"Беном" гурухи, Ситора Фармонова ва "Ўзбекнаво"га сўз! Baxs| Tanqid | Janjal

Ёқдими?

Бошқаларга хам кўрсатинг:

Лицензиатлар Ситора Фармонова, Сарвар Азимов ва Комил Фозилов (Сарвар ва Комил)  томонидан Лицензия битимида назарда тутилган талаб ва шартлар мунтазам равишда бузилганлиги сабабли, ушбу хонандалар номига берилган лицензияларнинг амал қилиш муддати “Фаолиятнинг айрим турларини лицензиялаш тўғрисида”ги Ўзбекистон Республикаси Қонунининг 23-моддаси ҳамда Ўзбекистон Республикаси Вазирлар Маҳкамасининг 2015 йил 9 декабрдаги 354-сон Қарорига асосан   2016 йил 19 июлдан тугатилганлиги билдирамиз.

       Ўзбекистон Республикаси қонунлари ва Вазирлар Маҳкамаси қарорлари талабини бажариш ҳар бир хонанда ва санъаткорнинг бурчидир.

Матбуот хизмати


 

Ушбу расмий эълон юзасидан  "Беном" гурухи йигитлари, "Ўзбекнаво" расмийлари  ва Ситора Фармоновалардан фикр олдик.

 

 

"Беном" гурухидан Комил жавоб беради:- Бу хақида мана сиздан хозир билдим. Хайратдаман!  Четга чиқиш билан боғлиқ  ишлар сўнгги пайт жудаям мураккаблашгандек лекин биз хамиша четга чиқаётганда расман "Ўзбекнаво"га айтганмиз ва ёзиб берганмиз.

Қозоғистонда концерт уюштириш масаласида "Ўзбекнаво"га мурожаат қилинганида, четга чиқишни тартибга соладиган  масъул ходим Азамат  Нурматов  ушбу концертни ташкилотчилари расмий хат билан мурожаат қилишларини сўради. Ташкилотчилар юридик шахс бўлмаганини тушунтирсак хам кўнишмади. Кейин ташкилотчилар фирма орқали чиқиб расмий хат ва ундаги мухри билан мурожаат қилишганида эса "Ўзбекнаво" рад жавобини берди. Биз олдиндан концерт гонорарини олганимиз учун концертни бекор қила олмадик ва боришга мажбур бўлдик. 

Москвадан ташкилотчилар концерт бўйича мурожаат қилганида эса Азамат Нурматов янада қийин шарт қўйди, яъни элчихонадан рухсат олиш керак деб. 

 

"Беном" гурухи маъмури Бахрул:- Хуллас элчихонамизга Москвадан  ташкилотчилар мурожаат қилганида элчихонадагилар бундай тартибдан хабаримиз йўқ дейишган. Кейин Қозоғистон билан боғлиқ хужжатларда қандай талаблар қўйилган бўлса шуларни амалга оширишни бошладик. Азамат Нурматов мурожаатни фирманинг махсус бланкасидаги турини  талаб қилди,  уни хам берилганида концерт зали манзили, қайси туманда жойлашгани ва аввал у ерда кимлар концерт бергани хақидаги маълумотларни ёзиб Россиядаги элчихонамизга тақдим этишни сўради. Мана шу хаммасини элчихонага тақдим этилганида эса элчихона ходимлари "Биз концерт ташкилотчилари эмасмиз, биз элчихонамиз" дейишди. "Ўзбекнаво"дан кейинги талаблар: Концертга кимлар кириши,   кимлар учун қилиниши  ва фирма эмас давлат  ташкилоти концертни ташкиллаштириши керак дейишди. Хусусий фирмани концерт ташкиллаштиришга рухсат йўқ экан ва Россия маданият вазирлиги ташкиллаштириши керак экан. Биз  хайратдамиз, Россия маданият вазирлигига бу қизиқ эмаску. "Ўзбекнаво"ни талаб қилинган хужжатлар рўйхатига  концерт  залини планировкасигача киритилди... кадастр.. Охир оқибат концерт кунига озгина қолганида концертни бекор қилишга мажбур бўлдик. Чипталарни пулини қайтариш ва шу бахона айланиб келиш учун  Москвага бордик. У ерда Сарварни  яқин дўсти тунги клуб очгани муносабати билан  уни очилишига таклиф этди ва биз у ерда 3-4та ашула билан хизматда бўлдик. 

