Добавлено (29-Май-2011, 08:06)
---------------------------------------------
Etgan4a Messi Peledan ham zo'r va super harakat qildi va qilvoti. Messi mlds.

Добавлено (30-Май-2011, 10:31)
---------------------------------------------
«Манчестер Юнайтед» клуби бош мураббийи Алекс Фергюсон нима сабабдан Чемпионлар лигасининг финали ўйинида Димитар Бербатовни ўйин қайдномасига киритмаганини тушунтириб берди.
«Бу қарорга келиш осон бўлгани йўқ,. Мен учун бошланғич таркибни танлаш осон бўлди,аммо заҳира ўйинчилари борасида жуда қийналдим.
Оуэн ва Бербатов ўртасилдаги танловга келадиган бўлсак, шуни айтишим мумкин: Агар заҳира ўйичиси майдонга тушиб, гол уриши керак бўлса, бу фақатгина Оуэн бўлиши мумкин эди. Чунки унинг тажрибаси катта. Айнан шунинг учун ҳам мен айнан Майклни қайдномага киритдим», – деди мураббий Goal.com нашрига интервью берар экан.

Добавлено (06-Июн-2011, 09:03)
---------------------------------------------
Мадриднинг "Реал" клуби бош мураббийи Жозе Моуриньо анча вақтдан буён матбуот билан мулоқотга киришмай келаётган эди. Мураббий ана ўша ҳолатга чек қўйди ва ўтган мавсум якунлари ҳақида сўзлаб берди.

"Мен нимани ўйласам, шуни гапиришда давом этаман. Баъзан клубга нисбатан ноҳақлик қилаётганлари сезилиб қолади. Агарда гап "Реал" жамоасини ҳимоя қилиш ҳақида кетар экан, ўз обрўйим ҳақида ўйлаб ҳам ўтирмайман.

Ўтган мавсум жуда ҳам оғир кечди. Аммо мен футболдан жуда ҳам завқланишга муваффақ бўлдим. Чарчоқни ҳис қилмаяпман, ўз ишимни осонлик билан қиламан.

Жамоамиз анча ёш. Орадан уч тўрт йил ўтгач, Европа футболида янги даврни бошлаб беришга қурбимиз етади", - дейди Моуриньо АР нашри билан қилган суҳбати давомида.

Добавлено (06-Июн-2011, 09:04)
---------------------------------------------
Испаниядаги АS нашри томонидан хабар қилинишича, Мадриднинг "Реал" клуби олти нафар футболчисини ёзги трансфер мавсуми давомида сотиб юборишни кўзлаётган экан.

Номи юқорида келтирилган нашр томонидан таъкидланишича, клуб бош мураббийи Жозе Моуриньо таркибда 23-24 нафар футболчи бўлишини истамоқда. Айни вақтда мадридликлар сафида янги сотиб олинган Нури Шахин, Ҳамит Олтинтўп ва Хосе Кальехонларни қўшиб ҳисоблаганда, 28 та футболчи бор. Бунинг устига, клуб раҳбарияти ёшги трансфер мавсуми давомида яна бир қатор футболчиларни сотиб олишни кўзлаб турибди. Айни вақтда, "Манчестер Сити" клуби билан Эммануэль Адебайор борасида музокара олиб борилмоқда.

Шу тариқа, мадридликларнинг трансферга қўядиган футболчилари сони, сотиб олинадиганларга боғлиқ бўлиб турибди.

"Реал" жамоаси ёзда сотиб юбориши мумкин бўлган футболчилар рўйхати қуйидагилардан иборат бўлиши мумкин: Эсекиэл Гарай, Лассана Диарра, Ройстон Дренте, Фернандо Гаго, Серхио Каналес ва Педро Леон.

Добавлено (08-Июн-2011, 09:34)
---------------------------------------------
Бугун Европа матбуотида "Реал" клубининг трансферлар мавсумидаги режалари ҳақида хабарлар тарқалди.

Унга кўра, Роналду клубни тарк этиши ва аксинча, Иброҳимович ва Дрогбаларнинг Мадридга келишлари тахмин қилинмоқда.

