12-март куни  ёш хонанда Kamilla ўзининг “Дежавю” (олдин худди шу нарса бўлгандек хиссиётни англатадиган сўз)  деб номланган қўшиғига ишланган клипни тақдим этди. Бу ижодкорнинг истиқболдаги албомидан жой оладиган иккинчи клипдир. Мазкур клип муҳаббат, яхшилик ҳақида сўзлайди. У Александр Гриннинг “Алвон елканлар” қиссаси асосида яратилган. Клипнинг ғояси қўшиқ дунёга келган илк кунлардаёқ пайдо бўлди. Хонанда ва унинг ижодий жамоаси бўлмиш Pomidor Entertainment  ҳар бир дақиқани ғанимат билиб, суратга олиш ва анимация ишларини бошлашди.

“Ҳар биримизнинг қалбимизда эртакка ва у етакловчи яхшиликка ишонч қолишини истардим. Шу боис клипни ҳам болалар, ҳам катталар учун ишладик. Бу билан тингловчиларга шуни айтмоқчи бўлдикки, барча яхши нарсалар олдинда, муҳими - ишониш, орзу қилиш ва албатта севиш”, - дейди хонанда Kamilla.

Дарвоқе, янги клип 2 кун ичида халқаро Ello порталида 30 минг маротаба кўрилди. Клипни ушбу ҳавола орқали томоша қилиш мумкин: https://www.youtube.com/watch?v=PkKRGqQTay0

Камилла санъат оламида пайдо бўлганидан бери унинг романтик рухиятидаги қўшиқлари ва клиплари 7дан 70 ёшгача бўлганларни қалбидан жой олмоқда. Унинг ижодида на бачканалик ва на бехаёликни сезасиз. Ажойиб махорат, гўзал овоз ва шунга хос бўлган намоёнланув!

Помидорчиларга хурмат!