Чет элга чиқаётган бошқа хамма санъаткорларни концертларини ўша ердаги маданият вазирликлари ташкиллаштираётганмикин қизиқ...

 

Яна бир эътироз:

Комил: -"Сарвар ва Комил" ("Беном") гурухида икки хонанда хар бир хизматдан иккисига бир гонорар олсаю лекин лицензияга икки киши алохида пул тўлаб олса  биз қандай қилиб ташкилотчиларга хар иккисига алохида пул тўланглар дея оламиз? Бунақада яккахон хонандалар қулай бўлиб бора-бора гурухлар йўқолиб кетадику. Гурухлар учун қандайдир бир енгилик ва чегирмалар бўлиши керак назаримда. 

 

Одил Абдуқаххоров "Ўзбекнаво" эстрада бирлашмаси лицензия бўлими бошлиғи:- "Беном" гурухи йигитлари тарафидан хорижга чиқиш бўйича амалдаги қонун қоидаларни бир неча бора бузиш холатлари кузатилганлиги учун лицензиялари тугатилган. 

 

Москвада концерт берилмади дейишди.

Одил Абдуқаххоров:-Концерт беришган ва бу хақида фотофактлар мавжуд ва уни тақдим этаман:

 

 

 Биласизми, бир нарсани тўғри тушунишларини истардик, хорижга чиқишдан четлаштириш мақсади йўқ ва бундан манфаат , наф хам йўқ. Аввало белгиланган тартибдаги талабларни бузиш керакмас ва ўзбек эстрадасини ривожлантириш йўлида даража мухим! Тушуняпсизми, ўзбек хонандаларини нечаси текинга хорижга бориб 100 кишилик бир ахволдаги саройларда одам тўлдирмай концерт бериб хор бўлганини гувохи бўляпмиз, албатта бу нарсаларни бартараф этиш ва  хамма нарсани юқори савияда ўтказиши устида ишлашимиз керак!  Шу нуқтаи назарда ўзбек санъатини хорижга чиққанида муносиб даражада тақдим этиш талаби қўйилган. Албатта хонанда билан ташкилотчини ўзаро шартномаси, уларни ётоқлари билан керак бўлса таъминланганми йўқми назорат қилиш керакку. Хонандаларимизни хориждаги шарт шароити хақида хам қайғурилади. Бу хаммаси ахир ўзбек эстрадасини даражаси устидаги олиб борилаётган ишларку. 

Ситора Фармонова хам хорижга чиқиш талабларини бузгани учун лицензияси тугатилди.

 

 

Ситора Фармонова билан боғлиқ тарафини тахмин қилиш қийин кечмади зеро мана бир неча кундан бери ижтимоий тармоқлар орқали сайтимизга мурожаатларда унинг КВНдаги иштироки ва ундаги гўёки ўзбекларни устидан мазах қилингани эътирози кучайган.

 

Ижтимоий тармоқларда сиз Қирғизлар номидан Россияда КВНда иштирок этиб ўзбеклар устидан мазах қилганингиз эътирози билдирилмоқда.

