Куни кеча Андижонда ўтказилган тадбирда бўлиб қайтган фотомухбиримиз Баходир у тадбирдан фотосуратлар билан биргаликда Андижон шахрига фотоназарни сайтимиз мухлисларидан хорижда бўлган Андижонликларга соғинчли салом тариқасида тақдим этмоқда.

Орангизда шу ерларни таниб соғинганлари топилар?

Энди эса бевосита шу ерда ўтказилган тадбир хақида батафсил:

16 апрелдан бутун мамлакатимиз бўйлаб “Биз буюк юрт фарзандларимиз” эзгу ғояси остида ёшлар фестивали бошланди.

Жуда кўп лойиҳаларни қамраб, кенг миқёсда такшил этилган мазкур фестивал “Камолот” ёшлар ижтимоий ҳаракати, Ўзбекистон Республикаси Олий мажлиси, Халқ таълими ҳамда Олий ва ўрта махсус таълим, Маданият ва спорт ишлари вазирликлари, “Ўзбекнаво” эстрада бирлашмаси, шунингдек, қатор ташкилотлар билан ҳамкорликда ўтказилмоқда.

Андижон ва Қашқадарё вилоятларида бўлиб ўтган фестивал доирасидаги гала концерт, спорт мусобақалари, санъат ва илм-фан аҳли билан учрашувлар барчада унутилмас таассуротлар қолдирди.

Фестивал тарғибот гуруҳи вакиллари туманларда бўлиб, “Оммавий таҳдидлар ва ёшлар маънавияти” ҳамда “Депутат ва ёшлар” каби бир қатор лойиҳалар доирасида ўғил-қизлар билан қизғин мулоқотлар ўтказмоқдалар.