Демак, клубни тарк этиши мумкин бўлган футболчилар рўйҳати:

Кака («Интер» ёки «Челси»га)
Сарабия («Вильярреал» ёки «Хетафе»га)
Игуаин («Ювентус»га)
Бензема - ноъмалум
Педро Леон - ноъмалум
Лассана Диарра («Малага»га)
Гарай («Малага»га)
Гаго - ноъмалум
Дренте - ноъмалум
Каналес («Ливерпуль», «Челси», «Арсенал», «Валенсия» ёки «Вильярреал»га)
Роналду («Милан»га)
Мората («Хетафе»га)

клубга келиши мумкин бўлган футболчилар рўйҳати эса қуйидагича:

Коэнтрау («Бенфика»дан)
Агуэро («Атлетико»дан)
Швайнштайгер («Бавария»дан)
Майкон («Интер»дан)
Дефур («Стандард»дан)
Пасторе («Палермо»дан)
Иброҳимович («Милан»дан)
Дрогба («Челси»дан)
Фалькао («Порту»дан)
Адебайор («Манчестер Сити»дан)

Добавлено (08-Июн-2011, 09:46)
---------------------------------------------
Бразилия терма жамоасининг афсонавий ҳужумчиси Роналдо кеча терма жамоадаги энг сўнгги учрашувида майдонга тушди. Руминия терма жамоаси билан ўтган ўртоқлик учрашувида улар 1:0 ҳисобида ғалаба қозонишди.

34-ёшли футболчи майдонга 30-дақиқага тушди ва 15 дақиқа ўйнади. Иккинчи бўлимда у ўз ўрнини Нилмарга бўшатиб берди.

Айтиш керакки, бу ўйин Роналдонинг «пентакампеонлар» сафидаги 98-учрашуви бўлди. Бу учрашувлар у 62марта гол урган.

Эслатиб ўтамиз, «феномен» яна бир нечта клублар ўртасидаги ўртоқлик учрашувида майдонга тушишни кўзлаб турибди. У «Коринтианс» сафида собиқ жамоалари – «Интер» ва «Барселона»га қарши ўйинларда майдонга тушиши аниқ бўлиб улгурган.

Роналдо «Крузейро», ПСВ, «Барселона», «Интер», «Реал», «Милан» ва «Коринтианс» сафида 517та ўйин ўтказиб, 352 марта рақиб дарвозабонларини хафа қилишга эришган.

Добавлено (08-Июн-2011, 09:47)
---------------------------------------------
Бразилия терма жамоаси ҳужумчиси Роналдо февралда футболчилик фаолиятини якунлаганини биласиз. У бундан буёғига футбол агенти сифатида ишлаш ниятида.

«Менга футболда ишлаш ёқади ва ана шу соҳада ишлишда давом этмоқчиман. Мен бизнесдаги билимларимни ошириб боряпман. Ҳатто баъзи футбол агентликларига ҳам бир неча савол бўйича ўз маслаҳатларим билан ёрдам бериб келяпман. Балки бу иш билан ҳали узоқ шуғулланарман», — деди Роналдо журналистларга берган интервьюси чоғида.

Добавлено (09-Июн-2011, 15:49)
---------------------------------------------
Италия Кубогининг 2010/2011 йил мавсумида Миланнинг «Интер» жамоаси бош совринни қўлга киритди. Финалда «Палермо» жамоаси билан куч синашган «нерадзуррилар» 3:1 ҳисобида ғалаба қозонишди.

Учрашувда аввалига Самуэль Это‘О икки бор тўп киритиб жамоасини ғалабага яқинлаштирган бўлса, орада Муньос ҳисобдаги фарқни қисқартирди ва ўйиндаги кескинликни сақлаб қолганди, бироқ ҳакам томонидан қўшиб берилган дақиқаларда Диего Милито тўп киритиб ҳисобдаги икки тўп фарқини сақлаб қолди.

Ушбу ғалаба «Интер»нинг Италия кубогидаги еттинчи ғалабаси бўлди. Бунгача олти бор (1939, 1978, 1982, 2005, 2006, 2010) мусобақа бош совринини қўлга киритган «Интер» ушбу совринни 9 маротаба қўлга киритган «Ювентус» ва «Рома»дан ортда қолмоқда, холос.

ИТАЛИЯ КУБОГИ
ФИНАЛ

ИНТЕР – ПАЛЕРМО – 3:1 (1:0)
Голлар: Это′О (26, 77), Милито (90+2) – Э. Муньос (88).

ИНТЕР: Жулио Сезар, Нагатомо, Раноккия, Лусио, Киву, Х. Дзанетти, Т. Мотта (Марига, 83), Станкович, Снейдер (Милито, 87), Паццини (Пандев, 61), Это′О.

ПАЛЕРМО: Сиригу, Кассани, Э. Муньос, Гоян (Карроцциери, 24), Бальдзаретти, Пасторе, Мильяччио, Аскуа (Микколи, 55), Ночерино, Иличич, Эрнандес (Пинилья, 79).