Ситора Фармонова:- Қирғизистон номидан чиққаним йўқ. У "АзияМикс" гурухи ва унда бутун Осиёдан йиғинма. Тожикистон, Қирғизистон, Қозоғистон ва хоказо. Шу учунам Осиёмикс. Мен Ўзбекистон номидан қатнашаман, шу учунам бошида "Ситора Фарманова актриса из Узбекистана!" деб эълон қилишади, шунчаки бу гурух Қирғизистонда тузилгани учун, штаб у ерда ва шу сабаб гурух номини "Бишкек Қиргизистан" деб айтилади. Лекин гурух ичидагиларни алохида таништиришади ва  халқ буни билиб бўлгани учун охирги сафарида алохида қайта  таништирмади. Бироқ мен Ўзбекистондан чиқаётганимни халқ билади.  Ўзбекистон устидан кулинмаган. У ерда бир матн бор эди "Менга Калининград ёқди, айниқса шахарнинг маркази, чунки менга Тошкентни эслатди, жудаям чиройлик  Калининград" деб айтганман. "Мне Калининград очень понравился, особенно центр города напомнил мне Ташкент" деганман. Бу Ўзбекистонни устидан кулди деганимас, қайтанига ўша чиройлилиги менга эслатди дейилди. У ерда жудаям кўплаб ўзбеклар, кўчадаям шахарда юрганимда кўпчилик ўзбеклар келиб мен билан гаплашиб хуллас салом алик қилиб расмларга тушишди.  Ўзимни юртдошларимни кўрдим, Ўзбекистонимда юргандек хис қилдим. Чунки бегона шахарга тушгандек бўлмадим, ўзимни юртимга тушгандек бўлдим.  Жудаям кўп ўзбеклар у ерда оилавий яшашмоқда, мени хам мехмонга таклиф қилишди. Бу нарса кулишмас, қайтанига у ерда ўзбеклар хам қозоқлар хам бор, ўша маъносида айтилди. 

Лицензия борасида эса уни муддати тугаб қолди. Мен мана энди келдим Ўзбекистонга  ва Худо хохласа яна лицензияни оламан. Лицензини бир йил муддатга оламиз ва уни муддатидан аввал тўхтатилганидан хабарим йўқ шунчаки уни муддати тугаганини биламан.  

 

Хорижга чиқиш бўйича талаблардан "Беном" гурухини концертига худди Путин келиши керакдек бўлган расмиятчиликдан шахсан мен хайратландим. Халиги дўппи ва калла билан боғлиқ мақолдек гап буёғи. Азамат Нурматов бу борада реал имконият ва қонун доирасида эмас балки талабларни олтин балиқчага айтгандек айтаверган кўринади. "Ўзбекнаво"нинг лицензияга масъул ходими Одил Абдуқаххоровнинг эса бу борада фикрлари хақиқатга яқинроқ зеро рости хам четга чиқаётган ўзбекларни ДАРАЖАси хақида хам ўйлаш керак.  Хорижда рости хам хор бўлиб концерт бериб лажа бўлиб қайтганларни қанчасидан хабардормиз. Шу сабаб "Беном" ва "Ўзбекнаво" борасидаги вазиятга ким хақ ким нохақ шахсан фикр билдира олмайман. зеро хар иккала тарафнинг хам хақиқати мавжуд.  Хулоса ўзингиздан.

Ситора Фармонова вазиятидан эса рости хабарим йўқ, кўрмадим КВНни у сонини. Кўрганлар изохда ўзлари фикр билдиришар. Ситора ва "Ўзбекнаво" мавзусида хам хулосаларда  дурранг вазият бўлармикан ё...

19-Июл-2016 23:09
Бўлим: Baxs| Tanqid | Janjal | Чоп этди: Sayyod | Тег : Benom, Sitora Farmonova, Sarvar va Komil
1 Замир   (20-Июл-2016 01:08)
Когда группа поёт не только в своей стране, но и выходит на уровень другой страны, а точней России это ли не должно говорить, что ребят любят, что у них есть большой талант и большое будущее, они поют на родном языке, а значит несут этот язык и эту культуру в массы, разве за это можно наказывать, отбирая лицензию? Неужели так много групп которые зовут на концерты в Москву? Неужели нельзя было обойтись предупреждением на первый раз? Вы должны наоборот радоваться, что ваши исполнители выходят на новый плодотворный уровень, а не держать их как своих собак в цепях на родине. Или вы боитесь утечки ваших талантов в Россию? Так такими поступками только подначивает ещё больше.

