(видео пастроқда)

25 июнь 2012 йил соат 17-00!
Марди майдон жонли ижро фестивалининг навбатдаги концертида ёш хонандалар қувонтирдию...техника эса роса панд берди. Микрофонлар жудаям баланд қилиб юборилганлиги сабабли, овозлар тиниқ эмас ғувиллаб, дириллаб қулоқларни зириллатиб юборди.
Айниқса,  одам асосан рохатланиши керак бўлган авжларида, войдод деворадиган бўлди))) Колонкага яқинларга чин дилдан ачиндим))

Иқтидорли ёшлар кўплиги ва жонли ижрони қойиллатишлари қувонтирди. Балки шунинг учун концерт жуда тез тугаб қолгандек туюлди.
 
  "Шамс-нур" гурухи аъзолари-Жахонгир Тожибоев, Мирзабек Бобоёров ва  Бекзод Усмоновлар концертни илк иштирокчилари бўлишди.

Иззат Комилов

Кўзи ожиз  йигитСуннатилло Рахмоновни қўшиқ куйлаб бўлганидан кейин анча пайт олқишлар тинмади. Узоқ муддатли олқишлар... Дилором Омонуллаева мусиқаси, Ўткир Рахмат шеъри билан куйланган "Сен қайдасан" қўшиғи дархақиқат гўзал. Фақат қўшиқ тугаётганида, Сенсиз хаёт қолди хувиллаб ўрнига, увиллаб деб куйлаб юборгандек. Видеодан кўрарсиз.

Мақсуд Чориев

"Нихол" мукофоти совриндори Адолат Қўлдошевадан микрофонлар увиллашни бошлагани сир эмас. Овозмисан овоз бўлса, микрофонсиз куйласалар хам бўларкан.

Мехмон хонанда сифатида Алишер Турдиев (Файз)... Шахсий фикрим, кўп гапириш шартмикан? Билмасам, гаплар баландпарвоздек, шахсан мен учун самимий эмасдек, сертакаллуф,  шунчаки гапиряпманда, ёки гапириш керак сифатида туюлди. Қайтараман, бу шахсий ва субъектив фикр.  Сермулохазалик эриш туюлди.

"Она" қўшиғини куйлаган Алишер бу қўшиқни хам мусиқаси ва хам шеърини ёзибдилар. Серфайз ижодкор.
Узр, лекин матнни келаси сафар шоирга ёздирсалар бўларди деган яна бир шахсий фикр билдирсам.
"Примитивно-банальные слова"...
"Вужудида ўзини олиб юриб тўққиз ой".... иккинчи маротаба қайтарилганда "Вужудида бир ўзи хам олиб юриб тўққиз ой" дегани менга туюлдими, йўқми, буни видеодан кўрарсиз. Шундай бўлса... икта бўлиб, олиб юришни иложиси йўўўўқ дердим))). "Дурдек тишлари тўкилиб"..хаммани хам тишлари тўкилиб кетмаса керак? Хулласде.
Хаммасидан хам мана бу мисралар мени тамоман ажаблантирди: "Тўлғоқ дардин оначалик билмас хечким хойнахой"....

Вариантлар борми яна ўзи?

Фақат она бўлаётганда бўладику тўлғоқ дарди. Аниқ аён нарсаку...хуллас умуман...узр бошқа ёзолмайман, эмоцияларни тўлғоқи шундай тутяптики, асабий мисралар туғиб ташлашга тайёр)))
Илтимооос шеър ёзмааанг, ёлвораман))))

Энг кульминацияси эса  хақиқий шокни тўлғоқи бўлди ўзиям, адашмасам жонли ижро  фестивали эдию, лекин, бирдааан чақалоқ бақирворса бўладими...
Жонли ижро концерти учун чақалоқ олиб келиб, бир чимчилаб олишдими-деб сахнани хамма ерига қарадиму бола кўтарган одамни кўрмадим... билмасам балки сахна ортида тургандир)))

"Онам мени дард тутиб туққанингизга рахмааааат".....жееесть...  Иккинчи қайтарилганида "Онам мени дард тутиб боққанингизга рахмат"... Қанаққилииииб? Дард тута туриб, боқиб бўлишлигини кўз олдимга келтира олмадим. Хеч қанақасига иложиси бўлмади,  тўғриси. (Қўшиқда шу каби яна бошқа қизиқ сўзлар бор, видеодан кўрарсиз)

Иккинчи "Гулёр" қўшиқлари хам ўзларини серфайз муаллифлик қўшиқлари экан. Унга тўхталмайман, кучим хам етмайди))) жа бир шахсий адоватдек туюлиб қолмасин тағин. Алишерни хонандалик махоратига эмас, шоирлик қиррасига фикр билдирдим. 

Камолхўжа Иқболов

Жасурбек Мирзахмедов

Жонли ижро мардлар майдонида Дилсўз (Гўзал Жуманиёзова) синалиш натижаси жудаям яхши бўлди. Бунга шубхам хам йўқ эди.

"Нихол" мукофоти совриндори  Машхурбек Раимжонов жудаям бир серхаракат ва энергияга тўла артист экан))).

Яна бир гулдурос қарсаклару узоқ олқишлар сохиби "ЭлДиДо" гурухи йигитлари бўлди. Дархақиқат ижрога гап бўлиши мумкин эмас, кучли ва махоратли ижро шу куннинг фишкаси бўлгани аниқ.
Иииизааабеееель)))

"Нихол" мукофотининг яна бир совриндори Жасур Мирсагатов "Ўзбек боласи" ва "Тўмарис" қўшиқлари билан  яхши иштирок этди.

шу тариқа навбатдаги жонли ижро концерти хам якунланди.

Туркистонга қайтийлууууууууу

Видео:

Ютубда томоша

 
Майтуб тасиксда томоша


Мобил турини тасиксдан кўчирмоқ 50мб