7 октябрь  арт-викнинг тўртинчи куни, мода ва дизайн хафталиги доирасида машхур Versace брендининг  2012-2013й  куз-қиш мавсумига аёллар либоси намойиши International Hotel Tashkent  отелида  бўлиб ўтди.  Мазкур намойишга мен Тамила билан ташриф буюрдим.

Намойиш бошланишидан аввал, ташкилотчилар таклиф қилинган мехмонларни холлда кутиб ола бошлашди.  Бу намойишга аталган таклифномадан то холл ва залгача  намойиш формати ва мохиятига хос равишда безалган.  Такшилотчилар томонидан мехмонларни турли хил ичимликлар ва  канапе егуликлари билан мехмон қилишлари  ташкилотчиларнинг ўта мехмондўстлигидан далолат.

Менинг фикримча,  бугунги намойишни бемалол  Париж, Лондон ва Москвадаги фэшн намойишлари билан таққослаш мумкин. Холлданоқ мехмонларни кузатар эканман, уларнинг либосларидан, либослар намойиши аслида  айнан мана шу холлда  бўлаётгандек кўринишда эди.  Тўғриси, мен бу тадбирдан жудаям завқланиб, кўзларим яйради.

Аста секинлик билан Versace   фэшн шоуси  бўлиб ўтаётган Амир Темур залига мехмонлар кўтарила бошлашди.  Подиум Versace   стилида безанган бўлиб, марказида Versace   логотипи , подиумга ястланган қора глянец  материал алохида шик бериб турди.

Намойиш бошланди!

Элликдан зиёд либослар намойиши бўлди. Либослар жуда ёрқин, дадил ва шу билан бирга жиддийликни сақлаган холда бўлганига ўзига хос готик стильни эслатгандек бўлди.

Коллекцияда  занжирлар, темир, матоларнинг ноёб турлари, паеткалар (балиқ тангаларидек ялтироқ жисмлар) ва албатта сваров тошлари кўп ишлатилган.

Умуман олганда менга  барча либослар ёқди, айниқса  тўқ сариқ рангдаги каракульдан пальто жудаям хуш келди.

Оёқ кийимлар ва этиклар жудаям бежирим, юқори дидда,  кристаллардан фойдаланган.  Хуллас,  намойиш юқори дид ва дабдабалик бўлди. Ташкилотчилар учун бундай намойиш учун ташаккур билдираман.

Амира Алибекова sayyod.com учун махсус.