2 shahzod   (20-Июл-2016 07:02)
OZBEKNAVO dagila pul iwlamohci bogan. Bu aniq. U diyiwsa bu, bu diyiwsa u boptiku ahir. Elcihona nima ucun keregidi. Wunca yugur yugurga cidomi pul beriwadi dgan. OZBEKNAVO ni davno yo qliw kere. Cunki RAYHONNI oddiy konsert plakatigayam gapiriwkan. Bu umuman notori. Ahir oldin unaqa bomaganu 2001-2008 yillada.

3 Наштар   (20-Июл-2016 12:39)
Тўғриси, анави Сарвар-у Комил деганларингизни расмига қараб, ТВда кўрганим эсимга тушди. "Амма"ми, "хола"ми деган бир бачкана қўшиқ айтганди шекилли. Шу иккита баччанинг лицензияси олинди нима-ю, уларнинг гўёки "хориждаги концерти" нима бўларди? У ерлардаям "амма-тоға" деб қилпиллаб келгандир-да... Яна ким билсин, маъмури айтганидек, "ночной клуб"да бўлибди-ку, у ерда нималар қилгани бизга қоронғу... Санъатимиз шунақалар камайгани билан қашшоқлашиб қолмайди.

4 Иброхим   (20-Июл-2016 13:46)
Салом Хаммага,Шу сочи куп одам Халиги SAYYOD интервю олганида Сардор,Сардор,Сардор,деб иккита сузига аник жавоб беролмаган Инсонмасми? Узи нима килаётган ишини билмайди бу Раис!!!!Тувба килдим Халк учун Яхшилик килинглар......Юлдуз У-ни ЙУЛИНИ ОЧИНГЛАР!!!!!!!!

5 Маматқул   (20-Июл-2016 14:04)
Исмлари бор экан-ку, нега Беном дейишади? Ёки бу номнинг бошқача маъноси борми? Артислар ўзларини ўзлари кулгига қўйишади-да.

6 Сардор   (20-Июл-2016 15:14)
O'zbek navo to'g'risi bir tiynga qimmat tashkilotsila. Bu mani fikrim

7 Sasha Beliy   (20-Июл-2016 17:05)
Bunaqa talablar bilan estradamizi rivojlantirib bo'miydi qaytanga dunyoga tanilomi qop ketamiz. Benom guruhini e'tirozi juda o'rinli. Allaqachon san'atkorlarni chetga chiqishi haqida qanaqa hujatlar ma'lumotlar kerekligi haqida alohida qonun yoki qaror chiqarish kere, toki qoganlayam Benomga uxshap sarson bo'p yurishmasin.

25 abdu_77   (31-Июл-2016 15:10)
Кечирасизу, Сиз мухаббат куйган шу гурухингизни таг томири билан йук килиш ташлаш керак. Сарсон булиб эмиш.Бунакаларни бурнини ерга ишкаб кайтиб сахна юзини курмайдиган (ёки куролмайдиган) килиб ташлаш керак. Сиз асл мусика ва кушик тинглашни урганинг. Бу гурухлар уткинчи.Бугун бор, эртага йук. Савиянгизга яраша кушик тингланг.

8 monitor   (21-Июл-2016 09:46)
Ozbek navo har qatta bir tiyinga qimmat tashkilot litsenziyadan maxrum qilib nimaga erishadi, litsenziya olish pul, pulini tolasa yana litsenziya tayyorde, Ozbek navo ozi shuni orqasidan kun koradiyu

9 Sardor   (21-Июл-2016 10:43)
Soqqasini berish kere uzbeknavoga boldi. Muammo yoq.

10 sherzod   (21-Июл-2016 15:36)
Бу гурухни Ўзбекитсонни ўзида яхши танишмайдию чет элда бало борми олдин ўзингда қойиллат бир нарсани кейин чет элни кўзга кўринган концерт залларида концерт хамма қойил қолсин. Ночной клубга бориб трубани олдида ашула айтиб келиб чет элда бўлдим дейиш керакмас.