Огоҳлантириш: Аскуа (26), Э. Муньос (52), Карроцциери (69, бачраси «Палермо»).

Четлатиш: Э. Муньос (90).

Бош ҳакам: Эмидио Морганти
29 май. Рим. «Стадио Олимпико».

Добавлено (13-Июн-2011, 12:05)
---------------------------------------------
Бугун Қозоғистон пойтахти Астана шаҳрида Қозоғистон Президенти кубоги мусобақаси бошланди. Аслида унда 1995 йилда туғилган футболчилардан иборат терма жамоалар чақиртирилган бўлса-да, бу ёшдаги терма жамоамиз бўлмагани туфайли, мусобақага Дилшод Нуралиев бошчилигидаги 1996 йилдаги туғилган футболчилардан иборат ўсмирлар терма жамоаси юборилди.

Нуралиев жамоаси бугунги куннинг сўнгги ўйинида Қозоғистон термасига қарши майдонга тушишди. Ўйинлар ҳар бири 40 дақиқадан иборат 2 таймдан иборат шаклида ўтказиляпти. Ўйиннинг 27-дақиқасида мезбонлар ҳисобни очишганди. Иккинчи бўлимнинг 6-дақиқасида вакилларимиз ҳисобни тенглаштиришга муваффақ бўлишди. Бу вазиятда Ойбек Қиличев индивидуал маҳоратини намойиш этди. Ўйиннинг охирига қадар ҳисоб ўзгармади.

"А" гуруҳидан ўрин эгаллаган Озарбойжон ва Эрон терма жамоалари ўртасидаги ўйинда эса 2:1 ҳисоби қайд этилди.

Энди терма жамоамиз эртага Тошкент вақти билан 15:00 да Эрон ўсмирларига қарши майдонга тушади.

"А" ГУРУҲИ
ОЗАРБОЙЖОН - ЭРОН 2:1
ҚОЗОҒИСТОН - ЎЗБЕКИСТОН 1:1
Голлар: Жагиппар 26 - пенальти (1:0), Эркинов 45 (1:1)
Огоҳлантиришлар: Эркинов 15, Жўрабоев 27, Иб. Абдуллоев 47, Мирзаев 72, Аббасов 79
Қозоғистон: Голубничий, Моисеев (Шаймурат 41), Нукебай (Гридасов 50), Нурали, Таипов, Воменко, Жагиппар, Антипов, Алиев (Сулей 66), Морозов (Донченко 70), Кабдоллаев (Аймбетов 54)
Ўзбекистон: Баҳовутдинов, Жўрабоев, Из. Абдуллоев, Болтабоев, Исмоилов, Мирзаев (Солиев 78), Эркинов (Аҳмаджонов 72), Давлатов (Аббосов 43, Мирзомуродов 80+), Иб. Абдуллоев, Хурсанов, Одилов
Ҳакамлар: Соколов, Кумашев, Кенжалинов (барчаси - Қозоғистон)

"В" гуруҳида ўтказилган бугунги баҳсларда қуйидаги натижалар қайд этилди:

Грузия - Арманистон 5:3

Украина - Туркия 2:1

Гуруҳларда биринчи ўринни эгаллаган жамоалар финалда учрашишади.

Добавлено (14-Июн-2011, 13:51)
---------------------------------------------
Мадриднинг "Реал" клуби ярим ҳимоячиси Криштиану Роналду ўзининг ҳозирги жамоасида бахтли эканлигини айтиб ўтди.

Роналдунинг айтишича, унинг калласида бошқа жамоага ўтиб кетиш ҳақидаги хаёллар йўқ экан.

"Мен бошқа жамоага ўтишни ҳаттоки тасаввур ҳам қила олмайман. Мен бу ерда жуда бахтдиман. Агар мен учун пул ҳал қилувчи аҳамиятга эга бўлганда, аллақачон бошқа бир яхши пул тўлайдиган жамоага ўтиб кетган бўлардим. Борди-ю, "Реал" президенти мен билан яна ўн йилга шартнома тузишни истаса, мен бунга жон-жон деб кўнган бўлар эдим", — деди футболчи Мarca нашрига берган интервьюси чоғида.

