---

 Шахло Қодирова:  22 февраль соат 15:00 да Ёзувчилар Уюшмаси биносида "Миллий эстрада санъати: шоир, бастакор ва хонанда ҳамкорлиги давр талаби” номли давра сухбати бўлиб ўтди. Суҳбатга эстрада машхурларидан Озодбек Назарбеков, Ғуломжон Ёқубов, Зулайҳо Бойхонова, Ҳосила Раҳимова, Манзура, Акбар, Ҳусан, Мадина Мумтоз, Зиёда, Фаррух Комилов, Уммон Гурухи, Якзон, Ёдгор Мирзажонов, Амира Алибекова, Тамила, Рухшона, Сирожиддин, Отабек Муталхўжаев ва бошқалар ташриф буюришди. Суҳбат тадбир ҳақида қисқа таъриф билан бошланди, яъни шу тадбирнинг номидан келиб чиққан ҳолда шоир, бастакор ва хонанданинг ўзаро ҳамкорлигининг қандай муҳимлиги эътироф этиб ўтилди.

   Суҳбатда кўрилган илк муаммолардан бири – бу танланаётган тахаллуслар ҳақида бўлди. Тахаллуснинг маъносини, унинг келиб чиқишини билмасдан танлаш, шу тахаллуслар сабабли инсоннинг ўз исмининг қадрсизланиши... ((!)) мисол қилиб, Каниза, Якзон тилга олинди.

   Суҳбат бастакорлар ҳақидаги фикрлар билан давомланди. Ҳозирги бастакорларнинг савияси, уларнинг аксарияти бастакор деб эмас, балки мусиқа муаллифи деб аталиши лозимлиги, уларнинг профессионал билимга эга эмаслиги, профессионал бастакор  бўлиш учун шу йўналишга оид коллеж ва институтларда ўқиб, дипломга эга бўлиш зарурияти ҳақида бастакорлар уюшмаси раиси Рустам Абдуллаев ўз фикрларини билдирдилар.

    Сўнг эса, суҳбатни шоирлар ижоди ҳақидаги фикрлар билан давом эттиришди. Ҳозирга замонавий эстрададаги ёш хонандаларнинг қўшиқларидан намуналар кўрсатилиб, унинг матни ҳақида салбий фикрлар тингладик. Хонандаларга шеър танлашдаги маълум маслахатлар бериб ўтилди. Ҳозирда махсус шеърлар тўрлами китоблари чиқарилаётгани, бу китобда айнан қўшиқбоп шеърлар тўпланганлиги ва бу китоблар асосан хонандаларга ёрдам сифатида чиқарилаётгани ҳақида сўз борди.

     Суҳбат давомида замонавий клиплар орасидан қаттиқ танқидга учраган клиплар тўплами намойиши бўлиб ўтди. Бу тўпламда 

  Шамс гурухи, Хусан, Жамшид Ниезов,  Дилшод али, Мухамад али,  Сардор Ражабовнинг  "Смс” клипи,  Шахноза Йўлдошева -  "Алвидо”,Алишер Каримов ва бошқа клиплар бор эди.

 Бу клипларга ортиқча таъриф ҳам берилмади) ИЗОҲГА ХОЖАТ ЙЎҚ))) (лекин, бу клиплардан келиб чиқиб хулоса чиқарадиган бўлсам(!) биздаги 70% клипларга изоҳга ҳожат йўқ экан)))

  Суҳбат сўнггида ёшлардан фикр ва мулохазалар сўралганида Ёш ижодкорларнинг бир вакили , Наима Абдурахмонова бўламан, деб ўзини таништирган бу қиз ўз шахсий фикрларини билдириб ўтди.  Божаларнинг 2 қўшиғи матнини ўқиб эшиттирди ва бу гурух ҳақида бир қанча фикр бериб ўтди))) ва яна кўп хонандаларнинг паст савияда эканлиги, уларнинг қўшиқ матнида маъно -  мантиқнинг йўқлиги ва биз уларни "УЯЛМАЙ”))) МЕГАЮЛДУЗ  дейишимиз хақида ўзининг танқидий фикрлари билан бўлишди. (анчагина тайёрланибдилар шекил)))

    Якуний қисм қилиб, Ғуломжон Ёқубов ва Озодбек Назарбековлардан  мавзу ҳақида фикрлари тингланди.  Кейин  ёш хонандалар, шоир ва бастакорларга намуна бўла оладиган санъат вакилларимиздан, яъни хизмат  кўрсатган ва халқ артистлари номига сазовор бўлганлар ҳақида  тарбиявий икки оғиз гап билан,  ўрнак олиш зарур бўлган инсонлар: Ғуломжон Ёқубов ва Зулайҳо Бойхонова (қизиқ(!)) кўрсатилиб, суҳбатга якун ясалди.