11 Abbosbek3334   (21-Июл-2016 22:17)
Benom xaqli etiroz bildirgan, Uzbnavo qaytarib berilar. Yoq obroni yerga urmasdan.

12 Зафар   (22-Июл-2016 11:19)
Шундай юлгичларни деб узбек эстрадаси оксаб колмокда. Юртимизнинг барча вилоятларида канчадан канча талантли ёшларимиз бор. Агар "Узбекнаво" хакикатан хам узбек эстрадасини обрусини юкорига кутаришга харакат килишаётган булса, унда нимага Севара Назархон, Сабина Мустаева, Мадина Саидазимова каби ноёб овоз сохибалари четда ижод килишяпти. Сардор Миланони чикишларини интернетдан бир караб куринг. Руслар гурурланишяпти улардан. Мени фикримча узимизда хам "Голос" сингари лойихалар ташкиллаштириб узбек эстрадасини ривожлантирса булади. Узбекнавони узига яраша жамгармалари бордир.

13 Зафар   (22-Июл-2016 13:04)
4 чи Иброхимни фикрларига кушиламан.

14 farida   (22-Июл-2016 13:49)
Benom guruhi men kup tinglayman qushiqlari yahshi aytishadi nimasi yomon chetka chiqib konsert berishini nahot shunga ham vahima qilishsa uzbeknavoni tushunmayman artistlarga qulaylik yaratish kerak emasmi

15 no name   (22-Июл-2016 14:05)
Яхшиям Шу Узбекнаво бор....Булмаса артистларимиз салга ечиниб Ватанини сотворуради....Бу сузим неча бора исботини топган...Айникса Сардор сиз узиз шуларни ичида юрибсиз ва "фаришта" артистларимизни асл башарасини хаммаданам куп сиз биласиз

16 Зафар   (23-Июл-2016 10:21)
4 чи Иброхимни гапларига кушиламан

17 makhmood   (24-Июл-2016 11:41)
Манимча Ўзбекнаво тўғри қарор қабул қилишган...Беном гуруҳи сўнгги вақтларда ижод қилмай қўйишди..қани аввалги Беном ...???..қум борми дегинг келади тунгги клубда...
Ситора Фармановага келсак тов оралаб нима бор қирғизларда...ўзимизда ҳам яхшигина ижод қивотгандию

18 Зафар   (24-Июл-2016 16:33)
Узбекнавони булгани яхши ва булиши шарт деб уйлайман. Лекин у ердагилар нима иш килишяпти. Масалан, курик-танловлар уюштириш оркали талантли инсонларни бир жойга туплаб, танилишида ёрдам берсалар буладику. Хаммаси чунтагини уйлайди. Шахар кишлокларимизда канчадан канча иктидорли ёшлар хамда ширали овози була туриб ёшлигида укиш имконияти булмай орзулари армон булиб колган иктидорли ёши катта одамлар бор. Шуларни "Иктидорли одамларни куллаб кувватлаш жамгармалари" очиб ёрдам беришса булади менимча. Стулда утириб бонг ургандан кура

19 Ananim   (25-Июл-2016 16:02)
SHU SABAB,DO'STLAR VA MUHLISLAR I.MIRZO O'Z FAOLIYATINI RIVOJLANTIRGANDA EDI! NATIJA YAHSHI BO'LAR EDIDA!

20 Ananim   (25-Июл-2016 16:16)
AGAR I.MIRZO O'Z FAOLIYATINI RIVOJLANTIRGANDA VA YOSHLARNI TUSHUNGANDA EDI! MASALA YAHSHI BO'LAR EDI! TASHKILIY ISHLAR MADANIYAT,KINO,MUSIQADA RIVOJLANTIRISH LOZIMDIR!