Добавлено (15-Июн-2011, 14:29)
---------------------------------------------
Озарбойжон пойтахти Боку шаҳрида бўлиб ўтаётган «Каспий кубоги»да учинчи тур учрашувлари бўлиб ўтди. Мусобақада иштирок этаётган «нуралиевчилар» бугун мусобақанинг 3-турида Қирғизистонга қарши майдонга тушишди ва бу сафар йирик ҳисобда ғалаба қозонишди.
Учрашувнинг дастлабки дақиқаларидан олдинга ташланган вакилларимиз аввалига Шоҳжахон Аббосовнинг голи эваига ҳисобда олдинга чиқиб олди. 28-дақиқада энди Иззат Абдуллаев ҳисобдаги фарқни иккитага оширди. Биринчи бўлимнинг сўнггига қадар Музаффар Исмоилов ҳисобдаги фарқни учтага оширди

Иккинчи бўлимда вакилларимиз янада сермаҳсулроқ футбол намойиш эта бошлашди. Аввалига биринчи гол муаллифи Шоҳжаҳон Аббосов ўзининг иккинчи голини киритган бўлса, Иззат Абдуллаев икки дақиқанинг ўзида иккита тўп киритиб хет-трек қайд этди.
Бу билан ҳам чекланиб қолмаган Нуралиев шогирдлари 74-дақиқада Муҳиддин Одиловнинг голидан кейин ҳисобни 7:0 кўринишига олиб келишди. Бу ҳисоб учрашув сўнггига қадар ўзгармади ва вакилларимиз гуруҳдаги сўнгги учрашувни йирик ҳисобдаги ғалаба билан якунлади.

Ўзбекистон - Қирғизстон - 7:0 (3:0)
Голлар: Шоҳжаҳон Аббосов (15, 51), Музаффар Исмоилов (40), Иззат Абдуллаев (28, 63, 65), Муҳиддин Одилов (74).

ЎЗБЕКИСТОН: 1. Комрон Баҳовутдинов, 16. Зокир Аҳмадалиев (14. Бекзод Мирзамуродов, 68), 5. Шоҳжаҳон Қиличев (9. Иброҳим Абдуллаев, 68), 11. Музаффар Исмоилов, 2. Достон Ҳамдамов, 3. Ислом Исмоилов (8. Адҳам Аҳмаджонов, 53), 15. Иззат Абдуллаев, 7. Равшан Хурсанов (сардор), 13. Шоҳжаҳон Аббосов (10. Жавоҳир Сидиқов, 60), 6. Алишер Мирзаев, 18. Ойбек Эркинов (17. Муҳиддин Одилов, 53)

Огоҳлантиришлар: Равшан Хурсанов, 28, Музаффар Исмоилов, 48, Алишер Мирзаев, 59 – Р. Бакит, 11.

Амалга оширилмаган пеналти: Р. Хурсанов, 26.

Манба: www.uff.uz

Добавлено (16-Июн-2011, 10:55)
---------------------------------------------
Каталониянинг "Барселона" клуби ҳужумчиси Боян Кркич "Рома" клубига ўтиб кетиши мумкин экан. Футболчининг агенти томонидан таъкидланишича, мижозининг "Рома"га ўтиши борасида ҳеч қандай муаммо бўлмас экан.

"Боян "Барселона" таркибида мунтазам равишда майдонга тушиб туриши керак. Бунинг учун эса, буюк футболчиларга қарши рақобатда бўлишига тўғри келмоқда.

"Рома"га ўтиш фикри унинг ўзига ҳам ёқиб турибди. Ўйлашимча клублар ўртасида ҳеч қандай муаммо келиб чиқмаслиги керак. Айни вақтда энг қулай услуб бу — кейинчалик сотиб олиш ҳуқуқи билан футболчини бир йил муддатга ижарага бериб юборишдир", - дейди футболчининг агенти.

Эслатиб ўтамиз, Боян Кркич ўтган йилги мавсум давомида Испания чемпионати ўйинларида 26 марта майдонга тушган ва олтита гол киритишга муваффақ бўлган. Бироқ, фақатгина саккизта учрашувда Кркич майдонда бир бўлимдан салгина кўпроқ вақт давомида бўлиб турган ҳолос. Қолган вақт давомида иқтидорли ёш ҳужумчи заҳира ўриндиғида қолиб кетган.

Добавлено (16-Июн-2011, 10:57)
---------------------------------------------
Мадриднинг "Реал" клуби ҳужумчиси Криштиану Роналдунинг айтишига қараганда, имкон бўлганда мадридликлар сафида ўтган мавсумнинг иккинчи ярмини ижара асосида ўтказган тоголик ҳужумчи Эммануэль Адебайорни олиб қолган бўларди экан.

