Шоу-бизнесда машхур брендларга айланган "Тарона", "Пантерра" ва "Акфа" каби медиа компаниялари кетидан яқин орадан бери "Автотест"ни тақдим этаётган "Помидор" хам пайдо бўлди.  Қизиғи бир неча турдаги фаолиятни ўз ичига олган бу компания  санъат оламида ўзини эълон қилганига кўп бўлмаган бўлсада уларнинг кератив ва жудаям қизиқ лойихалари шов-шувга айланмоқда.

Мазкур компанияга қарашли хонандалар Камилла ва Улуғбек Холиқовлар хақида сайтимизда маълумот билан бирга уларнинг қўшиқ ва видеоларини хам  тақдим этгандик.

Компаниянинг креатив гурухи томонидан хонанда Камилланинг илк "Иллюзия" қўшиғига куйлаётган помидор тарзида ролик қилиниб унинг хонандаси ким эканлиги айтилмаганди. Мана шу роликни кўрганмисиз? Кичкинагина роликда қанча фантазия ва "операторлик махорати"))

Умуман бошқача ёндошув ва бундай махсулот бизнинг шоу-бизнесимизга мана шу кичкинагина ролиги биланам катта янги нафасни олиб киргани ва келгусида шоу-бизнесимизни ривожига муносиб хисса билан хар тарафлама савияни кўтара олишига шубха йўқдек. 

Буни  ижодга ёндошишидаги барча деталларидан сезса бўлади. Оддий фотосессияда қанча ғоялар тилга кирган.

Миллийликни хам креатив тақдим этиш мумкин эканку.  

Камилла хақида: Ижодини 4 ёшидан Тошкентдаги "Алладин" эстрада гурухидан бошлаган. 2009 йил фортепиано йўналиши бўйича  мусиқий мактабни аъло бахолар билан тамомлаб, Эстрада ва Цирк коллежининг "Эстрада вокали" факультетига ўқишига киради. 2012 йил эса Маданият ва Санъат институтининг "Мусиқий театр актери" йўналиши бўйича  факультетига ўқишга кирди. 2015 йил  "Pomidor entertainment" продюсерлик маркази билан "Камилла" тахаллуси билан яккахон хонандаликка шартнома имзолади.

Хулласи, помидор ва бодринг мухаббати акс этган роликдан кейин хонанданинг ўзи мультфильмга айланди. Бу сафар помидор эмас, ўз қиёфасида ва ўзбек тилида куйлайди-"Энди севмагандай" ("Иллюзия"ни ўзбекча тури)

Радиоларда "айланаётган" Камилланинг "Иллюзия" қўшиғи яхши оммалашди ва бу унинг ўзбекча тури хам мухлисларга ёқса ажабмас. Айниқса янги форматдаги ўзбек шоу-бизнесида илк 3Д анимацион клипи тарзида тақдим қилиниши катта янгилик! Ундаги воқеалар ривожи ва реал мураккаб клиплардек ёндошилгани хам тахсинга сазовор.  Қахрамон қизнинг рақсларига хотирасидаги суйгани уланиб уни кўтариб олиши, яъни монтаж дея олмайману чунки бу мультфильм, дейлик монтажга хос клипдаги уланишлар профессионал ва ажойиб тарзда қилинганлигини эътироф этмай бўлмайди.  Фақатгина хонанданинг айни дамда ўз устида ишлаётган акцентини айтмаса, қолгани хаммаси аъло! Дид, ғоя, сифат, овоз, махорат ва оригиналлик мукаммал равишда!

Бу клип муаллифлари худди юқоридаги роликники  каби "Помидор"чиларни ўзларини ижодий жамоасидан истеъдодли ёшлар бўлиб, уларга  Паша Ким  рахбарлик қилган хамда жараён 3 ойни талаб этган. (тез кунда жараёндан хам видео тақдим этилади) Рассом бош қахрамонни Камиллага қиёслаб чизган ва куз ойига мўлжалланиб тайёрланаётган тасвирлар,  лавхаларни тасдиқлаш ишларига вақт ўтиб қишга келгани учун  қишки сахналар билан тўлдирилган. Бироқ видеода кузги лавхалар хотирадан қилиб тақдим этилгани видеога турфа хиллик бағишлаб ва воқеалар вақтини ажратиб туради.  

Қўшиқ муаллифи  машхур бастакор Паша Упоров, матни эса ёш  шоира Сиддиқова  Мадинага тегишли. 

Клипда яна бир ўхшаш чехрани кўргандекман...балки ўхшатдим, балки йўқ, билмасам...аммо "Помидор"чилардан яна бир хонанда Улуғбек Холиқовга бош қахрамон йигит ўхшайди а?

Яна клипда пластинка ва мошинада Камилланинг шахсий логотипини хам учратамиз.

Хуллас клиплар оламида тубдан ўзгаришларни бошлаб бераётган илк ўзбек 3Д анимацион клипини хонанда Камилланинг "Энди севмагандай" қўшиғини ижроси билан қабул қиласиз

Ютубда томоша

Майтуб тасиксда томоша