21 ramsar88mag   (28-Июл-2016 16:59)
Salom Sardor aka. Avvalo statiani aniq va bexato tayyorlaganizga raxmat, chem bazi adabiyoti va saviyasi sust jurnalistlarga qaraganda. Shov biznesga kelsak bu tijorat, o'z nomi bilan. Va chet elda yurgan kishi sifatida bir fikrni etsam. Sanati bor va shu bilan kun kechirishga bel bog'lagan insonlar ko'cha kuyda sanatini nomoyon qilib xalqni mehrini qozonadi (balkim yulduzga aylanadi), xatto sanatini oliygohlarda rivojlantirgan va o'z guruxi, o'z ijodiy tashkiloti bor insonlar ham. Jamoat joylarida, kafe restoranlarda qo'shiqlarini kuylab disklarini o'sha yerni o'zida yoqgan, sotib olaman digan kishiga sotishadi. Bu vaziyat to mega yulduz bo'lgunga qadar, no bazan undan keyin ham. Bizda obshiy qancha qo'shiqchi sanatkor bor sanashga qo'rqaman no, shulardan qanchasi etganimdek mashaqqatini ko'rgan? Va litsenziya berish talablarida qanchalik shu aytilgan narsalar ko'zda tutilgan? Ammo sanat sohasini muqaddas maskani bo'lmish Istiqlol sanat saroyida istalgan 1000 da 5000 gacham auditoriasi, LITSENZIYASI, bor qo'shiqchi konsert berib, ungacham reklamasini yog'dirib odamni asabiga tegadi. "O'zbeknavo"ni nizomi, vakolat doirasi qanday to'liq bilmadimu no avalam bor masala shunchalik murakkab ekan boshini tug'irlash kere raz uzni sanats soxasini kontrol qiladigan va rivojlantiradigan tashkilot bulsa. Chetga chiqvotgan sanatkor to'g'srisida qayg'urish, bunaqa faoliyatni tartibga solish to'g'riyu no, masala elchixona va boshqa tashkilotlar bilan birgalikda xal qilinadigan bo'lgandan keyin o'zaro hamkorlikda, aniq tartibda ishlashi shart. Litsenziyasiz qolishgan sanatkorlarimizni esa o'ziga yarasha xatolari bor va bu jaaa unaqa og'ir xato emas. Odatiy oddiy xatolik va etilganidek yana litsenziya olish pul bilan bog'liq xalos. Umuman qolgan etilmagan gaplarning ko'pi moliyaga bog'liq. deal