Эслатиб ўтамиз, бундан бироз аввал "Реал" раҳбарияти Адебайорнинг трансфер ҳуқуқини сотиб олишдан бош тортгани ҳақида хабар тарқатилган эди.

"Мен Адебайорни "Реал"да олиб қолган бўлардим. У жуда яхши футболчи ва шу билан бирга жуда яхши жамоадош ҳисобланади. Адебайор жамоа кийиниш хонасида яхши муҳитни ярата оладиган футболчи. У ҳам худди Марсело каби бошқаларга ҳам ўз хурсандчилиги ва ижобий ҳиссиётларини ўтказа олади", - дейди футболчи.

Добавлено (17-Июн-2011, 09:15)
---------------------------------------------
Мадриднинг "Реал" клуби ярим ҳимоячиси Криштиану Роналду жамоа бош мураббийи Жозе Моуриньонинг шаънига бисотидаги бор мақтовларини ёғдириб юборди.

У Marca нашрига берган интервьюи чоғида, жаҳонда Моуриньога тенг келадиган мураббий йўқ эканлигини таъкидлади.

"Ҳеч шубҳа йўқки, Моуриньо жаҳоннинг энг кучли мураббийи ҳисобланади. Жозе буни ўз иши орқали бошқа давлатларда ҳам исботлаб қўйган. У ғалаба учун нима зарур эканлигини яхши билади ва ишончим комилки, келгуси мавсум у учун омадлироқ бўлади. Мураббий ҳар бир футболчининг имкониятларини, омадга эришиш учун қандай ишлаш кераклигини яхши билади", — деди Роналду.

Добавлено (17-Июн-2011, 09:16)
---------------------------------------------
"Барселона" клуби дарвозабони Виктор Вальдеснинг айтишича, у учун "Реал" билан ўз жамоаси ўртасидаги муносабатларнинг умуман қизиғи йўқ экан.

Бу икки жамоа вакиллари бир-бирларига ўта "илтифотли" эканлигини сиз жуда яхши биласиз.

"Мени бу икки клуби ўртасидаги муносабатлар умуман қизиқтирмайди. Тўғри, ўтган мавсумда икки жамоа ўртасидан бир қанча гап-сўз бўлди, бироқ уларнинг ҳаммаси майдонда қолиб кетади", — деди Вальдес Marca нашрига берган интервьюси чоғида.

Добавлено (17-Июн-2011, 09:17)
---------------------------------------------
"Барселона" ва "Реал" клублари собиқ ярим ҳимоячиси Луиш Фигу "Аустриа" клубига қарши ҳайрия ўйинини ўтказади. Ўйин Вена шаҳрида 17 июнь куни бўлиб ўтади.

Бу учрашувга таклиф этилганлар рўйҳатида қуйидаги футболчилари бор:

Деян Станкович, Яҳё Туре, Роналдо, Витор Байя, Сержиньо, Пьер ван Хойдонк, Сантьяго Солари, Роке Жуниор, Рикарду, Кафу, Жовани Элбер, Владимир Шмицер, Паулета, Георге Хажи, Боа Морте, Оливье Дакур, Димаш, Иван Эльгера, Лукас Радебе, Георге Попеску, Рональд Де Бур, Патрик Виейра.

Юлдузли жамоанинг мураббийи Карлуш Кейруш бўлади. Ўйиндан тушган барча маблағлар Луиш Фигу номидаги ҳайрия жамғармасига ўтказилади.

Добавлено (18-Июн-2011, 10:44)
---------------------------------------------
Ўзбекистон футбол федерацияси президенти Мираброр Усмонов Алексей Евстафеев бошчилигидаги ўсмирлар терма жамоасини Мексикага кузатар экан, айни вақтда Махачқалъа шаҳрининг "Анжи" клубида фаолиятини давом эттираётган ҳамюртимиз Одил Аҳмедовга Лондоннинг "Арсенал" клубидан таклиф тушгани ҳақида гапирган эди. Шундан сўнг, хорижнинг кўплаб нашрларида бу ҳақда хабарлар тарқатилди.

Шу муносабат билан, Европадаги www.thegunninghawk.com интернет нашри орқали, "Лондоннинг "Арсенал" клубига Карим Бенземанинг ўтгани маъқулми ёки Одил Аҳмедов" сўровномасини ўтказа бошлади.

Қуйида сўровноманинг айни вақтдаги натижаларини келтириб ўтамиз.

