1. Юлдуз Усмонованинг 5-март куни Самарқанд вилояти Оқтош шахридаги "Даврнур" ресторанидаги концерти 

2. Озодбек Назарбековнинг "Тақдиримсан, бахтимсан" ва КРКА, Қувватин ва Дуовит деб номланган 5-21-апрель кунларидаги концерти. КРКА ва Дуовит деб номланишини хазиллашдим)) Шунчаки Озодбекнинг концерт баннерига кўзим тушса, аптека кўз ўнгимда гавдаланади))) Билмадим, Халқ артистининг бугунги кундаги мавқеи нахотки (хануз) дорилар хомийлигига қолган бўлса? ўша фикримда қолдим, артист концерт баннерига дорилар, умуман махсулотлар сурати умуман ярашмайди.

Бу концерт қачонки 100 фоиз жонли бўлган куни бораман.

3. Райхоннинг "Ойижон" деб номланган 24-25-26-27-28 апрель кунидаги концерти. Бу сафар энди турмуш ўртоқ ва хам шахсий актер Йигитали бу концертда қай тарзда ўрни бўлиши Райхоннинг мухлисларида икки карра қизиқишни уйғотаётган бўлса ажабмас. Бу йилги Райхоннинг концерт баннери менга ёқди, қип-қизил атиргулдек..

Бу концертга Райхон таклиф қилса бораман.

4. Шахзоданинг 1-2-3-4-5-6-7 май кунларидаги концерт дастури. Бу йил Шахзодада қатор янги қўшиқлар ва икки дуэт тақдим этилиши кутилмоқда. Бу сафар режиссер йўқ, Шахзода Таронадаги ижодий жамоа билан ишламоқда.  Қолгани сир, сир ва сир экан...

Бу концертда ахборот кўмаги сифатида хизматдамиз.

5. Жахонгир Отажоновнинг 28-29-30-31 май кунларидаги навбатдаги 100 фоизли концерт дастури. Учинчи йил хам жонли ижрода концертни қўйиши кутилаётган Жахонгирни рейтингига бу таъсир кўрсатмаяптган бўлсада, концертда томошабинлар мазза қилишлари сир эмас. Хақиқий жонли ижро, махорат..хуллас чипта пулига ачинмайсиз. Жахонгирга хит тарона етишмаётгандек ва балки бу йилги концертидаги янги қўшиқлардин бири унга аввалги мавқеини созлашга ёрдам берар. Асосийси артист сифатидаги хурмат даража  мавқеи фақатгина ижобий тарафга ўзгариб бормоқда,  менимча бу рейтинг мавқеидан афзалроқ бўлса керак. Шундай бўлсада Жахонгирга хит тароналар устида хам бош қотиришни тавсия қиламиз. 

Бу концертга хам Жахонгир таклиф қилса бораман.