"Ёнингда бўлай"

Аранжировка  N’Zero

Клип режиссери Жамшид Хожиниёзов

Клип оператори Жасур Шаметов

Тасиксдан кўчирмоқ салкам 4мб

Муқобил тасиксдан

Саундклауддан 

Жасур Гаипов: -10.02.2015 куни янги “Ёнингда бўлай” деб номланган қўшиғимнинг премьераси шахримизнинг етакчи радиостанцияларида бўлиб ўтади. Қўшиқнинг мусиқа ва матн муаллифи ўзим. Аранжировка муаллифи Фазлиддин Хожиниёзов (N’Zero). Бу ижод намунам хам ўз мухлисларини топишига ишонаман. Шу вақт ичида биз бу қўшиққа видеоклип хам олишга улгурдик ва айни шу дамда монтаж ишлари авж олган. Режамиз бўйича бу видеоклипни март ойида ойнаи жахон орқали мухлисларга хадя этамиз. Ушбу клипга ғояни мен таклиф қилдим ва ижодий жамоамиз шу ғоя асосида клипни тасвирга туширишди. Клип устида Жамшид Хожиниёзов (режиссер) ва Жасур Шаметов (оператор), либослар бўйича рассом Хилола Шер, декорация ва реквизитлар бўйича рассом Бахриддин, гримм бўйича Рената Искандаровалар ишлашди.  Видеоклип турли фикрлар пайдо бўлишига сабаб бўлиши мумкин, лекин ижодни дадил қадамлар билан давом эттиравераман. Бундан ташқари мухлислар талабига мувофиқ “Вақт” деб номланган қўшиғимга хам видеоклип режиссер Санжар Маткаримов томонидан суратга олинди. “Вақт” видеоклипи воқеа асосида суратга туширилган. Бу жараёнда хам ўз ишининг мутахассислари иштирок этишди. Март ойида бу клипни хам мухлисларга тақдим этмоқчимиз. Ундан ташқари ижодий режалар жуда кўп. Деярли қўшиқ ёзишдан бўшаётганим йўқ. Мухими, ўз олдимга қўйган мақсадларим сари интиляпман, ахир “Интилганга толеъ ёр” деб халқимиз бежиз айтмаган!!! Барча мухлисларимдан эътибор ва хурмат учун миннатдорман!!!