22 Axmad   (30-Июл-2016 18:42)
Узбекнаво муттасадилари Азамат Нурматов ва Одил Абдукаххоров бутунлай хак. Хорижга чикиб 80-100 одамга фонограмма оркали кушик куйлаб келиб, фалон жойда концерт бериб келди деган шов-шув таркатиб юрганлар, ва уша фалон жойда кандай залда, нечта одамга концерт бердинг деб сурасанг жавоб беролмайдиганлар жуда купайиб кетди охирги вактда.
Хорижга чикиб концерт бериш истагида булганларни саралаш вакти аллакачон етиб келди. Сабаби, Узбекистондан хорижга бориб концерт берган хонандалар у ердаги тингловчиларда узбек санъати ва маданияти тугрисида макташга арзигулик тааъсурот колдира оладиган хонандалар булиши керак. Акс холда, ит хам бит хам, хорижга чикиб концерт бераверишига йул куйиладиган булса, узбек санъатининг обруси тушиб кетади.
Узбекнаво хорижга чикиб концерт бериш истагида булганлар учун каттик талаблар куяётгани жуда тугри деб хисоблайман. Беном гурухи (маъноси номи йук) Узбекнавога Козогистондаги аллакандай фирма концерт ташкил килаяпти деб уша фирмани номидан хат такдим этиши Узбекнавони чалгитишга уринишдан булак нарса эмас. Азамат Нурматов тугри килган уларга рухсат бермасдан. Хар кандай оммавий тадбир бундай тадбир утказиладиган худуддаги тадбирни утказишга масъул булган давлат органи жавоб беради. Концерт учун, концерт утадиган шахар, вилоят ёки туман маданият булими масъул хисобланади. Беном Козогистонда концерт бермокчи экан, аллакандай фирмадан эмас, балки концерт бериладиган худуддаги маданият булимидан Узбекнавога хат такдим этиши шарт эди. Хатни берган махаллий маданият булими, уз хати билан, уз худида жойлашган, концерт бериш учун мулжалланган жойда (маданият саройи ёки концерт залида) Беном гурухи концерт беришиги рухсат берганини (ёки карши эмаслигини) тасдиклаган булар эди. Махаллий хокимият органининг маданият булими уз хатида концерт кайси сарой ёки залда утказилиши, ушбу сарой ёки залга канча одам сигиши, концертни утказилиш санаси, вакти, ва бошка маълумотларни курсатади.
Лекин, булардан аввал, хорижга бориб концерт бериш истагида булган хар бир хонанда узининг хорижга чикиб Узбекистон номидан концерт беришга арзийдиган даражага етганини Узбекнаво олдида исботлаши керак. Фонограмма ёрдамисиз кушик куйлай олмайдиган Ситора Фармонова ва Беном гурухи аъзолари хорижга чикиб концерт беришга арзимайдиган хонандалар (уларни хонанда деб хисоблаш мумкин булган такдирда). Улар у ерда узбек маданияти ва санъатини факат обрусини тукиб келиши аник.
Хозирги кунда Узбекистонда узини хонанда деб хисоблайдиганларни ичида хорижга чикиб концерт беришга арзийдиганларни бармок билан санаш мумкин. Узини хонанда деб хисоблайдиганларни аксарият купчилигини хатто хонанда деб аташга тил бормайди. Хозирги кунда бирор бир иш кила олишига кузи етмаганларни купчилиги кушикчи ёки актёр булишга харакат килаяпти. Улар шу даражада купайиб кетдики, кайсидир кизикчи айтганидек, самога тош отсанг артистнинг бошига тушади. Саралаб, аслида санъатдан йирок булганларини чикариб ташлаш вакти етиб келди аллакачон. Бундай килишни иложи булмаган такдирда Узбекистонда хизмат курсатган фонограммачи унвонини таъсис этиб барча фонограмма оркали кушик айтувчиларга бериш керак бундай унвонни.

23 Axmad   (30-Июл-2016 18:48)
Ситора Фармонова эса узбек була туриб узбекларни мазах килгани ахмокликдан бошка нарса эмас. Бундайларни нафакат Узбекнаво, балки сахнани якинига хам йулатиб булмайди.

24 abdu_77   (31-Июл-2016 14:54)
Узбекнаво тугри килган. Рахмат уларга. Имкон булса Узбекистондаям шулар ва шунга иухшаш гурухлар фаолиятига бутунлай чек куйиш керак. Буларни эшитиб канака маънавий озука олишади хайронман. На ноласи бор, на авжию даромади. Тумтаракай сузлар ва кулокни коматга келтирадиган шовкин сурон (мусика дейишга тилим бормайди). Маданият Вазири ким узи? Нега шунга ухшаш энг мухим тарафлардан куз юмиб олишади? Эх аттанг...аттанг...

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [455]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1002]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [63]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [576]
Tabriklar [165]
Taqdimot [46]
Hayriya| Akciya | Tadbir [234]
Turk shou-biz [16]
TV | Teatr, Kino.uz [121]
Yangiliklar [760]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 8
Мехмонлар: 8
Рўйхатдагилардан: 0