"Беном" гурухи Сарвар ва Комилнинг Ўш шахридаги 19-20-март кунларига белгиланган  концерти бир кун аввал бекор қилинди. Бироз аввал У. Рахматуллаев билан боғлиқ можародан кейин бу холатдан ўшликлар ўзбек артистлари гастролига  шубха билан қарайдиган бўлишгандек... 

Ассалому алайкум Сардор ака мен Қирғизистон республикаси 2чи пойтахти Ўш шахриданман исмим Фарход радио олиб борувчиман. Сизга мурожат қилишимнинг сабаби Ўш шахрига "Беном " гурухи 19-20 март кунлари концерт бериши керак эди, Сарвар ва Комилдан хаттоки видеотаклиф хам бўлганди. Лекин чипталар сотилиб булгандан сунг 18 март кунлари кела олмаслигини эшитдик. Нима учун кела олмаслиги хақида эса хар хил муамоларни айтди .Шу билан бундай холат бизнинг Ўш шахарида 2чи маротаба ! 1 У. Рахматулаев номини сотиб фирибгарлар иш килиб кетди , 2 чиси эса "Беном " гурухи ўзлари келмади. Шуни холатларга сизни фикрингиз қандай мухлис барибир мухлисда театр олдиган келган мухлисларни хаммаларини чипталарини кайтаришди у хам майли ишонч йўқолдику. Энди Алишер Файз Ўшда концерт беряпти деса хам ишонмасалар керак . Холис фикрингизни айтсангиз ?

Ушбу мурожаатни гурух йигитларига тақдим этдик.

Комил:- Хорижга гастроль сафарига чиқиш учун керакли бўлган рухсатномалар мавжуд. Ташкилотчилар эса ушбу хужжатларни ўз вақтида тақдим эта олишмади. Табиийки биз Ўзбекистон қонунчилигини бузган холда махсус рухсатномаларсиз хорижга гастроль фаолияти билан чиқа олмаймиз.

Sayyod: Ташкилотчилар уларникимиди ва нима учун бир кун қолганда бекор қилинди, эртароқ хал қилинмаганмиди?

Комил:- Ха, ташкилотчи уларники, лекин хужжатни улар бир кун қолганда жўнатишди ва афсуски хатолар билан. Хаттоки уни ўқиб хам бўлмасди. Шу сабаб хам улар расмий хужжат қилишмагунича бизга рухсат берилмади. Мухлислар олдида бизга ноқулай бўлгани қолди.

Ташкилотчилар билан боғлиқ шундай муаммолар сабаб артистлар халқ кўз ўнгида ёмонотлиқ бўлиб бораётгандек. Афсуски бундай холатлар тобора кўп учрамоқда.

Шу сабаб "Ўзбекконцерт" (Ўзбекнаво) эстрада бирлашмаси жамоасидан ташкилотчиликни бошлаб юбораётган хаваскор  фирмаларми, шинаванда бизнесменларми уларни тартиб ва қоида борасидаги етарли профессионаллигини назорат қилишни тавсия қилган бўлардим. Зеро кенг омма олдида улар эмас артистлар ёмон кўриниб ноқулай ахволга тушиб қолмоқда.

Юқоридаги хатда намуна сифатида (балки деган мънода) айтилган Алишер Файз билан боғлиқ вазиятни режадаги концерт сифатида қабул қилинмаслик сўралади, зеро Алишер Файз маъмурияти яқин кунлар Ўшда хеч қандай концерт режада эмаслигини маълум қилди.