қанча тадбирларида фаолларни ташаккурнома ва совғалар билан тақдирлар экан, улар орасида Райхон хам бор эди!

Тадбирдан сўнг Райхон билан боғланганимда у йиғлаганини тан олмади, сизга  шундай туюлгандир деди... Йўқ, буни ёнимдаги кўпчилик кўриб хайратланди хам. Майли, билдиргиси келмади шекил, асосийси юқори кайфиятда кетди. 

 Тақдирлаш онлари!

Санъат оламидан Жахонгир Позилжонов, Райхон, Зиёда, Бойхонова ва Исмоилов, Хосила Рахимова, САТО гурухи,  Абдулла Шомағрупов, Зарба гурухи, Сахро гурухлари ва бошқа ФондФорумнинг тадбирларида фаоллар  тақдирланди. Бошловчининг Сахро гурухини эълон қилиши эриш туюлди... Ёшлар орасида оммабоп гурух Сахро... Улар ўз аудиториясига эканлиги, иқтидори суперлигини тан оламану, лекин узр, оммабоплик  даражаси Уммон, Беном тугул, хатто Мангодек хам эмас. Бу факт! Бошловчилар, илтимос шартмас гипноз! Одамни энсаси қотади бору.

 Мана бу акамиз эса Гулноранинг ашаддий мухлиси, 1 рақамли фанат! Хар бир тадбирда Гулнора учун жуда гўзал ва бежирим гулдасталар совға қилади. 

Хулас шунақа гаплар!

 Ха айтганча, форум тв шу куни мендан интервью олди, ФондФорумнинг хайрия ишларига ижобий бахо ва тилакларимни айтдим. Саволлар орасида сайтдан кетиш сабаби хам сўралди....кутмагандим) Форум тв ва НТТ каналида томоша қилинг))