Карим Бензема клубга керак — 47.61% (2,263 овоз)
Карим Бензема клубга керак эмас — 3.72% (177 овоз)

Одил Аҳмедов клубга керак — 33.41% (1,588 овоз)
Одил Аҳмедов клубга керак эмас — 15.25 % (725 овоз)

Бу ўринда таъкидлаб ўтиш лозим, гарчанд 4753 та мухлис иштирок этган ушбу сўровномада ҳамюртимиз "Реал" клуби ҳужумчиси Карим Бенземадан ортда бораётган бўлса-да, охирги соатлар ичида Одил Аҳмедовнинг кўрсаткичлари кескин яхшиланган.

Добавлено (18-Июн-2011, 10:46)
---------------------------------------------
«Реал» «Барселона» билан муносабатларини яхшилаш ниятида эканини маълум қилди
Рукн: Янгиликлар » ЕВРОПА
Мадриднинг "Реал" клуби ашаддий рақиблари бўлмиш "Барселона" клуби президенти Сандро Росселнинг айбловларига жавобан расмий баёнот билан чиқиш қилди. Сандро Россел мадридликларни "Барселона"га нисбатан ноаҳлоқий муносабатда бўлаётганини айтиб ўтган эди.

Жумладан, "Реал" расмий баёнотида шундай дейилади.

"Гарчанд "Барселона" президенти бундай айбловларни илгари сурган бўлса-да, "Реал" футболнинг ривожи учун "Барселона" билан бўлган муносабатларни яхшилашга қаратилган ҳаракатларни олиб б оради. Биз Испания ва дунёнинг барча клублари билан бўлган яхши муносабатларимизни қўллаб-қувватлашда давом этамиз.

"Реал" клуби бундан кейин ҳам футболнинг асосий принципларидан четга чиқмаган ҳолда ишлашда давом этади. Айниқса ирқчиликка қарши кураш ва ҳалол ўйин қоидаларига жуда катта эътибор қаратилади. Бизнинг клубимиз айнан шу жиҳатларни замонавий футболнинг ажралмас бўлаклари ва асоси деб билади", - дейилади "Реал" расмий сайти томонидан эълон қилинган баёнотда.

Добавлено (18-Июн-2011, 10:47)
---------------------------------------------
12-тур доирасида Жиззахда “Сўғдиёна” меҳмони бўлган Миржалол Қосимов шогирдлари рақиб дарвозасига олтита тўп киритишди. Ўз дарвозаларидан эса атиги битта гол қўйиб юборишди.

“Қалдирғочлар”нинг 6:1 ҳисобидаги ютуғи клуб тарихида меҳмондаги энг йирик ҳисобда қўлга киритилган ғалаба сифатида қайд этилди. Эътиборлиси, экс-рекорд ҳам айнан Жиззахдаги баҳсга тўғри келади. 2008 йилги мавсумнинг 13-турида “Сўғдиёна” меҳмони бўлган тошкентликлар рақиб дарвозасига жавобсиз бешта тўп киритган эдилар.

“Бунёдкор” тарихидаги энг йирик ғалаба Ғузорнинг “Шўртан” клуби устидан 2008 йилда қозонилган ғалаба бўлиб, МҲСК стадиони таблосида акс этган якуний натижа 7:0 кўринишини олган эди.

Добавлено (18-Июн-2011, 10:48)
---------------------------------------------
Украина ва Польшада бўлиб ўтадиган Евро-2012 мусобақасининг ғолиби 23,5 миллион евро ишлаб олиши мумкин экан. Бунинг учун ўша жамоа ҳар бир ўйинда ғалаба қозониши шарт бўлади.

Чемпионатнинг умумий мукофот жамғармаси 196 милллион еврони ташкил қилади. Австрия ва Швейцарияда ўтган Евро-2008 мусобақасининг мукофот жамғармаси 184 миллион евро бўлганди.

Ҳар бир финал босқичга йўл олган терма жамоа 8 миллион евродан олади, гуруҳ босқичидаги дуранг учун 500 минг, ғалаба учун бир миллион, гуруҳдан учинчи ўринни эгалласа яна бир миллон.

Ҳар бир чорак финал иштирокчиси 2 миллиондан олади. Ярим финалчи уч миллиондан, кумуш медаль соҳиби 4,5 миллион ва ниҳоят Евро-2012 ғолиби 7,5 миллион евро билан тақдирланади. Бу ҳақида УЕФА расмий сайти хабар беради.

Добавлено (19-Июн-2011, 21:08)
---------------------------------------------
O'zbekiston 1:0 GongKong.